إقتباس
https://my.w.tt/DzTKA7Ijw1
ارجوك ياعمى توافق علي كتب الكتاب بدل الخطوبة وانا أوعد حضرتك إنى مش هعطلها عن دراستها بالعكس انا هساعدها علشان تخلص السنة دى ونتجوز
اكرم : ياعماد انا لازم اخد راى تالا ولو وافقت انا ماعنديش مانع اهم حاجة عندى سعادة بناتى
" وانا منتظر رد حضرتك ياريت كتب كتابى انا ونور وحياة وتالا يكون فى يوم واحد
اكرم : اللي فيه الخير يقدمه ربنا ياعماد
عماد : ونعم بالله
وانتهت المكالمة وصعد بعدها اكرم لغرفة ابنته تالا ليخبرها بطلب عماد
تالا ياحبيبتى عماد كان بيتكلم معايا وكان عاوز بدل الخطوبة يكتب كتابه عليكي في نفس يوم نور وحياة إنتي رأيك إيه
تالا : بالسرعة دى بصراحة يابابا انا إتفاجئت بطلب عماد ده
اكرم : حبيبتى عماد شاب محترم وملتزم وانا واثق فيه وبعدين انا نفسي اطمن عليكي انتى وحياة قبل مااموت
تالا : بعد الشر عنك يابابا ربنا يحفظك لنا
اكرم : ياحبيبتى الاعمار بيد الله
وبعدين انا أب نفسى أشوفك عروسة إنتى واختك وصدقينى لو حاسس إن جوازك هيعطلك عن دراستك أنا كنت رفضت
تالا : يابابا لو حضرتك موافق انا كمان موافقة
اكرم : حبيبتى ربنا يسعدك إنتى واختك انا عايش فى الدنيا دى بس علشان اسعدكم
تالا وهى ترتمى فى احضان والدها : ربنا مايحرمنا منك ابدا يابابا
أكرم وهو يربت على خصلاتها بحنو : ولا يحرمنى منكم أبداً
اسيبك تنامى ياحبيبة قلبي علشان بكرة يوم طويل تصبحى علي خير ياحبيبة بابا
تالا : وانت من اهل الخير ياحبيبي
*******
وذهب اكرم للتحدث مع حياة قليلا
حياة حبيبتى عاوزك تخلى بالك من نفسك وكمان تطمنينى عليكى طول الوقت
وصدقيني يابنتى وقت ماتحتاجينى هتلاقينى جنبك علي طول
وبعدين انا سألت علي نور وهو انسان محترم وهيعرف يحافظ عليكي لحد ماترجعيلي بالسلامة
عارفة ياحياة كان نفسي يكون جوازك ده حقيقى كنت عملتلك فرح مصر كلها تتكلم عنه ياحياة
لكن انتى فاهمة الجوازة دى سببها إيه
حياة : بابا حبيبي انا عارفة ماتقلقش عليا بنتك مش ضعيفة وإن شاء الله الكابوس ده يخلص وارجع ووقتها تفرح بيا زى مإنت عاوز
اكرم : طول عمرك عاقلة ياحياة ودايما برتاح فى كلامى معاكى
" إنتى جوهرة غالية عندى ياحياة"
حياة لاول مرة من وقت طويل ترتمى في بأحضان والدها فمهما كانت تتظاهر بالقوة فهى تحتاج لحضن والدها
" فإذا كانت الام هى منبع الحنان والرعاية والحب & "فالاب هو السند والحماية والامان "
(الاقتباس ؛ إهداء لروح كل اب لم يُقدر له ان يفرح بإبنته في هذه اللحظات ولكل بنت لم يكن والدها معها في اهم يوم في حياتها تحياتى لكم )
رواية حياة بلا حياه
🌷إيمان الصياد ( إيمى )🌷
دومتم بخير
YOU ARE READING
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
