♥عيناگ قدري♥{باللهجة الجزائرية}

° ּاڵــڼۨــﮪــٰٱڀــۃ °

*بسم الله*
.
.
.
.
.
.
.
.
.

(انا نحكي)

تكا على لبونک وهو يتفكر فيها شاف فجنبو وتمتم بين شفافو

جاسر: قريب جي

علبالو راسها يابس ومراحش تولي بسهولة مي واش راح يدير يصبر وخلاص

محسش بروحو حتى رقد .. عكسها هي لي ليل كامل وهي فرحانة وفي نفس لوقت مراهيش حابة تضعف

جازت ليلة فيها شوق لزوج .. مع صباح ناضت وهبطت لتحت ليوم فطور لعروسة ويروحو كامل

لقات ميار مع جواد فالكوزينة خلاتهم وخرجت شافت ريان هابط ملفوق يتبسم شافتو راحت ليه

مرام: ضحكني معاک

ريان: مدخليش روحک مدموزال

مرام: سامط

طلعت لفوق مع دخلة لقات تليفونها يصوني شافت نميرو لقاتو جاسر تنهدت وحطت تيليفون

حكمت أمير تبوس فيه وهو يخزر فيها كون صاب ينوض ليها يمرمدها

جواد: اطلقيه شويا

ميار: مآه

جواد: لا حول ولاقوة .. راني خارج منا ل 11 نلقاكم وجدتو منريحش نسنا

ميار: ؤؤک حبيبي

ناض باسها وخرج .. كملت شربت قهوتها وناضت حطت أمير فلاپوسات قدامها باش شوفو ولمت لماعن لموسخين غسلتهم حتى دخلت رحمة

ميار: صباح لخير خالتو

رحمة: صباح نور بنتي

راحت باس امير وريحت تشرب قهوة حكاو شويا .. سمعو طبطيب جات تفتح حتى لقات مرام فتحتلهم كانت آسينات ..قاسم .. صهيب معاهم سلسبيل ودراري

دخلوهم لصالون مابيد يوصل لوقت يروحو اصلا مشي بعيد

وصل لوقت لبنات وجدو روحهم وديريكسيون لدار اكرم دخلو لقاو عماتو لثم برک وهما مزال مجاو

شويا هكا سمعو لاصونات تع طونوبيلات عرفو بلي جاو .. خرجت يماه عند لباب وستقبلتهم

دخلت غير اسراء مهبطة راسها ملحشمة .. لبستها خاتم وشربتها ماء زمزم

روشولها لبنات ملبعيد ويضحكو .. مع دخلت راحت ليها ميار سلمت عليها وقاتلها في وذنها