زواجك بالاكراه وعلاجك قدري ( صكر الصخرة)

الفصل الثامن عشر

كل شي يجعلني اعشقك اكثر ..كل شي يذكرني بك حتى اَلاَمُ قلبي تصرخ نجدة باسمك .. فانت التي ضمدت كل جروحي ..
.................

وصلو هند وصكر الى بيت الحجر ..البيت الي يبعد عن الصخره شويه .. جان قبلها بفتره بايتين بيه ليله .. توقف صكر بالسياره يم البيت ..وهي تتسائل بعيونها وبعدين كالت ..

هند ..لويش اجينا اهنا

صكر .. اكو قصه ماكملت ..لازم نكملها

ابتسمت هند وكالت .. ليش انت تعرف تحجي قصه مثلا

صكر .. اي اعرف قصه وحده بس .. بس احتاج مساعدتج حتى تكمل ..

هند .. الله الله ومنو كال اكدر اساعدك ..

صكر ..حنشوف .. يلا دخلي ..

هند ..اووووف اوامرك متخلص ..يلا ..

دخلت هند وراها صكر .. طبو كاللها ارتاحي ..اروح اشتري شوي غراض .. واني راح اخابر سامر يجيب شوي غراض النا من البيت .. نامي وارتاحي من الطريق زين

هند باوعت بيه وهو بس يتأمر وكالت ..زين .. وطلع هو .. هي نزعت حذائها وفعلا جانت محتاجه تتمدد شويه ..واصلا محست على نفسها وغفت ..
هو خابر سامر وكال ..

صكر .. سامر خويه محتاجك

سامر ... امر يالصكر .. اشو اتإخرتو اكو شي

صكر .. لا متأخرنا .. بس مجاي هاي الليله للبيت ..اريد اصفي راسي شويه ..تعبان واريد ابتعد .. اجيت لبيت الحجر. .واريد منك طلب

سامر .. كول ..

صكر .. كول لحنين اترتب هدوم الي ولهند لهاليله وباجر .. عود المسا نجي ..

سامر ..اي يابو الصكور .. اخذ راحتك ..

صكر ..ساااامر ..

سامر ..حاضر حاضر افتهمت .. جايك ساعه لخ ..انشالله ..

سد التلفون ..ودخل للبيت .. صاح على حنين .اجت تركض ..

حنين ..ها سامر شكو .

سامر .. اكول حنونه .حضري شكم قطعه هدوم لصكر والدكتوره لانهم ماراجعين هالليله .. واخذهم اوديهم ..

حنين .. هاي شنو ليش مرجعو امي كلش فرحانه جيف حيرجعون ..

سامر..انت روحي حضري الغراض. واني اروح احجي ويا مرت الشيخ ..زين

هزت حنين براسها وطلعت لغرفه صكر ..وسامر راح يم ام صكر .. جانو الكل كاعدين بالصاله ..لما دخل عليهم سامر وكال ..

سامر .. ياجماعه خابرني صكر وكال مراح يرجعون الليله ..باجر ..

جاوب الشيخ وكال .. ليش بالله شكو شعندا

سامر .. ايريد يريح راسه .. خلوه براحته ..

جاسم .. شيريح ..صارله اسبوع ماكو ومحد حاجي وياه .. صكر فلت من ايدينا ..