الفصل الاول
في بيت الصياد😊
ياماما ياماما انا خارجة
هناء:إستني يابنتي افطرى قبل ماتخرجي
تالا :مش هلحق ياماما هتأخر علي المحاضرة وده دكتور غلس اوى
هناء :كل اللي في البيت ده علي طول مستعجلين مش عارفة في إيه بالضبط🤦
شريف الصياد :مالك بس ياست الكل مين اللي مزعلك ع الصبح كده
هناء:ابدا ياابني اخواتك مستعجلين علي طول،
حياة ومركزة في شغلها وخايفة الشغل يسرقها من نفسها وباباك وانت عارف حياته الشغل واختك مستعجلة دايما علشان المحاضرات وانت.
انا 😳إيه ياست الكل انا معاكي وبفطر كمان
هناء : معايا فين بس دا انا يادوب بشوفك بالصدفة هتجننوني ياولاد الصياد
*ضحك اكرم علي كلام زوجته وقالها ياهناء انتي لسة فاكرة ولادك صغيرين عايزاهم قصاد عنيكي طول الوقت ،ولادك كبروا بنتك حياة رجال الاعمال بيعملوا لكلمتها الف حساب وإبنك ماشاء الله عليه بجانب شغله في الجامعة ناجح في ادارة المجموعة اللي تحت إيده
هناء: هقول إيه انت زرعت جواهم حب البيزنس لدرجة انه بقي اهم حاجة عندهم
استغرب اكرم من كلامها اللي تقريبا بيسمعه كل يوم لكن هو عارف انها نفسها تفرح باولادها فحب يهزر معاها ودى حاجة تزعلك ياهنايا
*في مبني المخابرات العامة المصرية *
في مكتب اللواء محسن الباب بيخبط
اللواء محسن : اتفضل
اذن ل نور بالدخول بعد مااستدعاه اللواء محسن في مكتبه لامر طارئ
نور :صباح الخير يافندم
اللواء محسن صباح النور ياحضرة الضابط اتفضل اقعد
نور: خير يافندم حضرتك اول مابلغوني ان حضرتك عاوزني جيت علي طول
اللواء محسن :خير ماعملت في مهمة جديدة يابطل والرئاسة بنفسها متابعة القضية دى هي وسيادة الوزير شخصيا والوقت مش في صالحنا، وفي اجتماع مغلق مع الوزير بعد ١٥دقيقة من دلوقتي إتفضل إطلع ع الملف اللي معاك ده في كل المعلومات اللي انت عاوزها علي مايجي شريكك في المهمة دى
نور :تمام يافندم
استاذن العسكرى بالدخول يبلغ اللواء محسن بوجود ضيف
اذن اللواء محسن للعسكرى يدخل الضابط التاني !
في احدى *شركات مجموعة الصياد*
*حياة الصياد:بإنفعال يعني إيه الكلام ده مين المسؤل عن اللي حصل يكون هنا فورا
الموظفين ملاحظين عصبيتها لان النهاردة حفلة توقيع صفقة استيراد معدات طبية من المانيا
*أمل السكرتيرة : يافندم اهدى واحنا هنحل المشكلة دى فورا
حياة: انا لازم اروح بنفسي اتابع التحضيرات ولما ارجع المسؤل اللي عمل كده هيتحاسب
*اكرم الصياد في مكتبه :السكرتيرة امل اتصلت عليه تبلغه بانفعال حياة وانها خرجت تتابع التحضيرات بنفسها ولازم تدخل اكرم بيه بنفسه ، لان حياة معروف عنها الدقة والحزم في شغلها ةماتقبلش بأي غلطة مهما كانت صغيرة
*اكرم الصياد: تمام ياامل انا هتصرف واعرفي اللي قصر واتسبب في المشكلة دى
امل :تمام يافندم اي اوامر تانية
اكرم:لا شكرا اغلق اكرم الخط وتنهد فهو يعلم ماستفعله ابنته مع المخطئ
**في جامعة القاهرة* وتحديدا كلية الهندسة
تالا في المدرج مع اصحابها في انتظار محاضرة الدكتور السمج وده لقب هي لقبت به الدكتور عماد
*دخل الدكتور المدرج وبدا المحاضرة وكالعادة تالا تحت نظر الدكتور عماد طبعا هي ملاحظة نظراته لكن ماتعرفش سببها ايه ولا حاولت تشغل بالها به ،وهو نفسه مش عارف السر ورا انه دايما عينه عليها ولا لاقي تفسير للي بيحصل معاه لما بيشوفها 😊
انتهت المحاضرة
*في مكتب الدكتور عماد وشريف الصياد *
دخل عماد وهو متوتر ومتعصب مكتبه
* الدكتور شريف الصياد: مالك ياعمدة داخل متوتر ومش علي بعضك في إيه
عماد:ابدا ياشريف انا كويس مافيش حاجة
شريف:براحتك لكن لو حبيت تتكلم ياصاحبي هتلاقيني سامعك
عماد :اكيد طبعا ياشريف
(ملحوظة كلبوظة☺️ محدش يعرف ان تالا اخت شريف وده كان طلب تالا ومحدش من زمايلها يعرف غير انها تالا اكرم وبس لانها خافت اصحابها يفسروا تفوقها انه بتدخل من اخوها وهو احترم رغبتها )
**********
انتهي الفصل الاول ،
اتمني ينال اعجابكم 🌷
ياترى مين هيكون شريك نور في المهمة ؟
وياترى هتكون إيه هي المهمة المكلف بها نور؟
تحياتي 🌷إيمان الصياد🌷
YOU ARE READING
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
