للاسف الفصل بعد ماكتبته إتمسح 😔
وعدت كتابته من تانى بعتذر عن تأخيره
الفصل 29
https://my.w.tt/DzTKA7Ijw1
خرج فادى من مكتب نديم وهو يفكر فيما طلبه منه نديم
والاهم هو تأمين حياة ونور فلقد ظهر نديم نواياه الحقيقية تجاه حياة ونور
ولكن عليه ان ينتهى من أمر أنس أولا قبل ان يصل اليه مايكل او نديم
فلقد طلب نديم من فادى إحضار أنس فهو إكتشف عن طريق الصدفة شخصية الخائن بينهم
ونديم لن يهدأ حتى يعرف من هو الخائن بينهم
ركب فادى سيارته متجها لمقابلة خالد
((فلاش باك ))
نديم : و المهمة الثانية مطلوب منك تقتل أنس ومعتز
فادى بإستفسار : معتز .... معتز مين مستر نديم
نديم اخرج الصورة من جيبه واشار بإصبعه على شخص فى الصورة وقال : ده ..... ده اللى هتقتله واللي معاه دى مراته هتجيبهالى لحد عندى لكن بعد ماتخلصنى من جوزها
كانت الصدمة من نصيب فادى عندما رأى الصورة فهى كانت لنور وحياة اثناء خروجهم من المطار
فادى بثبات وهو يسجل لنديم : اوك مستر نديم لكن أنس هقتله ليه ده من رجالتك المخلصين
نديم : لا يافادى أنس دوره إنتهى نعرف بس مين الخاين اللي بينا وبعدها تخلص عليه
معاك يومين بس ويكون موضوع أنس منتهى
وبعدها تخلصنى من معتز وحياة تكون موجودة هنا بأى تمن
((نهاية الفلاش باك))
وصل فادى لمكان ما للقاء خالد وإبلاغه بآخر الاخبار
خالد : حمدالله على سلامتك يافادى ها إيه الاخبار
فادى : الله يسلمك ياخالد للاسف الاخبار ماتطمنش
خالد : ليه كل الامور ماشية زى ماخططنالها
فادى : لكن ده نديم يعنى تعلب صعب تعرف دماغه بتفكر فى إيه
خالد : معاك حق هو شخصية مش سهلة ده بيدير منظمة لها إيد فى بلاد كتير واللى زى ده لايمكن يكون سهل ابدا
لكن هو تحت عنينا لحظة بلحظة بفضل الكاميرات المترشقة فى كل حتة فى الفيلا وفى مكتبه
لكن الغريبة إننا لحد دلوقتى مش عارفين نوصل للى مشغله
فادى : قريب هنقدر نوصله انا عندى خطة هنقدر بيها نجمع كل الاطراف مرة واحدة
خالد : تمام وانس هنعمل معاه إيه
فادى : أنس انا لازم اعمله زيارة قريب
خالد : ايوة يافادى بس ....
فادى : بس إيه ياخالد
خالد : زيارتك له فيها مجازفة كبيرة وكده اللعب هيكون علي المكشوف معاه
فادى : وهو ده المطلوب لانه ....
واخذ فادى يحكى لخالد ماطلبه منه نديم
خالد : فعلا كده نديم خالف كل توقعاتنا دلوقتى هو عاوز يخطف حياة بدل ماكان عاوز يقتلها طيب تفتكر هو بيخطط لإيه او هيعمل معاها إيه بعد مايخطفها
فادى : ده اللى هعرفه قريب جدا المهم دلوقتى لازم تعرف نور اللى قولتهولك وكمان تزود الحراسة على معتز
مش معنى إن الراجل قبل يساعدنا تكون جزاته إنه يتقتل
وكمان حياة لازم نحافظ عليها مش لازم نديم ينجح فى خطفها أنا هحاول أماطل معاه شوية
خالد : ماتقلقش يافادى انا هرتب الدنيا
المهم دلوقتى لازم نوصل لباسورد كمبيوتر نديم ورجالتنا بتحاول اختراق الموبايل والكمبيوتر لان اكيد واحد منهم متسجل عليه عمليات نديم وخططه واكيد عن طريقه هنعرف مين الراجل الكبير
فادى : تمام خلى رجالتنا شغالين علي النقطة دى وانا كمان عندى فكرة حلوة
خالد : اللي هي .....
فادى : رجالتنا يقدروا يحولوا اى اتصال جاى لنديم على تليفونى عن طريق القمر الصناعى
خالد : أيوة لكن كده خطر عليهم وعلينا لان الاقمار دى متأمنة واى اختراق يعتبر جريمة وفى ثوانى هيقدروا يوصلوا لمكانهم عن طريق نفس القمر الصناعى
YOU ARE READING
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
