ORDINARY IN AN EXTRAORDINARY WAY

Chapter 5

Isang linggo na ring hindi nagkikita sina Sidrick at Kimberly. Malimit na lang kasi siyang gumimik ngayon dahil nagkaroon na rin sa wakas ng panahon ang kuya niya sa kanya. Nasa mansiyon nila ito buong linggo dahil break daw nito para sa sarili pero nataon naman na wala ang ama at na sa New York. Alam niyang nag iiwasan ang mga ito.

           

            Nabalitaan naman niya galing kay Ferlyn na laging nag uupdate sa kanya ng tungkol sa laging away nila ni Walter, na lagi daw sumasabay sa mga kaibigan sina Sidrick. Pero ang kinabigla niya ay ang balitang lagi daw magkasama sina Marie at Sidrick ngayon. Hindi na siya nagtaka dahil pareho ang kursong kinukuha ng mga ito kaya natural lang na may subject na magkaklase sila. Hindi niya maintindihan ang sarili kung bakit may nararamdaman siyang paghihinayang. Masaya siya para sa kaibigan but something is disturbing her system. Simula ng kumain sila sa pancake house ay iniwasan na niya si Sidrick. Nagpalit nga siya ng number para hindi siya makontak nito.

           

            Palabas na siya ng campus ng may biglang humila sa kanya. Magtataray na sana niya ng makilala niyang si Sidrick iyon. Kumakabok ang puso niya ng makita ang nakakunot na noo nito na nakatingin sa kanya, hindi pa rin binibitawan ang braso niya.

            "Iniiwasan mo ba ako Kimberly Grace?" agad na tanong nito.

            "Hi. Ginulat mo naman ako," pilit ang ngiting bati nya rito. Nag iinit kasi ang pakiramdam nya habang hawak pa ng binata ang braso. "Bakit naman kita iiwasan Mr Sidrick? Bakit mo naman naisip yun? And pwedeng bitiwan mo muna ako dahil pinagtitinginan na po nila tayo."

            Napabitiw ito sa kanya at nakapamulsa ng harapin ulit siya. "At binalik mo talaga sa kin ang tanong ha. But why do I have a feeling na iniiwasan mo ako. Binigyan mo ako ng cell number mo but I can’t reach you. Tuwing itatanong ko naman sa mga kaibigan mo iniiwasan nila ang tanong ko. Now tell me, hindi ka ba umiiwas?"

            Natahimik na lamang siya sa mga sinabi nito. Nag iisip kung ano ang isasagot niya sa binatang mukhang hinihintay ang isasagot nya.

            "Well naging busy lang talaga ako this past few days Sid. At saka yung tungkol sa number pasensiya ka na kung hindi ko nasabi sayo na I've change it. Hindi ko naman alam na hindi ka pala nila binigyan." sabi ni Kim hoping na tatanggapin ito ng binata.

            Napabuntong-hininga na lang ito. "Okey palulusutin ko yang rason mo ngayon. But first give me your phone," naguguluhan man ay binigay pa rin nito ang phone sa kanya. Dali-dali niyang dinial ang number nya sa phone ng dalaga at isinave nito at inabot ulit rito. "There, I've save my number in your phone and your number in my phone. Siguro naman hindi na masisira ang sim mo next week diba?"

            Napapailing na lng siya sa sinabi ng binata. Napangiti na rin ito.

 "Sorry na po. Eh balita ko naman lagi kayong gumigimik ng mga katropa ko na katropa  na rin pala ninyo. Binibida nga sakin lagi ni Ferlyn ang mga escapades ninyo eh."

           

            "Yah, but going out with them is not the same pag kasama ka," pilyo ang ngiting sabi nito na nagpasingkit sa singkit na nitong mata.