اسفة جدا جدا جدا جدا على تأخير النشر لكن بجد ماقدرتش انشر حاجة لانه كان عيد جوازى وعيد ميلاد إبنى فسامحونى ومارضيتش انزل الاعتذار الا مع الفصل 😘😘☺️
الفصل 31
https://my.w.tt/DzTKA7Ijw1
أنس : إتفقنا تحب تعرف مين اللي بيساعد نديم جوا مصر
ومين اللي ورا نديم هنا وبيحركه بالمستندات والتسجيلات
فادى : أكيد طبعا
أنس : هتلاقى كل المعلومات دى على ميمورى كارت
فادى : والميمورى ده فين
أنس : وايه اللي يضمنلى إنك هتنفذ كلامك
فادى : مفيش ضمانات يا أنس انا لة كنت عاوز أغدر بيك كنت نفذت اللي طلبه نديم
أنا هقولهالك لأخر مرة يامعايا ياضدى إختار
صمت انس يفكر قليلا بكلام فادى ثم قال : اوك الميمورى هتلاقيه فى بيتى فى اوضة مكتبى هتلاقى صورة كبيرة أنتيكة لراجل إنجليزى ماسك فى إيده عكاز الميمورى موجود فى راس العكاز
فادى : فى حد يخبى حاجة مهمة زى دى كده
أنس : ماهو ده الذكاء إنك تخبى الحاجة دايما فى الاماكن دى لان اللي بيدور عليها هفتكر إنى مخبيها كويس فتفكيره هيتشغل بالاماكن دى وبالتالى هيتعمى عن المكان ده
فادى : تفكير منطقى
أنس: المهم دلوقتى هتجيي الميمورى حالا لكن أكيد البيت متراقب فخلى بالك
فادى: متقلقش هروح وارجعلك تانى
أنس : هو انا هستناك هنا
فادى : ايوة ده أأمن مكان ليك دلوقتى أنا مأضمنش رجالة نديم
أنس : خلاص يافادى هات الميمورى وانا هستناك هنا
فادى : اطمن ياانس ان شاء الله خير
وخرج فادى وذهب هو وخالد لاحضار الميمورى ، وفى الطريق
خالد : إنت عارف رجالة نديم مراقبين البيت ازاى هتدخل وتخرج من غير مايشوفوك
فادى : ماتقلقش هندخل ونخرج من الفيلا الخلفية
كده كده هما مراقبين مدخل الفيلا بس
خالد : لو صدق أنس فى اللى قاله الميمورى ده يبقى وفر علينا وقت كتير
فادى : قصدك يبقى قربنا للنهاية خلاص
المهم دلوقتى المعلومات دى لازم نبلغها للواء محسن فى مصر أول ما تكون فى إيدينا
خالد : اطمن هيحصل
فادى : وصلنا خليك إنت هنا ولو حصل حاجة بلغنى
خالد : اوك
وتسلل فادى بالفعل واخذ الميمورى وعاد لسيارة خالد وانطلقا عائدين للمستودع
وفى الطريق شغل فادى الميمورى على اللاب توب وكانت المفاجأة
فادى بذهول : مش معقول
خالد : اكيد الميمورى ده عليه بلاوى
فادى : عليه تسجيلات صوت وصورة ومقابلات ل نديم مع المسؤل المصرى
خالد : معقول أنس ده طلع دماغ
فادى : ولا دماغ ولاحاجة هو عمل زى سالى ماعملت مع الفرق سالى كانت بتخدم بلدها إنما أنس كان بيأمن نفسه منهم
وبعدين إستنى ده فيه ارقام حسابات وتحويلات عليها بمبالغ كبيرة
أكيد ده ثمن الصفقات المشبوهة اللى كانت بتتنفذ لنديم فى مصر
خالد : أكيد
فادى : لحظة ياخالد انا هبعت المعلومات دى حالا للواء محسن
ووصل فادى وخالد عند أنس مرة اخرى
أنس : ها لاقيتوا الميمورى
فادى وهو يشير ممسكا به بين إصبعيه: أيوة لكن فى أهم جزء ناقص
أنس : مين اللي ورا نديم ومشغله
فادى : بالضبط
أنس : إيزاك .....إيزاك عزرا
فادى بصدمة : إيزاك عزرا ضابط الموساد الاسرائيلى
أنس : بالضبط
فادى موجها حديثه لخالد : إحنا ازاى ماأخدناش بالنا قبل كده ديفيد عزرا
خالد بعدم فهم لمقصد فادى : أخدنا بالنا من إيه
فادى : يوم حياة ماهربت منهم كان اللي خاطفينها ديفيد عزرا واخوه سام عزرا لكن حياة قتلت سام
وده السبب الحقيقى ورا وجود ديفيد فى مصر إنه ينتقم من حياة
خالد : ودلوقتى ديفيد إتقتل
أنس : دى مصيبة يبقى حياة فعلا فى خطر لان ايزاك لو عرف مش هيرحمها لان ديفيد وسام ولاد أخوه والورثة الوحيدين للامبراطورية اللي ايزاك عملها
فادى : إحنا كده لازم نسحب حياة ونور خلاص اللي كنا عايزين نعرفه عرفناه
لازم نبلغ مصر باللى. بيحصل فورا
خالد : وانس هنعمل معاه ايه
فادى وهو ينظر لانس : ماتقلقش انا عند وعدى هتنزل مصر فى اقرب وقت لكن انا محتاجك معايا لازم اوصل لايزاك بأى شكل
أنس : اللي هيفيدك فى الوصول لايزاك هو مايكل دراع نديم اليمين
وفى الحقيقة هو جاسوس على نديم لصالح ايزاك
وده هنوصله
*********
اما عند حياة ونور
كان نور وحياة نائمين فلقد سهروا كثيرا بالامس يفكروا بما قاله خالد لهم عن نديم وانه يريد قتل معتز وخطف حياة
إستيقظ نور فلقد اصر على ان ينام فى نفس غرفة حياة قلقا عليها
وبالفعل وافقت حياة على مضض ونام على الاريكة
ولكن جفاه النوم بسبب سيطرة حياة على عقله و تفكيره
فلقد سلبته قلبه وفكرة فى اليومين الماضيين فلقد اكتشف نور جانب جديد من شخصية حياة ودار بين نور وقلبه وعقله حوار او صراع ولكن من المنتصر فى النهاية القلب أم العقل فقال
نور : وبعدين يانور ماتنام كده مش هينفع
قلبه: عملتى فيا إيه ياحياة اللى يقرب منك غصب عنه لازم يحبك فيكى حاجات كتير حلوة ايوة اللي يشوفك يفتكر إنك شخصية قاسية سيدة اعمال شديدة حياتها بس الشغل
لكن اليومين اللى فاتوا لما قربت منك واتعاملت معاكى جواكى بنت رقيقة جدا
أيوة اللى شوفتيه مش قليل وغيرك وخلاكى صلبة لكن قلبك لسة قلب طفلة
لسة قلبك بِكر قلب عايز يعيش الحياة يحب ويتحب مهما أنكرتى لكن دى الحقيقة
ESTÁS LEYENDO
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
