مساء الخير🌷
كل سنة وانتم جميعا طيبين وبخير
🌷الفصل الثاني🌷
اللواء محسن :اتفضل يابطل حمد الله علي السلامة يابطل
الضابط :الله يسلمك يافندم انا مش مصدق اني رجعت مصر تاني
اللواء محسن: لا لا يابطل أنا كنت واثق إنك اد المهمة والا كنت اول واحد رفض سفرك المهمة دى
نور: ساكت متفاجئ وهو بيسمع الحوار آخر حد كان يتوقع إنه يشوفه هو صديق عمره اللي فجأة اختفي لمدة سنتين وفي ظروف غامضة ومقدرش يعرف عنه حاجة
لاحظ اللواء محسن صمت ودهشة نور فوجه له الكلام
وقاله :مالك يانور مندهش ليه ؟ايوة يانور شريكك في المهمة الجديدة هو فادى صديق عمرك
*فادى عزام :صديق نور من الطفولة كبروا سوا ودخلوا نفس الكلية سواوفي ظروف غامضة اختفي فادى دون سابق انذار وطبعا لان التحركات بتكون في سرية تامة نور ملاقاش تفسير لاختفاء فادى غير انه في مهمة سرية
*فادى :إيه يانور هتفضل مندهش كده كتير مش هتسلم عليا
نور : إنتبه فعلا لكلام لكلام فادى وسلموا علي بعض وقاله بالحضن ياصاحبي
نور : وحشتني اوى يافادى طمني عليك كنت فين انا سالت عليك كتير ياصاحبي لكن ماعرفتش اوصلك كنت فين
فادى : وانت كمان واحشني اوى يانور طمني عليك ياصاحبي
نور :فادى انا بقولك انت كنت فين المدة دى كلها
اللواء محسن :إجابة سؤالك يانور هتعرفها في الاجتماع مع سيادة الوزير إتفضلوا علشان مانتاخرش علي سيادته
نور و فادى تمام يافندم واتجهوا الثلاثة للاجتماع بسيادة الوزير
لكن إندهش نور إن الاجتماع في مكان تبع المخابرات مكان سرى محدش يعرفه غير قلة من العاملين بالمخابرات
* فادى لاحظ اندهاش نور وخصوصا إن نور متعود علي تلقي الاوامر بشكل مباشر من رؤساؤه فإبتسم لنور ابتسامة تطمنه
* نور : يافندم إحنا إيه اللي جابناهنا المفروض الاجتماع مع سيادة الوزير
اللواء محسن : انا فاهم سبب سؤالك لكن الاجابات كلها علي أسئلتك هتلاقيها في الاجتماع
سيادة الوزير : فعلا عندك حق يامحسن لما وصفت نور إنه طبيعته شكاك في كل حاجة وسريع الملاحظة ومش بسهولة يثق في اى حد حتي اقرب الناس له .
في احدى المستشفيات الخاصة :
*عبد الرحمن الدمنهورى :الشقيق الاصغر لنور ، طبيب ماهر جداااا ووسيم جدااا جدااااا 😊 ،يتميز بخفة الظل وروحه المرحة متواضع يحبه مرضاه وكل العاملين معه
* في مكتب مدير المستشفي *
* عبد الرحمن : صباح الخير يافندم
* الدكتور إبراهيم : صباح الخير يادكتور تعالي اتفضل اقدملك زميلتك الدكتورة روجيدا اللي هتشتغل معاك في القسم مكان الدكتور علاء لحد مايرجع من البعثة إن شاء الله
* عبد الرحمن : تمام يادكتور ،اهلا يادكتورة روجيدا إتشرفت بحضرتك
*روجيدا : اهلا وسهلا بحضرتك يادكتور ميرسيه لذوقك
(روجيدا طبيبة جمالها هادى يخطف الانظار ، هادية ، محجبة، تحب عملها جدا ، ولكنها شخصية خجولة )
ودلوقتي يادكتور عبد الرحمن هتروح مع الدكتورة روجيدا تسلمها شغلها وتنسقوا الشغل مابينكم ولو في اى ملاحظات مكتبي مفتوح لكم في اي وقت
شكرا يافندم قالها كل من روجيدا وعبد الرحمن وهما في طريقهم للخروج من مكتب المدير
استغل الدكتور هبد الرحمن الفرصة وهما في طريقهم للمكتب
وشرح لها طبيعة الشغل بينهم هتكون ازاى
واثناء سيرهم بممر المستشفي سالت احدى الممرضات رئيستها مين البنت الحلوة اللي ماشية مع الدكتور عبد الرحمن
ردت عليها وقالتلها دى الدكتورة اللي هتستلم مكان دكتور علاء لحد مايرجع من السفر
الممرضات كانوا بيحسدوا روجيدا انها ماشية مع الدكتور عبد الرحمن
رئيسة التمريض :مالك ياماما انتي وهي كل واحدة علي شغلها متنحين كده ليه انتي وهي 😅
* في بيت الصياد *
حياة وصلت البيت ومرهقة من تحضيرات الحفلة اللي انتهت من تحضيرتها بنفسها
* هناء: حمدالله علي السلامة ياحياة قلبي احضرلك الغداء
حياة : الله يسلمك ياماما لا ياحبيبتي مافيش وقت يادوب اخد شاور واجهز علشان الحفلة قولي لبابا ان انا بجهز ونازلة علشان مانتاخرش علي الحفلة
هناء : يابنتي لازم تاكلي مش شايفة نفسك مرهقة ازاى
حياة : ياماما انا اكلت برة حاجة خفيفة ارجوكي ياست الكل سيبيني اجهز علشان منتاخرش
هناء : الامر لله اجهزى ياقلب ماما لكن ياحياة عاوزاكي تاخدى بالك من صحتك اكتر من كده
حياة : حاضر ياست الكل وفتحت باب اوضتها وبدات تجهز للحفلة
خرجت حياة واسرتها في طريقهم للحفلة وفي الوقت ده كان نور وفادى بيستعدوا هما كمان علشان هيروحوا الحفلة لان المهمة هتبدا من الحفلة
نور شارد من بعد ماانتهي الاجتماع شارد في كل كلمة اتقالت في الاجتماع اتاكد انها مهمة صعبة غير اي مهمة هو قام بها قبل كده وخصوصا انه لسة مصدوم من حضور آخر شخص كان يتوقع إنه يقابله وتقريبا كان الاجتماع معاه شخصيا ووزير الداخلية كان مجرد تمويه
*ياترى نور شاف مين؟
*ياترى إيه السبب اللي كان نور شارد بسببه؟
* وياترى هتحصل مفاجأت في الحفلة ولا لا؟
*****************
نهاية الفصل الثاني🌷
الفصل نزل قبل ميعاده لاني خارجة فحبيت اوفي بوعدى معاكم
وعندى مفاجأة بمناسبة احتفالات المولد النبوى الشريف إذا لاقيت تفاعل كبير عن الفصل الاول هنزل الفصل الثالث
تحياتي لكم🌷🌷
رواية حياة بلا حياة
بقلمي
🌷 إيمان الصياد 🌷
واتمني الاقي كومنتات برأيكم فيها
BINABASA MO ANG
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
