Napabasa si Eloida ng news sa cellphone niya habang nasa sasakyan sila ni Zachary. Ngayon ang civil wedding nila ng lalaki at nag-imbita din sila ng ilang kakilala. Wala naman siyang kakilala rito kaya si Lady Jane lang ang inimbita niya at ang isang Filipina na si Elma na nakilala niya sa simbahan. Pagkatapos ma-viral ang kuwento nila ni Zachary ay personal siyang inimbitahan ni Lady Jane ng dinner. Humingi nga ito ng pasensiya sa kanya. Hindi naman siya nagtanim ng sama loob dahil hindi naman nakakaganda 'yon.
May nakita siya uling bagong news tungkol kay Anais at kahit papaano ay nakaramdam din siya ng awa sa French madame. Nakakulong ito ngayon at mukhang mabigat ang kaso dahil pinagpipiyestahan ng media. Maliban sa mga babae ay nagbro-broker din pala ito ng funds transfer ng ilang politiko.
Meron ngang picture nito na papalabas ng courtroom kasama ng abogado. Nangangayat si Anais. Napailing nga siya. Panalangin niya na malagpasan ng babae ang pinagdadaanan nito. Hindi niya alam ang buong talambuhay niyan para husgahan niya ang tao.
Pagdating nga nila ng opisina ng huwes ay nandoon na karamihan ng mga bisita nila. Isang masayang ngiti ang kanilang sinalubong.
"Ohhhh, your stomach will burst any minute!" sabi ng asawa ng kaibigang Briton ni Zachary.
"Yeah, I am worried it'll burst any time soon," sabi naman ni Zachary.
Tawa naman ang sagot niya. Ang laki nga naman talaga ng tiyan niya. Pagkatapos ng maikling kuwentuhan ay sinabihan na sila ng sekretarya ng huwes na pasok na raw sila.
Pinaunan muna nila ang kanilang bisita bago sila pumasok. At isang ngiti at maliit na halik ang kanilang pinagsaluhan bago pumasok ng opisina. Ngayon ay magiging pormal na silang mag-asawa. At sino ba ang mag-aakala na puwedeng magsimula ang lahat sa isang sex video? Thank you kay Anais!
************** *********************
Hi! It takes a lot of time to write this story so I'll appreciate if you'll like them, and ofcourse, follow my account. Thank you.
YOU ARE READING
INDISCREET (to be published by Bookware Publishing Inc.)
General FictionIsang kapitag-pitagang miyembro ng Society of Church Maidens, Tandang Sora Chapter si Eloida. Aktibo siya sa mga church worships at kawang-gawa. Nabulabog na lang ang tahimik niyang buhay nang isang araw ay may lumabas na sex video na siya ang bi...
