فصلية قيصر الفاتنه

1

#للكاتبه مارينا ( اتمنالكم قراءة ممتعه واطيب الاوقات )
......................................................
هلو اني جمانه عمري 20 ادرس طب قسم تحليلات مواصفاتي عيوني سمائيه وبشرتي بيضه وشعري اسود حرير يوصل الركبتي احب التجميل واحب اعتني بنفسي متأثره بلممثلات والمشاهير دائما اكول ليش احنه منكون مثلهن هيج على طول نزاكه وعلى اخر حبايه اني حيل معتنيه بنفسي واكرهه ما اكرهه الزواج بسبب المشاكل الي اشوفهه اتصير بين المتزوجين سواء كانت المشاكل بسبب تقصير احد الطرفين او ظروف وغيرهه مع انو اني عايشه بيئه هادئه مابيهه مشاكل وماما وبابا ايحبون بعض بس اني اخاف اكول خاف ادخل بعائله الاهل يسون بينه مشاكل و اخاف انخان وانكسر او يتزوج او يسون سحر وهواي افكار سلبيه عن زواج براسي لذلك ولا مره حبيت ولا راح اتزوج بيوم
قيصر : ولا مره حبيتي ولا راح تزوجين لعد اني شنو كدامج حايط نصيص 😑
جمانه : لاتضل اتجفص بلحجي وتحرك القصه خل اكمل وبعدين احجي 😒
قيصر : اوك اوك كملي حسابي وياج بعدين 😒
جمانه : احب الفن واحب اغني واحب اصير مشهوره
قيصر : هيي هيي كافي شلهم بهلسخافات بعدين انتي اكو شي متحبيهه ادخلي بلمفيد 😒
جمانه : اي اكو شي ما احبه قيصر 😒 كلساع نط وقاطعني لك بابه ماتكلي شبيك اريد افضفض
قيصر : قيصر تحجين لو اعرف عن نفسي
جمانه : لا احجي احجي 😂
قيصر : يلا فضيهه انتي لو حجيتي شيسكتج بعد منا الباجر متخلصين
جمانه : شنو قصدك اني ام السان 😡😬
قيصر : لا حشاج 😂😂
جمانه : اوك بس خل اعرفهم على عائلتي وانطيك القلم تحجي
احنه عائله متكونه من سبع نفرات اني وماما (سوسن) وبابا (علاء ) واخويه (فضل العمر 18 سنه ) واختي (ريتاج 15) و (نهى12) واخويه اخر العنقود (مروان9) بين طفل وطفل 3 سنوات فرق عندي3 عمام وماعندي عمات
يلا قيصر كملت دورك دردم 😂
قيصر : جمانه احترمي 😒
هلو اني قيصر معروف بشيخ صكر ومحد ايصيحلي باسمي اله المقربين كلش مثل امي او ابوي وغيرهم عمري27 سنه دارس هندسة حاسبات ومتخرج جدي والدي الله يحفظهم موجودين بس تنازلو عن المشيخه الي كالو نريد نرتاح ونشوف بقية حياتنه ونكملهه بهدوء مواصفاتي عيوني سود شعري اسود لحيتي خفيفه وبشرتي حنطاويه على بياض معضل وطولي 186
جمانه : اني اني ما كلت طولي
قيصر : عمي فضينه وكولي طولج 😒
جمانه : واريد اكول وزني هم 😂
طولي 160 وزني 45 هاهيه كملت كمل قيصر 😂
قيصر: هاا ارتاحيتي اتذكري خاف ناسيه بعد شي 😒
جمانه : اي ارتاحيت 😂 لا ماناسيه واذا تذكرت شي عود اقاطعك مو مشكله
قيصر: اني ما مرتبط ولا جان بالي ارتبط فديوم لان كارهه الارتباط والبنات ماعندي ثقه بيهن ما احبهن
جمانه: ايباخ استاذ قيصر واني شنو حايط نصيص 😒
قيصر :اول شي لتقلدين ثاني شي لاتظلين كلساع تنطنطين وتقاطعيني خل اكمل حته نبدي نحجي تفاصيل القصه
جمانه : نننننه ننننن 😝😛
قيصر : كاااافي انتي مو زعطوطه حته هيج تسوين 😒
جمانه : مثل ما خبثت عليه اخبث عليك 😂
قيصر : احنه عائله كلش كبيره عندي خير من الله عمام وعمات ولدهن ولد ولدهن هم 😂
راح احجيلكم عن عائلتي احنه متكونين من 9 نفرات
امي (امل) وابويه (حسين) واني واخويه الكبير (رياض30 سنه) و (فادي ايلقبونه فهد عمره25) و(طالب 22سنه يدرس علوم بجامعة بغداد ) و (فاتن23) و (طيف18) احنه من البصره وبقية العائله الكريمه تتعرفون عليهه بلقصه راح دوخون من كثرتهم😂
......................................................
سوسن:ولج جمانه كعدي اشوكت تحضرين نفسج العرس هيفاء بت عمج بعد اسبوع للعرس وانتي كلشي مامحضره مو ع اساس تردين ترحين للسوك انتي وخواتج
جمانه : يوووو ماما نعسانه خليني انام بعد وكت احنه مو متفقين العصر نطلع
سوسن : ولج يا بعد وكت 😨😲 تدرين الساعه بيش هسه 12 الظهر مو كتلج بطلي سهرج هذا كومي غسلي وتعاي ساعديني بصب السفره
جمانه : يلا كايمه كايمه
كمت غسلت وجهي ونزلت اساعدهم صبينه غده واجه بابا والتمينه ع سفره كلعاده ضحك وسوالف
جمانه : بابا اليوم اني وماما وخواتي راح نطلع للسوك انجهز نفسنه العرس هيفاء بت عمو سمير ونريد فلوس 😚😙
علاء : اي بابا تدللن بس منو يوصلجن ويروح وياجن اخذن فضل يوصلجن
جمانه : لابابا دخيلك كلشي ولا فضل شلعة كلب احنه نروح وحدنه ماما هم ويانه يعني منحتاجه
ريتاج : اي بابا صح فضل اذا راح اايخرب الطلعه كلهه وحته ماراح يخلينه نسوك براحتنه
فضل : ولجن اني اخرب الطلعه واشلع الكلب لو انتن مو ادميات وتردن تمشن وديحن بكيفجن 😡😬
جمانه : اسكت اسكت شنو نسيت كل ما تطلع ويانه شيصير انخلصه عرك وياك وجرجره 😒
فضل: اني لو انتن كوه تمشن وساعه توكفن لولبسجن مدري شلونه 😒
علاء : كاااافي على الاقل احترمو وجودنه شنو هلعرك راح تكلبون الغده علينه زقنبوت 😡😬
سوسن : ارتاحيتو هسه خليتو ابوكم ايعصب 😒
جمانه : خلصنه غدا رحت خسلت المواعين وعزلنه ورتبنه اني واخواتي وصعدنه نبدل حته نطلع للسوك
اني لبست بنطرون اسود جلد وفستان اسود اردان ساده يوصل للركبه وكاسكيته مفتوحه سوده وحليت شعري ولبست حذاء اسود كعب وسوار ذهبي ما خليت مكياج ما احبه بس استخدم مواد تجميل اتحافظ على البشره وتخليهه حلوه
ريتاج لبست فستان نيلي نازك يوصل للركبه
ونهى لبست تنوره قصيره ورديه وبدي ربع ردن اسود وعليه صوره هلو كيتي
وماما الوحيده الي تلبس شال احنه سافرات ماما لبست شال ومانتو مشمشي وبنطرون جينز
طلعنه وصلنه للسوك ودخلنه للمول
افترينه وشفنه الملابس والفساتين اني اخذت فستان احمر طويل بيه ردان وضيك للحنه مفتوح من الصدر وساده بدون تطريز وبيه حزام ذهبي كلش حلو وللعرس اخذت فستان ماروني قصير مفتوح من الظهر وبيه تور من كدام ناحيه الصدر
وريتاج اخذت فستان ذهبي صلوخ طويل وبيه شغل كلش حلو للعرس واخذت فستان بصلي قصير منفوش من جوه ودلع من فوك للحنه ونهى اخذت بنطرون كابوي وبدي صلوخ زيتوني بيه تطريز من الصدر للحنه وفستان سلفي نازك لونه نيلي للعرس
افترينه اشترينه عطور واكسسوارات وشغلات وافترينه ورجعنه للبيت اني كبل نمت من التعب كعدت بليل جوعانه نزلت اشوف شكو بلثلاجه صالح للاكل نص اليل 😂
لكيت كبه وصحن زلاده وطرشي ورحت جبت خبز من المطبخ حضرتهن وصعدتهن للغرفه شغلت فلم وكعدت اكل واباوع صارت الساعه 3 بليل نزلت غسلت المواعين وغسلت ونمت كعدت ثاني يوم الظهر ب 1وشفت ماما بلمطبخ تريد تصب الغدا بوعتله كتلهه شلونج ماماتي😀😇
سوسن : بعد وكت جان نمتي بعد 😑
جمانه : لا ماما اشلون اعيفج وحدج كلت اكعد اساعدج 😂
اكلج ماما اريد بعد اشويه اروح الهيفاء اودعهه وهم ابقه يمهه لان بس تزوج بعد ما اشوفه لان كل وحده تزوج بعد بمعجزه تجي مدري ليش تحمض بيت رجلهه ☹😕
سوسن : سكتي بله سكتي هيه المره بلنهايه ما الهه غير الله وبيت زوجهه نهاية كل بنيه تزوج بعدين مو احسن من انو تحمض بيت ابوهه
جمانه : هاا ماما شو كمتي تبسمرين بعدين لتعبين نفسج لو تموتين ما ازوج واعيفج اموت عليج اني سوسن شعندي غيرج 😂 بعدين تعاي اكلج اذا مصير كل ابنيه تتزوج جا والعوانس الي تارسات الامه العربيه شنو طحالب مائيه لو يطلعن من الرطوبه 😂
سوسن : احترمي ولج شنو سوسن كولي ماما بعدين ذني العوانس امثالج نفس تفكيرج الفاشل
جمانه : ولكم بابه شنو هلتخلف هوه الزواج حريه شخصيه قابل راح اموت اذا مازوجت
سوسن : لا ماتموتين اني الي راح اموت مربيه وحده عله على كلبي
جمانه :سوسن شبيج تكرهيني غير اني بنتج واموت عليج 😂
سوسن : امشي من كدامي لاموتج فحطتيني الله لاينطيج
جمانه : احبج سوسايتي لو تموتين ما اعوفج 😂 وشردت
سوسن : ولللييييي
جهزت نفسي واخذت بجنطه صغيره ملابس وشوية غراض احتاجهن وصلت البيت هيوفتي بت عمي الحبيبه هيه صديقة طفولتي واختي مو بس بت عمي دكيت الباب وطلع ابن عمي رائد
رائد : هلوو جوجو تفضلي
جمانه : شكرا بس كم مره كتلك لاتكلي جوجو
طبعاا هذا ابن عمي اسمه رائد هوه ايحبني من طرف واحد ويريدني بس اني كارهه كل انواع للارتباط وكارهه الولد كلهه ......

........................................................ وللحكايه بقيه يتبع