*بسم الله*
.
.
.
.
.
.
.
.
.
.
.
.
.
.
جاز تاني نهار فسبيطار غير ليزناليز ومنا يعني مريحتش كامل
وآسينات ملي جات وهي تقولي كاين سورپريز فدار
بووون على واش قاتلي لقاو دار وانا نولي نريح معاهم سي فري مراحش نولي نسكن في دار جوادي 😞 مي معلييش
حتى منال منعرف كيفاه ندير معاها وراني نخمم نقول لاسراء باش تنتبه ليها
لاعلينا قعدت معايا آسينات حتى خلاصت لافيزيت واسراء مع لعشية جات وجابتلي شوية حوايج باش كي نخرج نلبسهم
رقدنا بعدما صدعنا ناس لمراض لي كانو مي الله غالب نسكت مجياش وانا سمانتين مهدرتش
نضنا صباح بكري عاونتني اسراء نلبس وانا ريحت نسنا غير وقتاه يدخل جواد
غير شفت لباب تفتحت قلت هو مي نوو 😥
دخل قاسم و آسينات
المهم نوضوني بسيف وانا قعدت نشوف آسكو جا مي مكانش
ركبوني ووصلنا لدار مام اسراء جات معانا
غير دخلت جا حرا عندي احمد سلمت عليه
حتى شفتها خارجة ملكوزينة جرات ليا وعنقتها بيد وحدة
سلسبيل: يااا عمريي شحال توحشتک
ميار: مام انا وقتاه جيتي علاه مقلتوليش
آسينات: قتلک كاين سوربريز
احمد: خالتو وشبيها يدک
ميار: مريضة برک
دخلت لصالون لقيت خالتو رحمة سلمت عليا وقعدت
ايهيه شفت اسراء وسلسبيل تمتم ولاو صحابات الله اكبر
رحمة: المهم حنا نروحو راهو جا جواد يدينا
آسينات: وين راه قوليلو يدخل
رحمة: محبش قال نروحو
ناضت اسراء معاها ودعناهم وانا ريحت نخزر متاقة برک
طلعتني سلسبيل لبيت وقعدتني على لبونک
ميار: كيفاه حتى جيتي
سلسبيل: مكنتش جاية مي هذيک ليلة كنت مع آسينات حتى اسراء عيطتلها وقالت بلي راكي فسبيطار تسما منقدرش مانجيش
YOU ARE READING
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
