حب عبر الحدود ( باللهجة المغربية و الجزائرية) | مكتملة.

الفصل العشرون/

انا : ايوا ا عبد المالك عمري سولتك واش ماعندك تا وحدا ف حياتك
عبد المالك : هههه اكي توفيني ما نروح فين ديما معاك ههه لو كان كنت نخرج مع شي بنت متحبنيش نكون معاك
انا : اياياياي زعما لقليب خاوي
عبد المالك (تنهد ) : لا كنت نمووووت فيها بصح ماتت كان سمها سيرين
انا : الله يرحمها
عبد المالك : آمين
أنا : واش ريم كتغوت ؟
أمل : اه اتكون فاقت
انا : انا جايا
مشيت دخلت لقيتها فاقت و كتمنظر فالسقف هزيتها و ديتها معايا فين كنا جالسين
أنا : اوووبا .. شوووووفو زيييين شوفو الحبيبة ديالي أنا (كنبوسها ) موااااح
أمل : ههههه ماشي غير نتي لي ولدتي
أنا : أ لا لة ضاراك شي حاجة عندك بنتك سيري بوسيها انا كنبغي نبوسها شتي اصلا ايلا كنتي كتحني على ولادك و هوما صغار و تبوسيهم مني ايكبرو هما ايوليو يبوسو فيك
أمل : ولايني عيشة بواسة
انا : مو تي كزي تاخدي عزي
امين : انجي نوريك عزي شكايسوا
انا : عنصري (خرجت لساني )
عبد المالك : ياسمين لازم نروحو
انا : يلاه ، بسلامة عليكم هههه تا تجيو عندي شي نهار لفرنسا و ندرها لكم
خرجت هازا بنتي طلعت معاه اللوطو و حنا غاديين صونا تيليفون كانت يسرى
أنا : الو حبيبتي
يسرى : الو ماما اهئ اهئ توحشتك بزاف
انا : تا انا ا حبيبتي متصوريش قداش
يسرى : ماما وكتاش تجي ؟
إنا : قريب ا حبيبتي قريب .. (كان باين من حلقي انو كنبكي )
يسرى : ماما علاش كتبكي ؟
أنا : لا لا احبيبتي غير توحشتكوم نتي و خوك هادشي علاش
يسرى : ماما ياسر متقلق عليك بزااف قالي مامي متبغيناش و تبغي ريم
انا : أبدا حبيبتي انا ديت ريم حيت مازال un bébé وخصها ترضع
يسرى : maman je te comprends mais ..ياسر كيقول هضرا واحداخرا ..
أنا : حبيبتي كتفهم ههه حبيبتي كنوعدك نقاد اموري و نجي دغيا
يسرى : s'il te plaît maman.. آاه طانط أميرة ساكنا معانا و des fois تضربني اهئ اهئ
أنا : كوا، كوا كواااا كضربك و الله يا بنتي غير نجي و نوريها(انا مزال كنهضر تاقطعات اتكون شافت شي حد
دار عبد المالك كيشوف فيا و مسح ليا دموعي
عبد المالك : بما انك تعذبي كل هاد العداب علاش متوليش لعند ولادك
أنا : عافاك سرع لي فقضية الطلاق مبقيتش نقد نصبر تلت يام حسيت براسي بحالا 3 سنين
عبد المالك : داكوغ .. متقلقيش روحك دموعك غاليين
أنا : ههه كنتمنى كون كان نزيم بحالك ..
دار يدو على حنكي و عم الصمت .. كيقرب لي و أنا كنغمض عني كنحس بانفاسو تخلطو مع أنفاسي حليت عيني لقيتو غادي يحط شنايفو على ديالي لكن سرعان متراجعت رجعت اللور ميمكنش ليا نديرها ايلا فعلا نزيم خانني انا منكونش خائنة بالإضافة انا مزال على الدمة ديالو إثم ايكون عظيم ..
انا : سمحلي سمحلي .. ميمكنش ..
عبد المالك : ياسمين سامحيني والله .. لحظة ضعف سامحيني (دار راسو على الفولون )
أنا : صافي صافي .. مهم كنتمنى هادشي ميتعودش
عبد المالك (شد يدي )؛ وعد ميتكررش
نزلت ديك ساع و طلعت انا و بنتي للغرفة لي فالفندق
رضعتها و نعستها و نضت كنصلي ونبكي توحشت ولادي و توحشتو تا هو .. نعم مقديتش نحقد عليه كنتمنى يكون شي سوء تفاهم فالموضوع ويطلب مني السماحة ويشرح لي أنني فهمت غلط يعطيني مبرر مقنع نسمح ليه انا منقدرش نكرهو ..
صونا تيليفوني برقم خاص جاوبت و مهضرتش لمايقارب عشرين ثانية عاد هضر المتصل
-ياسمين ..
قلبي وقف كنحس برجليا فشلو توحشتو توحشت صوتو توحشتو كولو توحشت داك الاختلاف لي عندنا بزوج ف اللهجات توحشت مني كيقولي شي كلمة فشكل بلهجتو كنبقى نطنز عليه ونشد فيه داك النهار كامل غير بديك الكلمة كنعصبو و كايجي ويهزني ويطلعني لبيت و يبقى يهرني حتى حتى نستسلم ونقولو سمحلي بكيت فصمت وانا كنسمعو كيقول ياسمين قطعت وبقيت نبكي نبكي حتى نعست دازو من بعد واحد الربع أيام روتينية .. كنهضر فيهم مع حبيبتي فينما كتعيط ليا من داك النهار متلاقيت بأمل و امين تال ليوم كنت أنا و عبد المالك فواحد المقهى كنهضرو على داكشي د طلاقي و حنا نتلاقاو بالصدفة جلسنا مجمعين ضاحكين تاواحد ساعة عبدالمالك جاه اتصال وطلب الاذن و مشى يجاوب امين ناض موراه مشى للحمام يمكن انا بقيت كنهضر مع امل
انا : يا ختي منكدبش عليك كنتمنى انه طرا شي معجزة وميتمش هاد الطلاق ولكن محدني معنديش مبرر لهادشي منتنازلش
أمل : كون جيتيني لنا كون تفاهمتي معاه بالعقل
أنا : وا صحبتي راه دوك ليام ولا كيشي حمق ايلا طولت معاه لهضرة كايتم نايض ليا مقدرتش. . واصلا تشوفي راجلك مع مرا خرا ففراشك اش من هضرا بقات حتى نتي ..
أمل : عندك لحق اختي.. ايوا الله يدير ليك لي فيها الخير
جا امين كيجري و كيشوف فينا شي شوفات
أنا : مالك ا بنادم ؟
امين : ياسمين . . ذكريني بسميت ديك خايتي لي مع راجلك
أنا : أميرة
امين (ضرب فالطابلة ) : مييييغد
انا : أ مالك هضر (بان لنا عبد المالك جاي )
امين : بدلي بدلي الموضوع ..
مفهمتش قصد امين فديك اللحظة كتافيت باش نقلب الهضرة قدام عبد المالك و حنا كنهضرو و صلني ميساج هزيت تيليفون لقيت رسالة من عند امين كنشوف فالتيليفون و فيه تا خنزر فيا عاد حليت باش نقرا اش سيفط : شوفي غادي تصدري عبد المالك قوليه اتباتي معانا حيت خصنا نهضرو. .
رضيت عليه تانا : اويلي كيندير ؟ .. رجعت رضيت عليه ديك ساع قبل مايحل يقرى صافي صافي لقيها رسلت ل أمل رسالة : شوفي ديري راسك عارضاني نبات معاك ..
فعلا داكشي لي دارت عبد المالك ما قدر يقول والو حيت ماشي سوقو مشيت مع أمل و امين فللوطو
أنا : أ نتا داخلت عليك بالله شرح لي مفهمت والو ..
أمين : سكتي .. ولايني هاد نgير مبغاش يتحيد منك تا نوصلو للدار و نهضرو راني صايg .
أنا : وا نبات معاكم بصح
امين : وااااايييييه .. أ سيدي ربي على مكلخة
انا : ضريتيني ف راسي بلغوات باز ليك اختي أمل شتي انا كون تزوجت بهاد كون قلتو ولا قتلني شحال هادي
أمل : ههههه تي بعدي لي من حبيبة ديالي
أنا : و دوزني ا زمر للفندق نهز باش نبات و نهز حوايج بنتي
امين : لا اتهزي حوايج كاملين حيت اتبقاي معنا
امين : لا اتهزي حوايج كاملين حيت اتبقاي معانا حنا أقرب وحدين ليك دابا
انا : ماشي حشومة زعما .. نتقل عليكم تكونو باغيين تنفاردو ببعضياتكم هههههه
امين : ههههه واش انا انجي نفارد بيها فبيت الضياف هاد الكلخ ديالك مزال مابغا يمشي
أمل ا والله تا نتوما علااااام
وقفت طلعو معايا عاونوني و مشيت خلصت الفندق و خرجنا مشينا و دخلنا مشينا كلا بدل حوايجو و خرجنا للصالون
انا : ايوا أتينا ا سي امين
امين : ياسمين كتيقي فيا ياك
انا الله أودي هههههه
امين : شوفي داك خاينا د عبد المالك قلبي عليه ..
انا : لااا اويلي ايلا عبد المالك راه صديق عزيز عليا كنلقاه ديما حدايا هو لي كايعاوني
أمين : أ ياسمين كوني تسمعي الهضرة انا منبغيش ليك المضرة راك ختي واخا gاع المشاكل لي طراو بيناتنا فلازم منساوش أننا دوزنا فواحد المدة وقتية زوينة
انا : ايييه انا عارفة هادشي و تا نتا معزتك معالم بيها غير لله واخا كنت كارهاك لكن سرعان مسمعت الحقيقة رجعات معزة ديالك لقلبي ولكن على الأقل عطيني سبب مقنع
امين : ياسمين عرفتي شنو سمعتو كيقول..
انا :. .. لا لا اا امين عافاك متكدبش عليا اهئ اهئ
امين : كنقسم ليك ا ياسمين هادشي لي سمعتو كيقول
انا : اهئ واش متأكد ا امين
امين : ااااه ا ياسمين بودني سمعتو كيقول بلي خطة ديالهم نجحات و طلاقكم ايتم ف أقرب وقت و هاكا ذكر إسم أميرة كانو هي المتصلة
انا : اهئ اهئ
أمل : بااااينة هادي خطة عرفو كيفاش درسوها ولعبوها عليك ا ياسمين (كتعنقني وتهدني )
وصلاتني رسالة هزيت كانت من عبد المالك حليتو كان فيه : مبروك اكي دوكا مطلقة
انا : اهئ اهئ اهئ لا لا الا اماااااااال اهئ صافي زواجي سالا سالا اميين صافي طلقني نزيم اهئ بكل سهولة قدر يطلقني قدرو يفرقونا
امين و أمل شاديني وأنا كنبكي بقيت هاكاك حتى تهدنت دخلوني للبيت و تكيت وبديت نربط بين الأحداث
منين بان عبد المالك بانت أميرة موراه بشي سيمانة بلاضافة أنو مني بانو وانا ف المشاكل مع نزيم. . كيفاش مني كنت مشيت للمطار تلاقيتو و بالصدفة زعما كنا غاديين لنفس الدولة .. بقيت نفكر تاني .. ااااه الظرف لي كان فمكتب نزيم كانت مكتوبة عليه "زوجتك المحترمة"
كيفاش نسيت الأمر ديالو و كاعما قلبتو حسيت براسي ساذجة و مكلخة لواحد الدرجة مكتصورش لكن والله لا كانت ليها هاداك راجلي وغنرجعو
كانت ليهم راجلي وغادي نرجعو و ولله لا حلمات بيه.
خرجت بغيت نشرب كينة باش نتهدن شربتها .. وخرجت للبالكون و كانت السما زوينا عامرا نجوم رجعاتني لواحد الذكرى مع أمين جاتني الضحكة هههه شنو طاح عليا سمعت صوت من مورايا
قال :نفس الذكرى ياك؟
أنا (ضرت عندو ): ههههه آه سحابلي غير انا لي تفكرتها
آمين؛ هههه لا كنت ديما فينما نشوف بحال هاد المنظر نفس الذكرى كترجع
أنا : هههه بحالا غير لبارح و هادي 11 لعام هههه مني كانت عندي 15 لعام
امين : هههه وايه دغيا دازت ههه دابا عندك 26 تبارك الله هههه كبرتي ا شعبية
انا : (تنهدت ) : عيييت ا امين والله معرفت اش ندير فهادشي
امين : خصك ترجعي لفرنسا و تجمعي شمل ولادك أنا متأكد غادي يكونو دارو شي حاجة حتى راجلك تقلب عليك سيري عرفي اش كاين و رجعو
أنا : زعما؟ ..
أمين : انا متأكد غير سمعي ليا (صونا تيليفون )
انا : بلاتي نجاوب هادي يسرى .. آلو حبيبتي؟
يسرى : الو ماما ..
طاح تيليفون و طحت انا معاه