Fight or Flight? [Book 2] ON GOING

22

-Flashback-

"Ang ganda dito, Quinn..." naglakad ako para libutin ang lugar. Sobrang maaliwalas dito sa resthouse nila Quinn sa Batangas. Iyong dagat ay nakakaakit pagmasdan na parang inaalok kang magtampisaw.

"Tara, Yasmine. We can't waste any minute." Alok nito at hinila na ang kamay ko papasok sa loob ng bahay. Hindi kami pwedeng maabutan ni Quinn ng dilim dito dahil malalagot ang mga drivers naming dalawa kapag masyado kaming ginabi ng uwi.

"Sooo, remember when I told you that I will cook for you?" Nasabik ako sa narinig ko, "Today's your lucky day!"

Niyakap ko si Quinn, "You know I love you but I will not eat burnt food." Natawa ito sa sinabi ko.

"Wala ka bang tiwala sa skills ko? Baka hindi mo alam... laking kusina ako. Aray, Yasmine." Reklamo nito ng kurutin ko ang tagiliran nito.

"Laking kusina? Kita mo wala ka ngang laman sa katawan mo." Sumimangot ito, "Biro lang... kahit ano pa iyan, basta ikaw gumawa... kakainin ko." Humalik ako sa gilid ng tenga niya at pinakawalan na ng mga kamay ko para makapagsimula na siyang magluto.

"We have a pool outside, maligo ka na muna." Kumindat ito sa akin.

"You don't need help? Mas mabilis kung tutulungan kita." Suhestyon ko.

"You're my guest and besides you're a big distraction so hindi ako matatapos agad." Lumapit ito sa akin at humalik sa labi ko, "See? Wala pa akong nasisimulan." Marahan ako nitong itinaboy, "Please, please? Para makarami tayo ng oras ng magkasama..." pagmamakaawa niya.

"Fine, fine." Bumigay na ako pero bago ako tuluyang makalayo ay pinagmasdan ko muna ito ng hindi niya alam. I love the radiance surrounding Quinn right now. Sobrang layo ng nakikita ko na Quinn sa mga sinasabi ng mga tao noon. Damaged? Reckless? Spoiled? Serious issues? None of them all is my Quinn.

I gotta go to the pool now before Quinn catches me staring at her. Pumasok ako sa banyo para magbihis ng panligo. Humarap ako sa salamin para tignan kung bagay ba ang dinala ko na swimsuit. I hope Quinn doesn't think it's too much, I only wanted to look good for her.

Inayos ko na ang gamit ko saka lumabas. The sun is so beautiful today, this day is beautiful. After ko mag sunblock tapos shower, I took a dive in the pool. The coldness of the water is so refreshing to my body. I stayed under the water and listen to nothingness that seem so therapeutic to me.

Ilang minuto din ako na nagtatampisaw sa pool, nagpababad sa araw ng dumating na sa wakas si Quinn. Mas sabik pa ang itsura nito kumpara sa akin. Nilapitan ko na ito para silipin ang inihain niya sa mesa.

"Is that eggs benedict?"

"Paborito mo." Pinantayan ko ang ngiti na iginagawad nito sa akin, "You're allowed to eat that now."

"You know your way to my heart, Aboitiz."

"I thought I'm already inside, Monteverde?" She quipped.

"Well, in case you get lost. You know your way back." I said, "Pero dapat pasarap ng pasarap itong Eggs Benedict."

"Noted, Monteverde." Humalik ito sa labi ko at sinubuan ako gamit ang tinidor, "How was it?" Pinagmasdan ako nito.