ORDINARY IN AN EXTRAORDINARY WAY

Chapter 13

Akala ni Kim ay tuluyan ng magiging okey ang lahat pero nagkamali siya. Dahil mukhang magsisimula pa lamang ang sunod-sunod na dagok sa buhay nila at sa relasyon nila ni Sid.

Galing siya sa opisina noon ng mapadaan siya sa study room ng ama niya. Akala niya walang tao sa loob kaya nabigla siya ng marinig ang galit na tinig ng ama. Papasok na sana siya ng marinig niya ang pangalan niya kaya nakinig na lamang muna siya sa usapan ng mga ito.

"Bakit kelangan mo pang ipaalam sa kapatid mo ang lahat ng ito? I've protected your sister for all these years para hindi siya masaktan at sasabihin mo sa akin ngayon na sasabihin mo sa kanya. How dare you?" galit na sabi ng ama. Nabigla siya sa narinig pero nakinig pa rin siya.

"But Kim has the right to know Dad. Hindi natin habang buhay na maitatago sa kanya ang totoo. At hindi rin tama na isinaksak mo sa utak ng kapatid ko na magalit sa isang taong kung tutuusin ay kayo ang nanakit.", sumbat naman ni Klark rito.

"You better watch your mouth Klark. Hindi kita pinalaki para pagtaasan mo ako ng boses. Anak pa rin kita. Anak lang kita," ganting sagot nito.

Natahimik ito at hindi na niya narinig ang sagot nito. Nang mapansin niyang papalabas ang kapatid ay nagkubli siya. Saka pa siya pumasok sa kwarto niya ng makitang wala na ang kapatid. Pagdaan niya sa study room ay napansin niyang nakatanaw sa labas ng bintana ang ama. Kumatok siya bago pumasok.

"Hi Dad," pinasaya niya ang boses. "I saw kuya downstairs. Mukhang nagmamadali na namang umalis."

Lumapit ito sa kanya at hinalikan siya sa pisngi. "You're home. May kinuha lang na mga dokumento ang kuya mo. Nagpaalam din naman siya agad. How is work? Balita ko maganda ang performance mo mula kay Blast."

"Im doing good Dad. Thanks to you. But are you okey? You dont look okey to me," nag-aalala niyang tanong sa ama.

"Im okey anak, huwag mo akoang alalahanin. Cge na magpahinga ka na,"pagtataboy ng ama sa kanya. "Love you sweetie." sabi nito na hinalikan siya ulit sa noo.

"Love u too Dad." Mukhang kelangan na talaga niyang kausapin ang kapatid tungkol sa ama nila by hook or by crook.

*******

Naisip niyang sorpresahin ang nobyo para na rin masabi niya rito ang mga agam-agam niya tungkol sa ama at kapatid. Matagal na rin niyang hindi nakasama ang nobyo kahit madalas silang nag-uusap sa phone. Nagtake out pa siya ng makakain bago ito binisita sa opisina nito. Nagulat pa ang sekretarya nito ng makita siya.

"Dont tell your boss, gusto ko siyang surpresahin," nakangiti niyang bungad sa sekretarya ni Sid matapos siyang batiin nito. Hindi na niya hinintay ang sagot nito at diretso ng pumasok sa opisina para lang magimbal sa kanyang naabutan.

On top of her boyfriend is Marie. Nasa pang isahang sofa ang mga ito. Ayaw man niyang mag-isip ng masama pero kinain na ng selos ang kanyang puso.

"What is happening here?" lakas loob na sabi ni Kim. Nabigla ang dalawa at muntik pang maitulak ni Sid si Marie na nakatayo naman agad.