بعتذر جدا عن التأخير لكن النت عندى كان مقطوع الفترة اللي فاتت بجد والاسبوع الجاى هنزل 4فصول تعويض عن فصل يوم الثلاثاء ☺️
الفصل 26
https://my.w.tt/DzTKA7Ijw1
روجيدا وفادى واقفين مع حياة ونور
روجيدا : محتاجينك في حاجة مهمة ياحياة
حياة : خير ياروجا
روجيدا : مرات سليم اخو نور تعبت وسيبتها نايمة فوق فى اوضتك واضطريت اقفل الاوضة عليها
نور اتفاجئ بالكلام
حياة : ياخبر ياروجا وده ينفع زمان جوزها قالب الدنيا عليها
فادى لنور: لا ماهو نانسي كانت ناوية تبوظلكم الجوازة ياصاحبى فالدكتورة بنجتها 😂 هتفضل نايمة لبكرة الصبح لحد ماتسافروا كمان
نور : نعم ازاى الكلام ده هى عملت إيه تانى
روجيدا بضحك : ابدا ياعريس حاولت بس تقنع العروسة انها تفركش الجوازة وإنك مش العريس المناسب وكده يعنى
نور : ربنا يهديها بجد سليم اخويا صعبان عليا
ربنا إبتلاه بمصيبة متحركة اسمها نانسي
حياة بمحاولة لتلطيف الجو : ماتقلقش يانور كل حاجة هتتصلح ربنا يهديها
نور : اكيد سليم قلقان دلوقتى وقالب عليها الدنيا
فادى : اكيد لكن عبد الرحمن معاه المهم دلوقتى احنا ازاى هنخرجها من الفيلا فى الظروف دى
حياة : انا عندى فكرة
نور وفادى وحياة فى صوت واحد : فكرة إيه
حياة ضحكت : ماتقلقوش بقى انا هحلها تعالى معايا يانور
نور : ايوة ياحياة فهمينى بس انتى هتعملى ايه
حياة ولا حاجة هطمن سليم عليها وبهدوء سليم هو اللي هياخدها ويروح بها ويبقى كده ضربنا عصفورين بحجر واحد
نور : إزاى
فادى : انا فهمت برافو عليكى ياحياة هو ده الحل الوحيد
ونظر فى ساعة يده وقال
انا مضطر امشي دلوقتى يانور علشان احلق ميعاد الطيارة
نور وهو يحتضن صديقه : خلى بالك من نفسك ياصاحبى توصلوا بالسلامة
فادى : الله يسلمك وودع كل من حياة وروجيدا وذهب ليلحق بمعتز
وبعدها التفت نور ل حياة: هتعملى ايه ياحياة
حياة : ابدا احنا هنتصرف عادى جدا وإنت هتاخدنى وهنروح عند باباك ومامتك بحجة إنك بتعرفنى على سليم وعبد الرحمن وبعدها انت هتشوف
وبالفعل اصطحب نور حياة لمكان جلوس والده ووالدته
وبدأ بالتعارف الى ان اتى التعرف على سليم
نور : حياة اعرفك علي سليم اخويا
حياة بترحيب : اهلا وسهلا بيك ياسليم
سليم بقلق علي نانسي : اهلا وسهلا بيكى ياعروسة والف مبروك
حياة : الله يبارك فيك
مالك يااستاذ سليم بتدور علي حد ولا حاجة
سليم : ايوة فعلا نانسي مراتى من اول ماوصلنا كانت داخلة الحمام من وقتها وانا لسة مارجعتش
حياة : اووه انا نسيت هى فعلا كانت عندى فى اوضتى واتعرفنا على بعض تعبت فجأة فأنا فطلبت منها ترتاح شوية فى اوضتى فوق
انا اسفة بجد كان المفروض اقولك يانور لكن انشغلنا فى الفرح sorry بجد
سليم : تعبت تعبت ازاى هى فين لو سمحتى
حياة : اتفضل معايا اوصلك لها
وصعدت حياة ونور وسليم وعبد الرحمن لغرفة حياة :
سليم بلهفة : وهو يحاول افاقة نانسي نانسي ... نانسي
مالك نانسي ردى عليا
حياة : واضح ياجماعة انها اخدت قرص منوم بدل المسكن بالغلط
سليم : والحل دلوقتى
عبد الرحمن : اطمن ياسليم هى نايمة دلوقتى مش هتفوق قبل الصبح نحاول نسندها وتروح ترتاح فى بيتها
سليم : معاك حق والتفت لنور
نور اعذرنى انا مضطر استاذن وابقى طمن بابا وماما
نور : ولايهمك ياسليم المهم الف سلامة على نانسي
سليم : الله يسلمك
وحمل سليم نانسي وهى نائمة على ذراعيه وخرج بها
لم يلاحظ احد سليم فقد كان الجميع مشغول مع تالا وعماد
وضعها سليم فى السيارة وكان عبد الرحمن قد لحق به ليتحدث معه قبل ذهابه
عبد الرحمن : سليم اطمن نانسي مافيهاش اى حاجة وبعد الفرح مايخلص انا هجيلك البيت الصبح محتاج اتكلم معاك ومعاها شوية
سليم : طبعا ياعبد الرحمن البيت بيتك لكن ليه انا حاسس من كلامك ان فى حاجة
عبد الرحمن : ماتقلقش كل خير لما اجيلك الصبح هتعرف كل حاجة المهم دلوقتى لما تروح البيت ماتحاولش تصحى نانسي سيبها ترتاح شوية هى هتفوق الصبح لوحدها
سليم : حاضر ياعبد الرحمن ، سلام
عبد الرحمن : سلام
*****************
عند حياة ونور كانوا قد عادوا للحفلة مرة اخرى
نور : حياة انتى ليه ماقولتيش لسيلم حقيقة اللي نانسي عملته
حياة : لان ماينفعش اشوف نظرة الخجل والانكسار فى عيون اخوك مهما كان ده راجل واى راجل مكانه مش هيستحمل اللي مراته عملته هو هيعرف لكن مش انا اللي هقوله ولا مواجهته بحقيقة نانسي هتكون قصادى
نور : قصدك إيه .....
عبد الرحمن كان وصل عندهم فقال : أنا يانور انا اللي لازم اواجه نانسي قصاد سليم
لازم سليم يفوق ويعرف انه متجوز شيطانة ممكن تهده هو نفسه من غير مايشعر
نور : انت واثق من الخطوة دى ياعبد الرحمن
عبد الرحمن : ايوة واللي هعمله هيكون فى مصلحة سليم ماتقلقش
نور : اهم حاجة فى الموضوع ده سليم
عبد الرحمن : طبعا انا كل اللي يهمنى اخونا انما هى فى ستين داهية مجرد زوجة بورقة تروح واحدة ييجى مكانها اربعة انما الاخوات ماتتعوضش
أنت تقرأ
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
