خطايا وغفران || باللهجة العراقية

إعتذاراتي إلكم💚

السلام عليكم بنات .
يمكن هواي طولت وياكم بالملاحظات بس هاي آخر ملاحظة بعد حتكون وربي
وماراح أحذفها لأن محتاجة أوضح كم شغلة .

بدايةً أعتذر على كم الحزن الصار بكلوبكم على خبر نور ماتوقعت هيج راح تتأثرون رغم اني متاثرة كبلكم ومن بداية الرواية ابجي على هالفصل وماتوقعت يجيني يوم أوصلة عبالي أحذفها كبل هاليوم كالعادة هي وبقية رواياتي السابقة بس لا ماصارت والحمد لله بس بنفس الوقت ماتوقعت راح تتأثرون هيج .. أعتذر وان شاء الله تكون الرواية الوحيدة البيها موت لان اني نسلبت طاقتي من هالرواية كبلكم والقادم أفضل .

المهم راح أدخال وياكم بصلب الموضوع .

أولاً اني صح كلت النهاية حزينة بس بنفس الوقت ماكلت سعيدة ، امس نوكلت ونشربت على هالحجاية لحد هسة وبعضكم يكلي ظلم جبير وراح خالد يتزوج رنا وتكمل حياتهم و... ماراح أحجي هواي وبنفس الوقت ميعجبني هيج تبقون ضايجين مني أو من الي صار فأحب اختصر كل توقعاتكم السوداوية هاي بمثل واحد فقط ...(الحوبة تسحك وتلحك وتاخذ ثلثين الحك).. وشلون متفتهموها إفتهموهه براحتكم ورغم هالشي يعتبر حرق للأحداث بس والله ماتهون علي اشوف كلامكم وقهركم وغصتكم وحبيت اطمنكم ..هاي شغلة .

الشغلة الثانية تسائلكم ؛
شلون نور ماتت لعد منو نقلج الرواية ؟ .

رغم اني مامضطرة للجواب بس عادي اكدر اجاوبكم
نور اصلا جانت صديقتي تعرفت عليها عن طريق حجي مشكلتها إلي وهالسالفة قبل كم سنة .. يعني ماادري بيوم راح افكر اكتب احداث حياتها كرواية هالحجي قديم .. من بعد وفاة نور ب٣ أشهر جنت ماادري بيها وأبحث عنها ألى ان حاجتني سارة ونقلتلي الخبر .. نصدمت اكثر منكم وبجيت وبقيت احاول اتواصل وياهم بس ماكو جانت مترد علي الا ورة فترات طويلة وتوافيني بالأحداث شوي والباقي راح أحتفظ بي .. لهالسبب تلاحظون نقص تفاصيل هواي عندي لان ماعندي معلومات مفصلة مجرد راس قلم والتكملة مني . 

ثالث شي اليوم ماراح انزل هالفصل رغم وعدتكم بس بس بسبب تفاعلكم أمس وحجيكم ماحبيت أزيد الطين بله بعد وأنزلة بنص الليل وية وكت نومتكم ، راح أأجلة لان هالفصل هم كئيب وحزين وأحضر للفصل الجاي إلي مااعرف شكللكم عنه بس أحس من ناحية ينسيكم السالفة وتبدون تفكرون بغير شي .

وأنزلهن من وكت أحسن إلي وألكم .

خلصت كلامي
شكراً لوقوفكم وياي ومتابعتكم لهاللحظة وإن شاء الله تكون خاتمة أحزانه والنهاية مرضية وأبطل أكتب روايات كئيبة بعد ؛)💔