Unicode
"မေမေရေ!!သားသွားပြီနော်.."
"ခဏနေဦး..သားရေ!!..."
ဒီနေ့က ဂျီမင်း Jeon Group တွင်အင်တာဗျူးသွားဖြေရမယ့်နေ့။ သူတော်တော်စိတ်လှုပ်ရှားနေသည်။ အင်တာဗျူးကိုအများကြီးမမျှော်လင့်ထားသော်လည်း ဂျီမင်း နည်းနည်းလောက်တော့မျှော်လင့်ထားသည်။
သူ့အမေက မီးဖိုချောင်ထဲကထွက်လာပြီး
"ဂျီမင်း..! ဒီနေ့ကောင်းကောင်းလုပ်ခဲ့နော်..မေမေ..အိမ်ကဆုတောင်းပေးနေမယ်နော်..."
"ဟုတ်!မေမေ..!"
* * *
ဂျီမင်းအခု အင်တာဗျူးဖြေရမည့် Jeon Group ရှေ့သို့ရောက်လာခဲ့သည်။ Jeon Groupက အစားအသောက်လုပ်ငန်း။ တစ်နိုင်ငံလုံးတွင်ဆိုင်ခွဲများစွာရှိရုံမက၊တချို့သောအာရှနိုင်ငံများတွင်ပင် ဆိုင်ခွဲများရှိသေးသည်။
ဂျီမင်း ကိုယ့်ကိုကိုယ်အားပေးပြီး သူ့ရှေ့က အဆောက်အဦးထဲသို့ဝင်သွားလိုက်သည်။အဆောက်အဦးထဲရောက်တော့ ထိုအဆောက်ဦးကသူထင်ထားတာထက်ပင်ကြီးနေသေးသည်။ ဂျီမင်း ဘယ်ကိုသွားရမှန်းမသိတော့ reception ကိုသွားမေးလိုက်သည်။
"ဟို..အမတို့!..အတွင်းရေးမှူးအတွက် အင်တာဗျူးတဲ့နေရာက..ဘယ်နားမှာလဲဗျ..!"
"ေဩာ်..အပေါ်ဆုံးထပ်က..ဥက္ကဋ္ဌရဲ့အခန်းထဲမှာပါ"
ဝိုး..ဥက္ကဋ္ဌကိုယ်တိုင် အင်တာဗျူးမှာလား..? အင်းပေါ့!သူ့အတွင်းရေးမှူးဆိုတော့လည်း
"ဟုတ်ကဲ့..ကျေးဇူးပါဗျ..."
ဂျီမင်းကျေးဇူးတင်ကြောင်းပြောပြီး ဓာတ်လှေကားစီးပြီး အပေါ်ဆုံးထပ်သို့တတ်လာခဲ့သည်။ အခန်းတစ်ခန်းရဲ့ရှေ့တွင် အတွင်းရေးမှူးဖြစ်ဟန်တူသော မမတစ်ယောက်ထိုင်ပြီး အလုပ်လုပ်နေသည်။ သူထင်တာမမှားဘူးဆိုလျှင် ဒီအခန်းကဥက္ကဋ္ဌအခန်းဖြစ်ရမည်။
"ဟို..အမ..တစ်ဆိတ်လောက်ဗျ..."
သူခေါ်လိုက်တော့ အလုပ်လုပ်နေသည့်မမက သူ့ကိုမော့ကြည့်လာသည်။
"ဟို..ကျွန်တော်က အင်တာဗျူးဖြေဖို့လာတာဗျ.."
"ေဩာ်..မောင်လေး!ခဏနော်..."
