ORDINARY IN AN EXTRAORDINARY WAY

Chapter 9

        Hindi makapaniwala si Sidrick ng makilala si Don Karlito. Ito pala ang sinasabi ng ama na bisita kaya kahit pagod ay bumiyahe pa siya pauwi sa ancestral house nila. Naabutan niya ang dalawa na masayang nagkukwentuhan sa may bahay-kubo malapit sa lawa.

            Hindi siya makapaniwalang ang isang tycoon at tinitingala sa real estate business ay tumatawa rin pala.

            "I’m glad I finally meet you iho. Alam mo bang bentang-benta ka na sakin dahil sa dami ng sinabi nitong tatay mo," sabi ng Don ng makipagkamay sa kanya. Napakamot tuloy siya sa ulo.

            "Minsan po talaga exaggerated na masyado ang sinasabi nitong si Tatay, Don Karlito. Buti naman po napadalaw kayo rito sa amin."

            "Matagal na panahon na rin akong hindi napasyal rito. Buhay pa ata ang nanay mo noon ng tulungan ko ang tatay mo. Hindi na rin ako nakabalik mula noon at ang laki na ng iginanda ng lugar na ito," sagot ng Don na nilibot ang tingin sa buong paligid.

            Matagal ng kawaksi ni Don Karlito ang tatay niya noon. Pero ng magkasakit ang ina ay tumigil ito sa pagtatrabho para maasikaso ang ina at nagbuy at sell na lamang ng mga appliances noon. Pumayag naman ang Don at ng malaman ang pinasok na negosyo ng ama ay tumulong pa ito na hanapan ang ama ng mga kliyente. Hindi nga makapaniwala ang Don na napatatag nila ang negosyong iyon.

            "Napag-isipan mo na ba ang inaalok ko iho?" tanong nito sa kanya.

Matagal na nitong gustong magsosyo na lang sila sa negosyo na pinag-iisipan pa din niya. Alam niyang lalo pang lalago iyon kung ang papasok sila sa kompanya ng Don. Pero hindi pa nila masyadong napag-usapan iyon ng ama.

           

            "Pag-uusapan po namin ulit ni Tatay ang tungkol.sa proposal ninyo Don Karlito." sabi na lamang niya.

            "Pwede bang Tito na lang ang itawag mo sa kin. Para ka ding tatay mo sa kapormalan," pabirong sabi nito.

            Bigla siyang nag-alangan."Nakakahiya naman po ata yun."

            "But I insist iho. Oo nga pala nasaan na ba ang batang yun para mapakilala kita," sabi ng Don at may tinawagan.

            Nagliwanag bigla ang mukha niya. Mukhang kasama ni Don Karlito ang laging laman ng kanyang isip kaya nagboluntaryo na siyang hanapin ito.

*******

            Natagpuan niya ang hinahanap na sinasamyo ang bulaklak ng orchid. Pinagmasdan muna niya ito at natutuwa siyang makita itong napapangiti. Kahit simpleng sundress ang suot nito ay para itong diwata na nasa gitna ng gardin nila. Mukhang napansin ata nito na may nakatingin rito dahil nagpalinga-linga ito sa paligid. Nagpasya na siyang lapitan ito.

            "Do you like the place?" tanong niya sa nakatalikod na dalaga. Bahagyang nanigas ito at marahan siyang nilingon.