المشهد ده نزلته كتعريف لاسامي الابطال
اقرؤا بقا وقولولي ايه رايكم فيه... وتوقعاتكم ايه لاحداث الروايه 😍🙈
و وانهاردا بالليل ان شاءالله اول بارت الروايه هينزل ياحبايبي 😍💙💙
***********************************
الشاب: يعني انت مش ناوي ترجع عن اللي بتعمله ده
رد عليه الاخر بزهق: يووه بقا بقولك ايه ياعدي انت مش كل ما تشوف خلقتي تقولي الكلمتين دول... لا ياسيدي مش هرجع وعجباني الوضع اللي انا فيه اايوه
تنهد عدي بحزن علي صديقه: براحتك ياسُفيان انا تعبت من الكلام معاك
سُفيان ببرود: يكون احسن بردو
سيبك من الموضوع ده وقولي ندي مراتك عامله ايه
عدي: كويسه الحمدلله واكمل بتنهيده: المشكله كلها ف امي واللي بتعمله معاه انا عارف انها بتعمل كده غيره وانا دايما بحاول افهمها ان ندي كويسه بس هي مش بتقتنع وانا بقا بيصعب عليا ندي من كلام امي ليها... هي ندي بصراحه صبوره اوي وعمرها ما جت وشكت من كلام امي قبل كده بس انا عارفه اللي بيحصل
ربت سُفيان علي قدمه وقال: متقلقش كل حاجه هتبقا كويسه... وندي بنت اصول واكيد فاهمه حاجه زي كده وامك بكره وبعده تتعود عليها وتعرفها كويس وتبطل تضايقها... واكمل بعدها : بس انا شايف انك بقيت متعلق بندي الحمدلله
كويس انك خرجت من دايره الحزن ال كنت فيها ونسيت الماضي
تنهد عدي بحزن: انا عمري ما هنسا الماضي ياسُفيان ابدا وعمري ما هنسي عائشه هتفضل ذكرياتي معاها محفوره ف دماغي.... اكيد لو كانت عايشه كنا هنبقا مبسوطين اوي دلوقتي وحشتني اوي ياسُفيان ...واكمل بعدها هي ندي كويسه والله وبتحبني وانا عارف كده وانا من يوم ما اتجوزتها وانا واخد عهد اني هعملها بما يرضي الله يمكن ممكن محبهاش زي عائشه بس اهم حاجه ان فيه تفاهم ما بينا
تنهد سُفيان بالم علي تلك الذكري ثم قال: انسي ياعدي ده مر 5 سنين علي موتها عيش حياتك مع ندي وحاول تنسها
حاول عدي تغير هذا الموضوع المؤلم لكليهما فقال: ربنا يسهل ياصاحبي.... بس قولي عملت ايه مع البنت اللي عندك
سُفيان بضيق: ملقحه جوه ف الاوضه ومش عارف هعمل ايه ف البلوه دي... سيبك من الموضوع ده وقولي تشرب اايه
عدي: اعملي قهوه محتاجها اوي
سُفيان وهو يهم بالقيام: تمام
دخل سُفيان الي المطبخ ليقوم بتحضير القهوه
وامسك عدي هاتفه واخذ يعبث به منتظراً سُفيان
بعد مرور فتره قليله لاحظ عدي ان باب احد الغرفه يُفتح ببطء شديد
فنظر بدقه الي الباب وظل منتظراً خروج الشخص
وبالفعل وجد تلك الصغيره تخرج وهي تنظر يميناً ويسارا بخوف وعندما لاحظت عدي شهقت بفزع لينهض عدي وقال مهدائا اياها: تعالي متخافيش مش هعملك حاجه
لترد عليه ببراءه وخوف: بجد مش هتعملي حاجه
اومأ مبتسماً: اه بجد تعالي
اتجهت اليه ببطء وهي تحمل عروستها ف يديها
وعندما اقتربت منه مسافه لا بأس بها قالت بخفوت: هو الراجل الشرير مش هنا.. وانت مين
ابتسم عدي علي برائتها تلك ورد عليها بصوت خافت مماثل: مين الراجل الشرير ده تقصدي سُفيان
