بسم الله...
العودة للحاضر...
تفتح في عينيها.. شوف في شمس جات في عينها.. حتى ناضت تعيط
"آسيناااات شحال من مرة نقلک متفتحيش على جدي ... خليني نرقد آآآو "
آسينات: نوضي ينوض جنابك.. دووک كل يوم معاک هاک
ميار: منهار تزوجتي هبلتي 😒
آسينات: كي تتزوجي تولي تعرفي مسؤلية.. وتنوضي بكري
ميار : شكراً على دروسك مع صباح ربي... هاني نضت
ناضت مديفورميا كامل دخلت.. غسلت توضات وصلاة.. كي كملت لبست سروال جين مع تريكو نواغ وباسكات نواغ... شافت كاباتها لي لمتهم لبارح بحكم راح تهبط لجزائر حكمت شعرها وهبطت لقاتهم مجمعين في طابلة
ميار: صباح لبونجوووغ نسيبنا... صباحو حمودة
قاسم: صباح الخير..
احمد: ثباح الخير خالتووو ميرو
ميار: وراهي آسينات
حتى جات آسينات.. وفي يدها طبسي فيه كرواصون
آسينات: جيت.. ميار راكي سور تروحي وحدك لدزاير
ميار جات تاكل حتى عاودت حطت كلش وقاتلها: مرانيش حابة نخليكوم بصح لازم نروح
قاسم: خالتي زهرة وعمي حكيم ربي يرحمهم.. خلاوك عندي آمانة ومنيش حاب تروحي وحدك
ميار: ياك آسينات هدرت مع خالتي رحمة.. منيش رايحة نقعد وحدي لثم... حقا ياك عيطتيلها
آسينات : ايه عيطتلها.. وبزاف حابة شوفک وزيد عندها بنتها بغاسک قدک
ميار فمها معمر ماكلة: آيا مليح لوما لواحد ميكرهش حياتو لثم... توصلوني ياک
ناض قاسم ورفد لافاست ديالو ومفاتحو وتيليفون وقال::
"عندي اجتماع نكملو قبل ساعة من طيارتک كي نجي نلقاكم واجدين"
ودا معاه احمد بعدما ميار شبعاتو بوس وداه يقرا... بدات هي و آسينات يلمو فطابلة بصح ميار حست بلي معاجبهاش لحال... ملي قعدو هدرت زوج كلمات.. علبالها مهيش حابة تروح وتخليها.. تبقا ختها لكبيرة كانت سند لول ليها كي متكونش مليحة حضن آسينات يستقبلها... راحت موراها وعنقتها وباستها.. لثم آسينات بدات تبكي وعنقتها ميار..
ميار: مراحش نطول 3 شهر ونولي نوعدك
خزرت فيها آسينات وعينيها بدموع "كيفاه نصبر 3 شهر... كنتي دايمن قدامي وضوک آكي رايحة لپلاصة جامي روحتيلها ووحدک"
YOU ARE READING
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
