حب عبر الحدود ( باللهجة المغربية و الجزائرية) | مكتملة.

الفصل السادس والعشرون

أنا : شكرا بزاف ا عبد المالك انا انحاول نعرف و نرد عليك
قطعت مع الدورة لي اندور جاتني واحد التصميكة بديت نحسب النجوم في عز الظهر..
نزيم : يااااااااسمين  نبهتك شحال من مرة  ماتحكيش معاااااه  لاوحني فوق  الفرشة انا مزال ما فاهماش بقيت غير كانبكي ف بلاصتي هو خرج زدح الباب  بقيت  فبلاصتي حتى نعست. . حتى حسيت بيه كيبوس فراسي و ناعس حدايا و معنقني متحركتش  حيت سمعتو كيهضر
نزيم : حياتي سامحيني  .. منصبرش نعرفك تحكي معاه سامحيني  بقا معنقني  و انا نوض
انا :  نزيم بعد مني  متقيصنيش
نزيم :  حياتي  سامحيني والله. .
أنا :  نزيم سالينا بعد مني كنكرهك  (جرني لعندو وبديت نضرب ف صدرو ساعة هو مكتقصحش ) بعد مني اهئ اهئ اهئ 😭
نزيم: روحي هاد ليد لو تولي تمد عليك نقطعها
بقيت كانبكي و نضربو تا نعست واخا كايدير ليا هاكا غير كايقرب مني كنضعف  .. وكنكره هاكا
مني فقت فالصباح دخلت دوشت  خرجت  لقيت  نزيم يلاه فاق  مهضرتش معاه هبطت نوجد الفطور حتى هبط هو الولاد  جلسو كاملين  و انا كنحط وساكتا  حتى  جلست  و هضر نزيم : حبوبتي وقتاش تحبي نروحو لإيطاليا أنا فرحت حيت عرفتو ايكون سمع غير باش قلت شكرا ا عبد المالك
يعني دابا انا انمشي    نتأكد  و نشوف  كلشي بعيني
انا: بصااااااااح كتهضر؟
نزيم :  وي حياتي
أنا غداااااا 
يسرى و ياسر : ياااااس انمشيو  ل l'Italie
نزيم :  داكوغ بيبي  جمعو ليوم حوايجكم  أنا نروح نشري  لي بيي                                                

فرحت  بزاف  جمعت الدار وطلعت نجمع الحوايج  بديت  ب ديالي  أنا و نزيم  و من بعد جمعت د  يسرى و ياسر  و ريم عندها  داكشي  خفيف  هههه مني  رجع نزيم لقاني وجدت كلشي
نزيم : اياياياي السبييييد
أنا :  هههه و على شنو ههههه اصلا وا ماكاين  مايدار تا لولاد لي يرونو  دنيا  و نجمعها  كايلعبو  فبيتهوم  و كايسيلو  و يجمعو هوما ههه مالقيت مايدار 
نزيم :  اياااا قولي الله يبارك على  وليداتنا
أنا :  تبارك الله 
لغد ليه  كانت  عندنا  الطيارة مع 12  فقنا على خاطرنا و فطرنا  و جمعنا  لحوايج  و مشينا  للمطار  .. و صلنا مع ديك   3  كنا حطينا الرحال  ف مدينة روما
مشينا و توجهنا لواحد الفندق فاخر نزيم مور ماحطنا مشا يكري سيارة .. كانت الغرفة شوية كبيرة فيها جوج حمامات و جوج غرف نوم واحد لداري و واحد لينا حنا مشيت كنطل من البالكون و بالصدفة شت مستشفى قدام الفندق و كيحمل نفس الاسم لي فيه ديك المريضة لي يمكن تكون سيرين تفكرت تاني انو لينا قريبة من نهنا جبدت التطبيق لي عطاني امين و جبدت بيه عنوان لينا كانت قريبة بزاف مني جا نزيم طلبت منو نمشي لكن رفض من بعد إصرار خلاني تا قلت ليه راها قريبة هزيت تيليفون و بقيت متبعة تا لقيت راسي أمام واحد الفيلا و كان الباب محلول يلاه دفعتو بعت معايا واحد الراجل كايهدر بالطاليانية هدرت معاه بالإنجليزية فهم شوية قلت ليه يقول ل مدام لينا واحد المرا بغات تشوفك قال لي شنو سميتك قلت ليه .. أمم قلها سناء مشا و رجع قاليا قالت ليك تفضلي اجلسي فالجردة تسنايها مشيت معاه واواو هاد لينا خطيرة فاين عايشة هادي ماشي جردة هههه وا يلعب فيها الخيل جلست و عطيت بظهري للباب باش ماتشوفنيش .. كنسمع خطوات كايقربو د الطالون و انا نضور بقات مبلوكيا
أنا : اااا ديك الحقيرة هيهو
لينا (غمضات عينيها ): قولي لي ماكنحلمش
انا : نجي نليعها لختي بشي قرصة؟
طارت عليا كاتبوس و تعنق : هههه أو ا صاحبتي طرتي دغيا جيتي
أنا : ايوا شنو على الضحك فيه اللعب ..
لينا : توحشتك شهور هادي ماشتك مني ولدتي ريم
أنا : واش اتخليني واقفة ف الباب
لينا : ههه زيدي ا الحمارة هههه
أنا : ايييه يا بنتي يا لينا عطاتك ليام الفيلا و داكشي عنداك يكون راجلك خدام ف المافيا ههه ا هادا شغل الطاليان ا ساطا
لينا : وايه بحال والو .. هههههه
دخلنا كانت فيلا كانت واعرة بحالا داخل ل داكشي د سليمان القانوني كنظن حيت هو من أصول تركية عليها محتافظ بهادشي .. كانت أيضا لمسة مغربية فالدار من حيت الفراش اكيد لينا هي مولات هادشي ههه
أنا : هاي هاي ناقصنا هانيا غير السلطان سليمان و بالي بيك
لينا : هههههههه و هيام هي انا و سليمان هو ادام
أنا : اشويني فك
لينا : فين هو بو راس ديالك ؟
انا : راه خدينا ف اوطيل *****
لينا : اجيو جلسو عندي ا لهبيلة
أنا : اوهو يا لحبيبة راجل عندك كاوري هههه
لينا عادي ا صاحبتي والله
انا : خليني بعزي احمباك .. فين هو اياد ؟
لينا : فبيتو كايلعب
أنا : مسيكين جالس وحيد انا ولادي لاما تجمعوش
مايبقاوش على خاطرهوم ههه مكنقدرش نفرقهم
لينا : يمكن كاينة شي حاجة
أنا : حلفيييي بالله
لينا : كنظن معرفتش ممتاكداش هاد ليام كاتجيني الردا بزاف و الدوخة
انا: ايييه دارها الطالياني ، تسوخري نطلع عند اياد .. شبان لك نزوجو لريم مني يكبرو ؟
لينا : نتي غا بقاي تزوجي فيهم ياسر زوجتيه ل ناديا بنت أيمن و بغيتي تلصقي ليا بنتك ف ولدي
أنا : اااح شتي انا ولدي ياسر لا زوجتو ب ناديا ايجيو بحال ناديا إ ياسر د السارقة على الله ماخرجش ليهم شي وليد ههههههه ، و مالك بعدا ولدك يحصل ليه الشرف اتزوج ببنتي شنوية الصغيورا ديالي ،
طلعت عند ولدها غزييييول د الماكلة سبحان الله باين فيه الزين د تواركا شتو غير مني خلاق ..
أنا : لينا سولت على ديك سيرين و قال ليا كنيتها عباد
لينا : يلاه نمشيو دابا نشوفو
مشينا لداك المستشفى
الحوار بالايطاليا
لينا : سلام عافاك كنسول على واحد المريضة جالسة هنا
المرأة لي ف الاستقبال : لإسم ديالها ؟
لينا : سيرين عباد
ديك السيدة بدات تقلب قالت ليها : لا سمحيلي ماعندنا هنا تا شي مريضة بهاد الاسم لينا : امم لكن ا لالة هما قالو ليا راها هنا ..
السيدة : لا كنعتذر ماكاينش
انا مكنتش فاهمة تا شرحات ليا لينا ..
انا : ايوا دابا اش نديرو
لينا : يلاه نخرجو من نهنا بعدا و نهضرو و حنا خارجين تا جاتني لينا
انا ااااي بشوية
لينا : شوفي الحمارة
انا: ش غا نشوف
لينا شوفي شكون جاي
منين شفت شكون فرحت
أنا :  يلاه نتبعو ها  (جراتني لينا )
لينا :  اجي لهنا فين غادا 
أنا :  وا نتبعها
لينا : انا ماكتعرفنيش مزيان شافني  غير  شي مرة و لا جوج نتي بقاي هنا أنا انتبعها ماغادي تدين  قياص 
أنا :  واخا يلاه سيري
مشات  و انا بقيت  مخبية مور  واحد السارية  حتى  جات
لينا :  يلاه فحالنا
أنا :  وا قولي لي بعدا
لينا :  عرفت رقم الغرفة المرة الجاية غادي نجيو نتأكدو شكون تماك 
خرجنا  واحد الساعة  جريت  لينا نتخباو  كانت أميرة خارجة
تخبينا حاضيينها تا كاتبان لينا وقفات حدا واحد السيارة كلها كحلة و خرج واحد من اللوطو داير  بحال  بادي غادر حل ليها الباب للوراني  و هي طلعات  درت كنشوف  ف  لينا  :  شفتي  لي شت
لينا :  شااااافت ا ختي .. زيدي  نمشيو  زيدي 
أنا :  يلاه  ..
مشيت  و طلعت  للشومبر 
نزيم  : يااااااااسمين  (كيغوت ) اكي  حابا  تهبليني  يا مرا كي متجاوبيش علاش  راكي دايرا بورطابل
انا؛  ها ؟ .. لا والله ما سمعتو  جبدتو  كانت شي 30 ابيل 
نزيم :  اوووووف منك  اوووف
انا :  نزيم  دابا مالك داير حالة  هانا جيت
نزيم :  اااه  ندير  حالة  حيت تخلعت  عليك  خفت عليك
انا  (بديت  نتحلون  مشيت جلست حداه ): وا حبيبي والله راك عارف شحال ما شت لينا  .. مهم ماتقلقش  مني كنبغيك  والله 
نزيم (هز عينو  شاف  فيا ) : ارواحي  (دار يدو على رجليه  زعما نجلس تماك مشيت جلست و بدا كايشم فرحتي و ريحت شعري )ياسمين والله اني خايف لا تروحي  مات ايماجينيش ديك العشريام  كي دازت عليا تقول عشر سنين  .. صح كنت نخمن  نتي لي راك تخدعيني  وا هادا  كان يوجعني كتر. . بصح  فراقك عذبني  .. كي كنت نضربك نقول على الله نشفي غليلي  و منبقاش  معذب .. كي كنت نبات بعيد عليك  كنت نبات  معذب و الله يا ياسمين  غير  راني  نحبك لو كان منحبكش من اللول. . كي يقتلو  بابا نكره بصح أني نعتابرو قداء وقدر لو كان ماقتلوهش  ربي كان يعمل السبب  اجلو  وفى  .. مندمتش  على نهار  قالو لي  حاول تروح عندها و تزوجها بلعاني  و وليو  لدزاير  مندمتش حيت عرفتك فللول  كانت عندي عفسة نورمال نبين لك بلي نحبك بصح كي نشوفك كي راك بعيدا  عليا  و تحبيني  و جامي شتيني  كان هادا أبسط شيء يبين لي داك الحب الصادق لي كنتي تحسي  بيه
ياسمين :  ههه كنت ؟ لا لا راني مازال و انبقى  منكدبش عليك ولربما اول مرة صارحتك  اول ماعرفتك  كنا كنهضرو كنت معجبة من الصور  ديالك حاولت نسي بيك  امين  لكن مجرد  ما وليت  كنسمع حلقك  ونهضرو بالكام  صافي ..
تماك وليت بصاح كنبغيك  منين مشيتي  وخليتيني  حاولت نتناساك  كملت  حياتي  عادي  لمدة سنة  تقريبا لكن كانت عادة  غريبة  فيا  هي أنني  كنت كل نهار  كنقرى محادثة  ديالنا  ههه و كانشوف  دوك السكرين شوت  لي كانديروهم  ف السكايب  وحنا مصورين  كل جمعة كنت كنمشي  قدام  واد ابي رقراق  كانت كاتعطيني  منو واحد النسيم  كنحس  بالراحة  بدون  أن أعلم أن داك المكان  هو فين غادي نتلاقاو  لأول  مرة  شحال من مرة بكيت  عليك و ضحكت  على راسي من بعد كيفاش ا ياسمين  كتبكي على واحد عمرك شتيه  تلاقاه عايش  حياتو  ؟ كلشي  كايقولي  ياسمين  متأمنيش  بالحب  لي فيه المسافة  لكن كنت كل مرة كنكتب فاليوتوب  "long distance relationship first meeting "  "علاقة حب عبر المسافة -أول لقاء"  كنت فكل مرة كنشوف  دوك الفيديوات  كاين لي كايكون  عامين و هوما كايبغيو  بعضياتهم  و هو فبلاد و هي فبلاد  و داك للقاء الأول كنت كنتخيلو  حنا مني نتلاقاو  ..
نزيم :  ههههه نعقل اول مرة  كي بعت ليك فيديو  و قلت لك  إن شاءالله نكونو حنا                                    
أنا : اااه عقلت  من تماك  وليت مهووسة  ب بحال دوك الفيديوهات
نزيم :  بصح اول مرة غوت  عليا 
أنا  :  ايوا  نتا لي خليتيني  كنت كنهضر  معاك مكاتجاوبش  تا تفرقنا  بغيتيني  نبوسك  و نحزرك 
نزيم  :  واه ههههههه
أنا : الله يمسخك 
خشاني  فيه  تا حسيت  بضلوعي طرطقو و هي تجي العصابة كيف ديما كايعجبهوم يخصرو لينا اللحظة
نزيم :  ارواحو  حبايبي جمعنا  كاملين  السيد عضلات  وعنقنا. . من بعد خرجنا  نضورو ف ساحة  روما حتى  كانحس باليد لي تحطات  عليا ضورت عيني 
انا :  يعطيك الويل خلعتي حسي 
لينا :  ههههههه عبرت  عليك 
أنا :  hey Adam how are ya doing ؟ مرحبا آدم كيف حالك
أدام : hamdulilah I'm fine n you ؟ الحمد لله لاباس و نتي ؟
أنا :  الحمد لله 
الولاد طلاقاو ب اياد  ولدها لحسن الحظ معلماه  لينا الدارجة  و نزيم  مشا مجمع مع آدم و انا مع لينا  غادين  كانضورو  و نتعاودو  و هي كتوريني الدنيا  كي دايرا  واحد الساعة  خشيت  يدي  ف جيبي بغيت  نجبد التيليفون د أميرة  كنت بغيت  نسولها على شي حاجة
أنا :  ناري التيليفون. .
لينا :  مالك
أنا :  معرفتش  فينو  كنت دايراه  ف جيب 
لينا :  هههه ايكونو  خدموك  ا ساطا
أنا :  ها؟ كيفاش  ..
لينا :  روما ا صاحبتي  معروفة بالشفرة  واش ماعارفاهاش
أنا :  وا كان كايتصاحب لي غير  هضر ا
لينا :  ههه لا بصح  راه كايشفرو  هنا بزااااف
أنا :  اوووووف
لينا :  صافي  .. هانيا  حنا المهم راه عرفناه 
.. من بعد  عرضات  علينا لينا نتعشاو  عندها  و رجعنا للوطيل  بدلت  الكتاكيت و نعستهم  و عاد مشيت  للبيت  تكيت فالفرشة  و هو يجرني نزيم لعندو  حتى نعست  فقت  فالصباح اتصلت بخدمة الغرف يجيبو لنا الفطور  فطرنا  من بعد كنت متافقة  مع لينا زعما  اندوزو نهار  عندها  و حنا نخرجو  ديكشي  لي كان مشينا  و قلنا لهوم انقديو غراض د البنات معارضوش  خخخخخ تلاقاهوم سحابلهوم  ليوم  انوجدو ليهم  ليلة حمرا  هههه مهم مشينا للمستشفى و طلعنا  و حنا غاديين  و حنا كانضورو  لا يشوفنا  شي حد وصلنا حدا الغرفة  سمعت المرا كتهضر  مفرزتش  جراتني  لينا  وانا كي لبهيمة  اييه شحال خايبة  تكوني  ف بلاد مكتفهمي  فيها والو ههه مهم دخلنا  لواحد البيت  عامر  بأدوات التنظيف  قالت لي نلبس  طابليا  و نهز شطابة  و شي سطولة  داكشي قالت لي لينا أنها اتهضر معاها و انا نستغل الوقت  و نشوف  ف المريضة  لي درنا وقفنا  قدام الغرفة  و دقينا خرجات المرأة ..