ترة إسم الفصل ميبشر بالخير من هسة أگول ⠉̮⃝✌
#خطايا_وغفران
#للكاتبة_زهراء_شلتاغة_لچ سارة إحچي شكو شصاير شصخمتي ! إحچي ! .
چان هُشام يخض بسارة إلي ترمقة بعيون تشع حسرات وندامة ، الأفكار السودة إعترت باله ودمرت أعصابه خلال هالثوان المعدودة إلي اتشد الأعصاب وفجأة إجتي بباله صورة شخص غريب معتلي سارة وينتهك حُرمتها وشرفها ، إرتسمت هالصورة ببالة بلا وعيِ وإرادة منه من كلام سارة .
چان صمت سارة يحرك بروحة ويخلي أعضاء جسمه تتراجف ، فقد عقلة وذاته وشال سارة من على فراشة وهو ينتفض وياها ورگعها على الحايط وصاح بيها بحدة وهو يقطب حواجبة ؛
_لچ سارة إحچي لا آخذ روحچ هسة إحچي شمسوية ! .
إرتعبت سارة من صياح هُشام عليها ونظراته الي ماتبشر بالخير ، حاولت تتماسك نفسها وتطلع الكلمات المحصورة بريقها ومن بين شفاهها المرتجفة وبتلعثم گالت ؛
_أ-أكو و-واحد د-د-ديهني ينش-شر صوري بالك-روبات أ-اذا م-مانطيته فلوس .
توسعت عيون هُشام لكلامها وبدون إدراك منه ولتوتر الإجواء والضغط المسلط عليه رفع إيده وضرب سارة راشدي طاحت عليه بالگاع بسببه .
لزمت سارة خدها وصوت نحيبها وشهگاتها ما أنفكت تدخل مسامع هُشام وتزيد التوتر عليه والضغط والطين بله ، چان هُشام واگف ويتراجف يحاول يسيطر على قبصة إيده المشتدة ويرخيها ويتمالك نفسه ويرجع صوابة ، حاول يخلي كلامها يتداخل بباله ويقلل من شدة الضغط عليه ويطرد ذيج الأفكار البقت محتلة راسه ، چان هُشام بصراع داخلي بينه ثباته ذاته وإعيائها وفقدان سيطرته عليها .
مرت لحظات معدودة وهمة على هاي الحالة وهُشام بدأ يلملم شتات نفسه شوي شوي أخيراً بس منظر سارة المتمددة عالگاع ودموعها التجري تتلف أعصابه ، رفعها من على الگاع وشالها وسندها عالحايط ، حط إيده على كتفها وشد عليه بقوة حتى حست عظامها نطحنت ، سألها بحدة وهو يصر على أسنانه ؛
_جهازچ وين ! جيبي بسرعة ! .
رخى إيده عنها وسحبها من على كتفه فسرعان ما طلعت سارة من الغرفة لاهثة وهيَ تركض وتجر حسرتها وندامتها ووياها .
چانت إيد هُشام الشد عليها بكتف سارة ترجف والأفكار بعدها محاوطتة وزادت سوءاً عليه ، چان الخوف بداخلة من الإقدام على فعل غلط بسبب التوتر والشد عليه وهالأفكار يتغلغل بداخلة ويمنعة من التصرف والمبادرة بفعل ، راح گعد عالفراش وحط إيده الترجف على گُصته ، بدأ يتنهد ويزفر الهواء بضيق ويحاول يهدأ من روع أعصابة المستعرة النار بداخلها .
أنت تقرأ
خطايا وغفران || باللهجة العراقية
Romance"بيتٌ بُني على وهم ، حبٌ قديمٌ يعود أدراجهُ إلى الفؤاد ، خطايا تنهشُ ذواتَ الآخرين لايستتابُ منها .. هل هناك مجالٌ للمغفرة ؟ . " _ _ _ _ _ _ •الرواية باللهجة العراقية . •مُقتبسة عن قصة حقيقية .. •إبتدأت في (٢٠١٩_٦_٢٧ ..١٢:٥٣ مساءً) •وأنتهت في...