زواجك بالاكراه وعلاجك قدري ( صكر الصخرة)

الفصل السادس

لحظه واحده فقط تجعلك تتحول من الابيض الى الاسود. فكره واحده تجعلك تتخطى الابيض لتذهب الى الاسود .. قد يكون هناك خط غير مرئي بين الاسود والابيض وقد تتجاوزه بدون ارادتك وتعبر الى الحدود الاخرى وانت لاتدري ..
حدث واحد قد يقلب حياتك وتصبح شخص اخر .. او على الاقل يظهر الجانب المخفي من شخصيتك ..
...................

خلال لحضات فقط .. انعمت عيونها ومكدرت اتشوف .. خلال لحضات فكرت انه مراح تخلص منا الا اذا يموت .. وهي اتمد ايديها من تحت المخده حتى تأخذ السكين الي خبتها .. كل القهر الي خست بيه بالايام الماضيه خلاها تعبر من الابيض الى الاسود برمشه عين وتدخل السكين بصفحة صكر اليسره ..
في تلك اللحظه عيونه اتوسعت وشعر انه الدم كام يطلع من جسمه وايدها انملت بدمه .. ابتعد عنها وهي تسحب السكين منه وبعدا بيدها .. سحبها من نفس الايد ..وخلاها على صدره من يم قلبه وكال وهي ترجف من الخوف ممستوعبه شسوت ..

صكر .. يلا .. كملي شغلج .. دخلي سكينتج بصدري وخلصي نفسج وخلصيني يلا ..
هو يحجي بصوت عالي رعبها ويصك على سنونه من عصبيته ..وهي تتوسلثبيه يعوفها وتكله ..

هند.. لا لا عفيا عوفني .. اني متقصدت ..الله يخليك .. عوفي مو بقصدي اني ماريد اقتلك ..

رجع صرخ بوجها وكال ..
صكر.. هي لحظه شفتي شلون صرت مثل اللبوه وجنت راح اتقتليني .. شفتي شلون الانسان ينحط دائما بمواقف ويتخذ قرارات بدون تفكير ..حتى لو يتندم عليها بعدين لكن سواها وخلص ..
يلا كملي شغلج اقتليني .. لاتصدقين انه انت نظرفه مئه بالمئه كل انسان بيه السوء بداخله ..

هي سكتت من صدمتها متعرف شتجاوب .. بس ابتعدت عنه بالكوه وذبت السكين من ايديها وتكله
هند .. الزم مكان الجرح ..اضغط عليه .. لاتخليه ينزف ..

وطبت للحمام ادور على علبة اسعافات اوليه . واجا هو وراها ولزمها من ايديها قوي ولواهم وكال ..

صكر ... اهلا وسهلا بيج بيناتنا ..هسى بينتي فعلا انج تلوكين لعائلتنا .. شفتي شلون اتأقلمتي بسرعه .. طلعت هاي بداخلج فطريا ..

لما سمعت هالكلام هدت منه وكالت .. مستحيل اصير مثلكم .. اني مو مثلكم ابدا اني مااخذ روح الانسان اني احاول اردها اله .. وظلت اتكمل تدوير على شي حتى تسعفه ..وفعلا لكت علبة الاسعافات ... طلعت معقم .. وبدت تنظف الجرح .. وهي تبجي وتتنافخ .. من شافها هيج صكر .. لزم ايدها وشالها من عليه ودفعها وكال ..

صكر . عوفيني اني كمل .. روحي غسلي ايديج من دمي .. ماريد منج شي ...

تركته وراحت تغسل ايديها وتفركهم حتى الدم يروح منها وحست وكانه معدتها وجعت من كثره البجب والخوفه .. يكفي صكر فقط انه يرعبها النوب حاولت تقتله .. مجانت متوقعه ابدا هاي اتكون رده فعلها ..ابدا ..

بعد مخلص صكر تنضيف الجرح غطاه بشاش .. بدل هدومه .. وطلع .. خابر على رضا وكله انه يروح يبقى يراقب يم الشقه مالته لايخلي احد يدخل ولا يطلع .