الفصل الخامس
فادى : تمام يانور هحكيلك كل حاجة
طبعا انت عارف الفترة اللي مرت بها البلد من بعد ثورة يناير واللي حصل بعدها علي مدار السنيناللي فاتت
نور : طبعا يافادى دى حاجة الناس كلها عارفاها الانترنت والبرامج مش مقصرين اي سلبيات في البلد بيرغوا فيها كتير
فادى : لا يانور الناس عارفة الظاهر لهم بس تغيرات في المجتمع جديدة علينا كلنا
نور : زى إيه مش فاهم
فادى : زى البلطجة الزايدة والقتل والخطف وغيره وغيره
نور : انجز يافادى انا علي اخرى
فادى : انت عاوزني احكيلك يبقي تقعد وماتقطعنيش وتسمعني كويس
نور : إتكتمت 🙊
فادى : حوادث الخطف اللي تقريبا بقت كل يوم وكل يوم نسمع خبر عن حد اتخطف بنت خارجة من الجامعة وموصلتش بيتها وغيره وغيره ايوهزمان كان في خطف لكن مش بالشكل اللي بقينا نشوفه ممكن عيل يتخطف وينطلب من اهله فيديه حاجات زى كده
نرجع لموضوعنا الناس دى تتخطف وتغيب وممكن تلاقي جثث بعض منهم وناس تانية مابيظهروش تاني
نور : فعلا الحوادث دى اصبحت منتشرة بطريقة تخوف الناس بقي عندها فوبيا خوف علي ولادها
فادى : لا ومش كده كمان ده الخطف علي كله ستات ،ورجالة بنات ، وشباب ،وولاد صغيرين
تفتكر يانور كل ده من فراغ ، طبعا لا دى عصابات منظمة وعارفة كويس اوى هي بتعمل إيه كويس اوى
والمصيبة 🙆 إن معاهم دكاترة معدومين الضمير كل همهم رصيدهم في البنك يزيد واهي طريقة سهلة يغتنوا بيها ويعملولهم قرشين
نور : فعلا في دكاترة اصبحت مهنة الطب بالنسبة لهم تجارة
فادى : بالضبط كده ، المهم ان الداخلية لاحظت نشاط غريب الفترة اللي فاتت علشان كده اضطرت تنسق مع المخابرات علشان نتحرك في كل الاتجاهات لان لاحظوا ان الخطف ده اغلبه بيكون بغرض ( تجارة الاعضاء البشرية ) او الدعارة
نور : خطف علشان الدعارة ازاى مش فاهم احنا كلنا عارفين حوارات الدعارة بتبدا ازاى وبتنتهي ازاى
فادى : ده كان زمان يانور انما دلوقتي في مليون طريقة وطريقة لكل ده
المهم خلينا في موضوعن المكلفين به
جاتلنا اخبارية ان العمليات دى بتم داخل مصر او لو في اعضاء بتتلف بمجرد خروجها من جسم الانسان بوقت بسيط فبيطروا يسفروا المخطوف برة مصر بورق مضروب او بتم العملية جوا مصر عن طريق المستشفيات الخاصة المشبوهة
طبعا الدول اللي بتتصدر التجارة في الاعضاء كتير منها دول اوروبية زى دول اوروبا الشرقية وكندا وغيرها منها اللي وافق علي تجارة الاعضاء ومنها اللي حرمها
لكن للاسف كل ده وراه منظمة عاملة زى الاخطبوط لها مندوبين في دول كتيرة
نور : طب وإيه علاقة عبد الرحمن اخويا بكل ده
فادى السؤال اللي المفروض تساله هو حياة دورها ايه مش عبد الرحمن لان عبد الرحمن خلص المطلوب منه في الفترة دى
نور : فاااااادى صبرى بدا يخلص اتكلم علي طول
فادى : يلعم ماتهدى ياستار عليك
(وقال في نفسه ، ربنا يستر لما تعرف الليلة اللي انت داخل عليها ، طب اقولهاله ازاى ياربي ده صحبي غبي وانا عارفه )
نور : فادى انت روحت فين
فادى : هاااا لامؤاخذة يانور عبد الرحمن بطبيعة شغله في مستشفي خاص كانت البداية من هنا في اليوم ده عبد الرحمن خلص شغله بدرى لانه كان سهران في المستشفي
YOU ARE READING
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
