*بسم الله*
.
.
.
.
.
.
.
.
.
2:00pm
حبست طونوبيل كحلة قدام لميناء زجاجها فومي حاجة ماتبان
فتحلو شوفور لباب وهبط دار نواضرو خبا بيهم عينيه الي كحلة كيما ليل ملامحو لحادة لي دل على شخصيتو سليطة ومعمرة حقد
شعل لغارو ونفخ دوخان دور راسو كي سمع صوت فران تع طونوبيل هبط منها رشيد وراح وقف قدامو
رشيد : مزال موصلوش
هو: وشبيک مزروب
على كلمتو لخرة وصل بابور .. هبطو منو رجال لابسين كامل نواغ وكل واحد كيف لوخر من حيث البنية والجسم
ترآس عليهم واحد لي مستكلف وقف وقابلهم
الهدرة بروسية مي نترجم :
راجل: تقابلنا مرة وحدوخرة جبنا سلعة ونتوما دراهم وهكا تصافينا
هو: حتى نشوف كلش باش نقولک ايذا تصافينا
راجل: ؤؤک
دور راسو وعيط لرجال فتح لباب تع لبابور وبان جميع انواع سلاح
راح دخل وقعد يشوف ويثبت فيهم وحد 5 دقايق وخرج
شاف في رشيد وقالو يجيبلو دراهم
مدلو لكابة ورمهالو لهذاک راجل
هو: احكم شوف امانتک هكا باش مندغلوش شراكائنا
قعد يشوف ويتاستي بلاپاراي فدراهم ايذا مشي مزورين
كي طلع راسو سمع صوت رصاص
كان طلع لطونوبيل ديالو سمع صوت لپالوور
"سلموو انفسكم .. رانا محاصرينكم في كل پلاص متخلوناش نتعاملو تعامل وحدوخر"
ضحک وشاف رشيد كيفاه يتسرسب طلع حاجبو وخبط يدو على لكارو
هو: منعرف علاه دايمن توصلو روطار .. بصح ايذا مدخلتكش للحبس يارشيد وجماعتک منتسماش .. صهيب بن سالم
~~~~~~~~~~~~~~~~~~~
جواد::
خرجت مدوش نشفت شعري ولبست شورط تريكو دپو
رفدت ل pc وريحت نشوف فليميساج لي وصلوني مشريكة
هاذ لعيباد مينتكلش عليهم لازم يغلطو فحاجة
حليتهم بلواحد حتى دخل عندي اكرم ريح على لبونک وداخل بسباطو شغول يديرها سكارة
جواد: راک وسخت لحالة نحي سباطک وادخل
اكرم : متبدانيش يرحم باباک
JE LEEST
♥عيناگ قدري♥{باللهجة الجزائرية}
Romantiekسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
