زواجك بالاكراه وعلاجك قدري ( صكر الصخرة)

الفصل التاسع عشر

كم تمنيت ان يكون كل شي جميلا ساحرا مليئا بالاوان مثل حديقة ازهرت في فصل ربيع. .. ولكني استيقظت من حلم على كابوس كنت لااراه الا في الافلام ولم اتوقع حقيقة كهذه ..
...ِ.........

القدر هو يلعب بحياتنا منعرف شنو المكتوب النا وشنو الي راح يصير ويانا بهالحياة .. في بعض الاحيان تعتقد ان بس الاشياء الموزينه والمؤلمه داتصير بيك وتطلع كدامك بالحياة لكن ماتلتفت شويا حتى اتشوف الاشياء الزينه الي تجي وياها لان الانسان بطبيعته مايهتم بالتفاصبل وانما يشوف الاكثر شي تعقيدا .. لهذا لازم اندور ونشوف شنو الي صار والي اجا بعد مامرين باي حاله كانت سعيده او حزينه ..
مثل مصار بهند وصكر ..اثنين من عالمين مختلفين فعلا واحدهم يمثل الاسود والاخر يمثل الابيض ماممكن كانو يجتمعون لكن ماكو احلى من اللون الاسود والابيض حين يلتقون هو اكثر الالوان انسجاما بالحقيقه .. وهكذ ولد حب من رحم الكره ..ولد العشق من الجبروت والخوف والغصب .. مثل ماتنبت الورده من الشوك ..

رجع صكر والدكتوره للبيت ..تلكاهم رضا بالباب وذبح لهم خروف على سلامه هند مع انه هي مقبلت يسون هذا الشي لكن هاي جانت اوامر حليمه .. تلكتهم هي بالهلاهل عبالك عرس عدهم وهاي جانت صباحيتهم ..
اجت حليمه وحضنتها وهند بادلتها نفس الشي .. جان الكل موجود متجمع وسلم عليهم ..صحيح اكو برود بعلاقتهم بعد ماصار يوم اجاهم علي .ولسى ماصفت القلوب والي صار بهند زاد البرود والشك يم صكر ..وكانه دايتهم واحد من اهله بالي صار لكن مدايبينها ..
اجت حنين تركض لهند وحضنتها هي هم .. وكالت

حنين .. واخيرا اجيتي .. البيت بلاج وحشه

ابتسمت هند وكالت .. اشبيج خرعتني رسالتج .

حنين ..ادخلي هسى وبعدين احجيلج من انصير وحدنا .. لااحد يفتهم ..

هند ..اي زين ..يلا ..

وطبو وهما يتهامسون انتبه عليهم الصكر .. وقبل ميدخلون جر هند من ايدها وقربها عليه وكال بصوت ناصي قريب من الهمس ..

صكر .. شبيها حنين

هند ..ها ..مابيها شي

صكر .. صايرين تتهامسون هواي هاي مو اول مره اشوفكم هيج ..لاتجذبين علي .

هند ..ماكو شي شبيك ..

صكر . الجذاب حسابه جبير يمي ..

هند .. صكر .دااكلك ماكو شي .

فلتت ايده ودخلت للداخل .. هو طقطق ركبته لان حاسس اكو شي بينهم .. اجا اتقرب عليه سجاد وخلا ايده على كتفه وكال

سجاد ..هلا بيكم اخوي نورتو .

باوع بيه صفح ..وكال .. الله يخليك .. شلونك اشوفك مو على بعضك ..ليش .

سجاد فرك رقبته بتوتر وكال ..لا ماكو شي ..مشغول بالي بالشغل

صكر ..اي زين ..شغل ولا شي لاخ .. لان الي ديصير دايوجع معدتي واني مو توجعتي معدتي ماشوف كدامي ..