زواجك بالاكراه وعلاجك قدري ( صكر الصخرة)

الفصل الثامن

اغار يعني احب وهي غيره تولد من الحب .. لكن هل هناك غيرة تولد من الكره
..........

جانت حليمه واكفه على الطباخ اتسوي جاي للعصرونيه وسميه لازمه التلفون وتحجي على العالم بيه سوالفها متخلص ..
ونضال جانت بيده الصونده وداتشر بالحديقه ..والشيخ جاسم وسامر واكفين يسولفون وسجاد بالبيت نايم .. والبنات كاعدات يتفرجن تلفزيون .. شويا واجا ولد صغير من الشارع تقريبا عمرا 9 سنين .. وكف بالباب واكو شباب مثل الحراسه واكفين .. كاللهم

الولد.... هذا الظرف انطاني اياه واحد رجال هسى ..كال وديه لبيت الشيخ جاسم

ساله واحد من الشباب ..وكله منو هذا الرجال وشنو الي بالظرف ..

الولد .. والله مااعرف عمو بس هو كلس هيج .. وراح ..

اخذ الظرف من ايده وطببا جوا ..الشيخ كال ..

جاسم .. ها بويه هذا شنو .

الحارس .. ياشيخ هذا ظرف واحد ولد جابه يكول دزه واحد رجال ..

جاسم .. زين معرفتو منو وليش ..

الحارس ..لاولله شيخ الطفل صغير .. وجان حتى خايف شكله ..

رد عليه سامر وكال .. انتو اي شي يجيكم تاخذوه ..لو جان قنبله همين .. ميصير هيج غير تنتبهون اكثر ..

الحارس .. اني اسفه ..مراح يتكرر هالشي مره لخ ..

اخذ سامر الظرف من ايد خاله .. اتلمسى قبل ميفتحه ..شاف جهاز صغير ميطلع كد اصبع البني ادم .. فتحه ..شاف ups. اسود .. كال سامر باندهاش ..

سامر .. هذا شنو .. جهاز مال تخزين معلومات . خير .. شيكون بيه

جاسم .. شراح يكون ياترى ..

سامر ..خلي انشوف .. بس لاتفتحوه بحواسيبكم . خلي نفتحى بحاسوب قديم مابيه شي لايكون فايروز او فخ ..

جاسم .. هم صح .. اشو تعال اكو بالغرفه مال مخزن حاسوب قديم .. ركبه ويشتغل عادي ..

سامر طلب من واحد من الشباب يساعده بتركيب الجهاز ..وركبوه وشغلوه ..اشتغل .. شويا ربطو ups بالحاسوب وفتحو الملف .. جان بيه فيديو ..
باوع جاسم لسامر وكال ..

جاسم .. بويه هاي شنو . شكله فيديو

سامر .. اي خالو .. بسم الله نشوف شنو..

ضغط سامر على الفيديو وفتح .. وجان الفيديو مخيف .. حافرين قبور 12 واحد .. وعلى كل كبر حاظين واحد من اسماء عائله الشيخ جاسم. وكاتبين قريبا سوف نقرأ الفاتحه على ارواحهم ..

اتخبلو الاثنين .. منو يكون من المعقول انه مسوي هالشي وشلون .. حافرين قبور لكل واحد بعائلته الرجال والنساء ..ومتوعديهم بالقتل ..
قبض على ايدا جاسم وظرب الحايط ..جانت ايده كلها تزرك ... حاول يهديه سامر لكن هو ايضا جان معصب .. شلون يتهددون باهلهم .. ومايعرفون منو هو الي مهددهم ..اعدائهم هواي ان كان من جمال او غيره .. وقد مايكون جمال اصلا بس منو ياترى ..