زواجك بالاكراه وعلاجك قدري ( صكر الصخرة)

الفصل الثاني والعشرون

ماذا لو خسرت كل شي تملكه من اجل شخص احببت .. قد يكون حبك له عبارة عن توقيع حكم الاعدام به او مثل بندقية صوبت باتجاه قلبه اطلقت منها الرصاصه لم تقتله لكنه نزف من الدماء الكثير مما يجعله غير قادر حتى على الحب بعد
...............

الدنيا مغربيه .. النسوان كاعده وبيدها فنجان القهوه .والشباب طالعين كلمن على شغله .لكن اكو رجال محاوطه البيت للحراسه مخليهم صكر ..
بعد يوم طويل من تعزيل وترتيب وتنظيف للبيت الي اتحولو عليه صكر وعائلته ..وانظم الهم علي وفرحه وشبل الي اجو من بغداد وراح يبقون اسبوعين علمود القضيه الي دايشتغل عليها ..
هند اخذت شبل داتلعب وياه ومن اجوي بيت علي وصار شويه تغير وحركه بحياتهم ..
شوي وبجا شبل .جان جوعان شكله .. كالت فرحه. .

فرحه .. جيبيه هنوده حبيبتي صارله ساعه يمج .تعبج.خلي اروح اوكله وبلكي ينام شويه ..

هند .. يمعوده شتعبني .. فديته ..بس هاج شكله جوعان فعلا ..

حليمه من يمها كالت .. بنتي فرحه .. سبحيه قبل لاتنوميه احسن حتى مايكعد طول الليل ..

فرحه . صار يمى راح اسوي هيج ..

حليمه من سمعت فرحه اتكوللها يمى ..عيونها دمعت .. باوعت حنين بهند ويبتسمون ..لان لااراديا كالتها واول مره .. ابتسمت حليمه وكالت

حليمه .. شكلتي .. عيدها يمى ..

ابتسمت فرحه ..وكالت .. هاي يمى ..

كامت حليمه على حيلها وراحت بوستها وفرحانه بيها .. وبعدين اخذت ابنها وطبت اتوكله وراحت حليمه هم للمطبخ اتشوف شكو ماكو .. اتقربت هند من حنين ..وكالت بهمس

هند .. حنون .. اجت ابالي شغله طلال .. نسيت اسالج شسويتي منها . التهيت عنج بس الضروف. .

حنين .. اي الله لايرده .. امي عرفت بالشغله .. بس سكتي جان انفضحت ..

هند . ليش شكو شصار ..

حنين ..مو سميه عمتي جانت اتراقبني والا شويه تلزمني وياه .. وشسوت بيا كدام امي. بس امي مانطتها فرصه تحجي علي ..

هند .. ليش طلعتي وشفتيه

حنين .. اي شسوي .. وانطيته فلوس همين وشويه ذهب بس ردت اخلص منه . ومنذاك اليوم ماكو اي صوت منه ..

هند .. اي ومراح اتسمعين ..

حنين .. شلون اتعرفين .

هند .. لان سامر كام بالواجب

حنين انصدمت ..وكالت .. شلووون .سامر ابن عمتي. ليش هو يعرف .

هند ..مجان اكو كدامي غير سامر. .هو اعقل واحد وفعلا شكله خلصج منه ..

حنين... بس بعديش ..مافقدت ثقة امي بيا .. وهسى اكيد نزلت من عينه لسامر . شكد عيب .. شحجا علي الله اليعلم ..