Seige FORD SERIES 5 (COMPLETED) UnderEditing

CHAPTER 14

CHAPTER 14

❤ Magnolia ❤

TAHIMIK ANG LAHAT sa hapagkain at kitang-kita ko kung gaano sila nawawalan ng gana ngayon. Hindi pa kasi umuuwi si Tina at sobra na ang pag-aalala namin sa kanya.

Hindi ko alam na aabot sa punto na makikipagtanan siya kay Chad. Nalaman ko rin na nagkagalit pala si Tina at Kuya Duke bago pa man magdesisyon na sumama si Tina kay Chad.

Napatingin ako kay Seige ng hawakan niya ang kaliwa kong kamay gamit ang kanan niya. Nasa ilalim ang kamay namin kaya walang nakakakita. Pinagsiklop niya ang aming mga daliri.

"Mister, nag-aalala na ako. Wala ka pa bang balita kung nasaan si Bettina?" sabi ni Ma'am Beatrice na puno ng pag-aalala.

"Mommy.."

Napabaling kami ng tingin sa bungad ng pinto ng dinning ng marinig namin ang boses ni Bettina. Nakita namin siya na umiiyak habang nakokonsenya na nakatingin sa pamilya niya.

Agad na napatayo sila Ma'am Beatrice at Sir Dimitri. Agad din silang lumapit kay Bettina at niyakap ito.

Tumayo kami ni Seige at tinignan ang mga ito. Binitawan ko ang kamay ni Seige dahil baka may makakita.

"Anak, salamat at umuwi ka na. Hindi mo alam na masyado kaming nag-alala sa 'yo." mangiyak-ngiyak na sabi ni Ma'am Beatrice.

"Sorry po, Mommy... Daddy, sorry po." umiiyak na paumanhin ni Bettina habang nakayakap sa Mommy at Daddy niya.

"Anak, kasama mo ba si Chad? Gusto namin siyang makausap." tanong ni Ma'am Beatrice.

Napatingin ako kay Seige na humawak sa braso ko at sinenyasan ako na tila dapat na iwan muna namin ang magulang niya at si Bettina.

Tumango ako at sabay kaming lumabas ng dinning area. Humawak siya sa kamay ko kaya takot na napatingin ako sa likod namin at sa paligid dahil baka may makakita.

"Saan tayo pupunta?" tanong ko habang akay-akay niya ako.

"In my room." maikling tugon niya at hawak-hawak ang kamay ko na hinila ako paakyat ng hagdan.

Pagtapat namin sa kwarto niya ay binuksan niya ang pinto at hinila ako papasok. Sinara niya ang pinto at ni-lock bago ako hinila papasok.

Binitawan niya ang kamay ko at lumapit syya sa side table niya na tila may kinukuha siya doon.

Nilibot ko ang tingin sa kwarto niya na ang theme ay isang iron man theme.. Lahat ng kulay na nakikita ko ay pula na may itim rin. May malaki siyang collection robot ni Iron man na tiyak ko na napakamahal ng presyo ng bilhin niya ang iron man robot na iyon. Maraming display ng iron man, may malaki, at meron ring maliit na nasa cabinet pa talaga..

Sa bandang kama, ang blanket, bed cover, pillow, at poster sa pader kung saan banda ang kama niya ay puro iron man din.

Ngayon lang ako ulit nakapasok sa room niya at hindi ko alam na mahilig pala siya sa iron man. Hindi ko naman alam kung kelan pa ba ang mga iyon doon o matagal na hindi ko lang napansin noon.

"Love.." napabaling ako sa kanya ng tawagin niya ako.

May hawak siyang sketch pad at pencil na lumapit sa akin.

"Bakit?" tanong ko.

"Gusto ko na iguhit ka. Maupo ka rito sa kama ko" sabi niya at pinaupo ako sa kama niya.

Kinuha ko ang unan niya at pinatong ko sa kandungan ko dahil naka-short ako.

"Talaga? Iguguhit mo ako?" natutuwa kong paniniguro sa kanya.