الفصل الثالث 🌷
عارف يانور احلي حاجة في المهمة دى إيه ياصاحبي ؟
إننا هنكون مع بعض زى زمان فاكر كانوا بيقولوا علينا إيه
لما نتجمع في مهمة واحدة (اعصار المخابرات)
يعني المهمة اللي بنتكلف بيها بيكون ياويله اللي هيقع تحت ايدينا فيها
فادى بيقول كده وهو بيضحك ،وانتبه إن نور مش مركز معاه وسرحان ومش سامع ولا كلمة من الي فادى قالها
صرخ فادى يانور 😬
إيه ياعم مالك إنت روحت فين
نور : ها إيه ياعم انت بتزعق ليه كده وصوتك عالي وطي صوتك شوية
فادى : صوت إيه ياعم داانا بكلمك بقالي ساعة وانت ولا إنت هنا إيه بتحب جديد من ورايا ولا إيه؟؟😉
ضحك نور بشدة 🤣 وقاله تصدق إنت فاضى قال حب قال وبعدين إنت عارف رايي في موضوع الحب ده
فادى : ضحك عارف عارف ياسيدى خلصنا هنتاخر علي الحفلة والمرة دى المهمة مش سهلة دى اوامر عُليا جاية من فوق يعني الغلطة معاهم هتودينا ورا الشمس
نور : اتنهد وسال فادى ،فادى هو بجد اللي حصل من كام ساعة ده 🤔
فادى مستغرب وبيسال نور هو إيه اللي مش مصدقه
نور اتعصب من برود فادى ، وزعق له مالك يافادى ماتركز انا بتكلم علي الاجتماع
هو احنا كنا بنتكلم كده عادى مع رئيس الجمهورية 🙄
مباشرةً وبناخد منه الاوامر والتعليمات ولا أنا بيتهيألي
فادى ياسيدى لابيتهيالك ولا حاجة لكن للاسف كل اللي عرفته من معلومات نتيجة تعب ومجهود ومرمطة سنتين ،
انا كنت برة مصر في المهمة دى وتقريبا كانت صلتي مقطوعة برؤسائي لكن التعليمات كانت بتجيلي مع العميل السري للمخابرات والشخص ده محدش يعرفه شخصيا ولا حتي انا
إشتغلت معاه لكن عمرى ماشوفته ولا بيكشف عن هويته لحد
نور : ياااااه يافادى كل ده انت عشته ومحدش حس بحاجة لدرجة اننا اعتبرناك من المفقودين في اخر عملية لنا في سيناء
فادى ضحك وقاله : فعلا والعملية دى كانت الغطاء ليا علشان اخرج برة مصر والكل يقتنع إني مفقود وخصوصا اننا كان لازم نتاكد مين الضلع الثالث في المنظمة دى واللي كان ورا كل اللي بيحصل وفعلا كانت مفاجأة صادمة لما تاكدنا من الشخصية المتورطة مع المنظمة زى ماسيادة الرئيس قالك
نور : تمام خلينا نبدأ والله المستعان
خرج فادى ونور كل واحد من باب مختلف للبيت اللي هيستعملوه في المهمة الجديدة وهو بيت موجود قريب من مكان الاحتفال
والسبب ان فادى لسة متخفي علشان المهمة وحتي دخوله مبني المخابرات كان متنكر ومعاه هوية مزيفة لسهولة التحرك
وحفاظا علي حياته
**
وصلت اسرة اكرم الصياد للحفلة ووصل فادى ونور في نفس الوقت
ووصل المدعوين وكانوا من كبار رجال الدولة والحكومة ورجال الاعمال وكانت مفاجاة لنور وجود اخوه عبد الرحمن اللي اتفاجئ هو كمان بوجود نور وفهم ان نور موجود في مهمة
وطبعا تعاملوا كانهم اغراب حفاظا علي سرية وجود نور وخصوصا ان نور متفق مع اخوه علي اشارة بالعين يتفهم منها انه في مهمة
لكن نور اخد قرار انه لازم يقابل اخوه بعدين علشان يفهم سر وجوده في الحفلة دى
*اكرم الصياد وحياة بيرحبوا بالضيوف لكن حياة كانت بتراقب المدعوين بعيون زى الصقر وطبعا من غير ماحد يلاحظ لحد ماشافت اللي كانت بتدور عليه ومركزة نظرها عليه وفي نفس الوقت متابعة الحفلة
وبدات الحفلة بكلمة اكرم الصياد : انه بيرحب بضيوفه وبيعلن إتمام الصفقة مع الوفد الالماني
وبدات فقرات الحفلة برقصة هادية وعرض احد المدعوين علي حياة مشاركته الرقصة لكنها رفضت بشياكة
ونور مركز اوى في الحفلة وبيراقب تصرفات كل واحد من الموجودين لكن مش واخد باله انه متراقب 😅
من حياة لحد ماقرب منها من غير مايااحظ وجودها فهمست هي ازيك ياحضرت الضابط
إتفاجئ نور ان حد كشف هويته الحقيقية لا وكمان بنت هي اللي كشفته
نور إبتسم بهدوء وقالها تقريبا حضرتك غلطانه ياهانم
ضحكت حياة بسخرية 😏 وتفتكر حياة الصياد مش هتكون عارفة كل واحد من الموجودين في حفلتها
دى حتي تبقي وحشة في حقي اوى ولا إيه قالتهاله بمنتهي التكبر مما اغضب نور انها متكبرة ومغرورة
ودعته للرقص معاها علي اغنيه هادية ووافق وهو مذهول ازاى هي عرفت حقيقة شخصيته وفين الوسيط اللي لازم يقابله في الحفلة
كل مانور يبدا يفهم المهمة المكلف بها يظهرله لغز جديد
* ياترى حياة عرفت منين هوية نور الحقيقية ؟
* وياترى فادى فين وبيعمل إيه؟
*وياترى حياة ونور وهما بيرقصوا إيه المفاجأة اللي هتحصل ؟
*****************
نهاية الفصل الثالث
بعتذر اني سهرتكم
وبعتذر ان الفصل قصير لان بكتبه اول باول علي الورق وبعدها بعيد كتابته لحضراتكم لكن قريب الفصل هيكون طويل
تحياتي واتمني الفصل يعجبكم واتمني التفاعل يزيد
واتمني تناقشوني في كومنتات وتقولولي رأيكم
🌷 إيمان الصياد 🌷
تصبحوا علي الف خير
أنت تقرأ
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
