Stay With Me

10

Binalot nila ng kumot si Ron dahil malamig ang balat nito. Hindi pa rin ito umiimik, ni hindi kumukurap. Mabagal ang paghinga nito at mahina ang tibok ng puso. Hindi ito makuhang bitawan ni Erik. Nakaupo siya sa sofa at kalong pa rin sa kanyang kandungan ang dalaga.

"No, don't even think about it," madiin niyang bulong at sinulyapan siya ng mga kasama sa sala.

Tulala pa rin si Ron at hindi nagreresponde ang katawan. Kinailangan niyang tadyakan pabukas ang ginawa nitong pader sa pagitan ng kanilang mga isip. Dahil doon, nadidinig niya ang tinig nito sa kanyang utak.

'If I don't baka mahila kita rito. Hindi ko alam kung paano ako makakalabas.'

"Kung pasuin kaya kita?" tanong niya.

Pinandilatan siya ni Paris na nakaupo sa tabi niya.

'Ni hindi ko nga naramdaman na kinurot mo ako...'

Hinaplos niya ang noo ni Ron. Parang mas lumamig pa ang balat nito.

'Erik, please. Ayokong isama ka rito. I don't want to risk it. I need to cut our link.'

"Sinasabi ko sayo, Verona." banta niya. "Maramdaman ko lang ulit na sinusubukan mong putulin ang link natin, papasok talaga ako sa isip mo at jan na ako magtatayo ng mansion, okay?"

'Erik--'

"Hss!" inis niyang saad. "Anong gagawin ko dito sa labas nang wala ka? At least kung ma-trap din ako sa loob ng isip mo, magkasama tayo."

'Hindi nating pwedeng hawakan ang isa't isa dito.'

"Excuse me," nainsulto niyang simula. "Hindi lang sex ang habol ko sayo."

Pinandilatan siya ni Rome dahil sa sinabi niya. Hindi niya ito pinansin. Kasalanan ng mga ito kung trip ng mga itong makinig sa private discussion nila ni Ron. Wala siyang pakialam, wala siyang itinatago. Nakatitig lamang siya kay Verona na nakahiga na parang manika sa kanyang mga bisig.