♥عيناگ قدري♥{باللهجة الجزائرية}

° 35 °

*بسم الله*

.
.
.
.
.
.
.
.
.
.
.
.

صهيب: بنتي

سرحت حلقي وخزرت في جواد حابة نفهم باسكو راني كي الاطرش في زفة

جاسر: انا نخرج ونخليكم على راحتكم

خرج ... جا جواد يخرج حكمتو من يدو تع ريح معايا

ميار: معليش تفهموني

صهيب: ريحي بنتي نهدرو

ريحت على لكورسي لي مقابلو واحساس جديد حكمني مفهمتش واش كان بيا مزيا جواد معايا

ميار: خير كاشما كاين

دار يدو في جيبو وجبد سنسلة نفسها لي كيما ديالي جاية فيها نجمة .. حطها قدامي وقال

صهيب: هاذ سنسلة شريتها نهار كنت رايح نزور بنتي لي تولدت جديد .. وشريت وحدة ليماها باش يكونو نجمات في حياتي

ميار: عمو والله مفهمت على واش راک تهدر

صهيب: نفهمک.. لقصة بدات نهار ديت فاكونص باسكو وصلني بلي مرتي دخلت لسبيطار باش تولد .. وكوم انا ملجيش مشي بساهل ندي يامات بعدما قنعت جنيرال وكنت فرحان باش نشوف بنتي حكمت طريق لسبيطار .. دخلت ليه وطلعت لبيت لي دلوني عليها غير دخلت قابلوني لزوح .. فرحة ولرض مكانتش سايعتني .. اول حاجة جات في بالي لبستها سنسلة كنت موجدهالها .. جاني تيليفون تع خدمة خرجت باش نهدر مي مكنتش علبالي بلي نهار لخر لي نشوفها فيه هي ويماها .. هذاک نهار تعرضت لحادث قتل ولا نقولو حرق ومشي صدفة مرتي تاني خطفوها هي وبنتي .. انا دخلت كومة بعدما سلكوني .. مع فطنت لقيت روحي مشوه وفي نفس نهار عرفت بلي مرتي قتلوها وبنتي مختفية .. لثم فقدت نوطق ديالي مشوک معرفتش واش ندير .. خسرت عايلتي كامل في ضربة .. موراها وقف معايا جنيرال تع لكازيرنة وين كنت نخدم .. درت عملية بعد تشوه هذاک وتلقيت دروس ووليت نهدر .. عوام جازو ترقيت ووليت جنيرال وهدف ديالي غير انو ننتقم لموت مرتي ونلقى بنتي

مسح دموعو لي طاحو وخزر فيا .. كل كلمة قالها دموعي يطيحو .. لساني حسيتو تلوا مقدرت نقول حتى كلمة نطقت بسيف ونمسح في خدي

ميار: نتا..بابا..صهيب..هكا!

داراي براسو ايه وناض جا ليا وحط يدو على راسي ومسح على شعري

احساس جديد جامي حسيتو .. آمان..سند ..قوة وكلش جا في هذاک لوقت

نضت ورميت روحي فحضنو .. راني فرحانة كي عرفت بلي بابا مزالو عايش..وهو ثان كان يحوس عليا مشي غير انا كنت متشوقة باش نشوفو .. منعرف شحال قعدت هكاک يمكن حابة نعوض سنين لي كنت بلا بابا