*بسم الله *
.
.
.
.
.
.
.
.
.
.
~~إسراء~~
اونفان خرجت متيدي تع وذني.. نكره كي نخرج مع لعشية وبزاف روطار.. حتى عمو فاتح ليوم راح لدارو عرس بنتو
تسما تخلاص عليا مولية لدار وحدي.. ودعت مرام وانا حكمت طريق نمشي
حسيت حاجة تبع فيا.. زربت في خطواتي شغول راني نجري.. بصح لقيتو في وجهي
هو: علاش هاربة مني هكا زين
مريبونديتلوش وجزت عليه.. حاكمة قلبي برگ
هو: اسناي.. مديلي نيميرو برک والله عجبتيني
اسراء : احشم على عرضک.. ضوک نعيط لخويا نشوف ايلا يعجبک
هو: بصح... جا يهدر حتى لقيتو طايح وواحد دخل عليه بضرب
كي دققت فيه مليح.. لقيتو اكرم ياربي قلبي هبط ليسطوما ملقيت مندير
كي شاف بلي راح يقتلو ناض عليه وخزر فيا خزرة ..شويا ونديرها تحتي كانو عينيه حمورة.. وعروقو يبانو
هو: لخطرة لجاية نحكو مليح.. ورفد روحو وهرب يعرج
اكرم : امشي قدااامي
عيط على طول جهدو
اسراء : وشبيک تعيط.. ومرسي خويا نروح وحدي
جزت عليه باش نكمل طريقي.. حبستني يدو ورجعني ليه
اكرم : نهدر معاک.. اطلعي لطونوبيل من عند ربي راني منيرفي
حسابک منبعد
قبل منهدر كركرني موراه.. فتح لباب ودخلني غلق لباب.. آآ قصدي كسرها
طلع وهو مهوش يضوي كامل..
اسراء : مالک تطرطق كي لماييز
اكرم : عجبک مرييحة فطريق لي يجوز يتبلاک آآآ اهدريي
لخرة عيط فيها..
اسراء : معندک مدخلک فيا وديجا هبطني مجياش نركب معاک
جيت نفتح لباب غلقها بسيكيريتي
اسراء : حاب تهبلني هبطنيييي
اكرم : بلعييي فمک
دورت راسي وانا كون نزيد شوية نمساكريه
منعرف علاه يهدر هكا معايا... شكون داعي عليا باش نحب واحد كيما هاذ لغوول
وصلني كيما باب دارنا.. هبطت وخبطت لباب حتى سمعتو يعيط
اكرم : كسريييها
YOU ARE READING
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
