♥عيناگ قدري♥{باللهجة الجزائرية}

° 14 °

*بسم الله*
.
.
.
.
.
.
.
.
.
.
.
.
.

بديت نحل في عينيا .. حسيت حاجة مزيرة على يديا
دورت راسي نشوف وين راني لقيت روحي قاعدة فلرض ودنيا كامل مغبرة
ورجليا مربوطين كيما يديا وحتى فمي عليه سكوتش
عرفت روحي مخطوفة .. بديت نرعش وحدي ونخمم شكون خطفني
اصلا معندي عداوة مع حتى واحد

قعدت نبكي وحدي .. جازو سوايع مبان والو
سمعت صوت ذيوبة قلبي قريب حبس باينة جابوني لپلاصة مقطوعة
قاعدة نقرا فالقرآن ونشهد كل دقيقة
حتى تفتحت لباب تع لبيت
قعدت نشوف شكون مي ضلمة

وصل لعندي
شعل لبريكي فيدو وهبط لعندي غير شتو عينيا وساعو

كان وجهو يعيف مضروب كامل وموشم اعوذ بالله وكحل شعرو طويل ثان
لخوف لي كان فيا زاد

هو: آوووه قطوست رشيد راهي عدنا

كي قال هكا عرفت لحكاية داخل فيها بابا

هو: مكنتش علبالي رشيد عندو هاد زين كامل في دارو ممم

قاعدة نخبط في ورجلي باش ينحيلي سكوتش .. شاف فيا عراني بعينيه ونحاهولي
حسيت فمي تقلع معاه وخرج صوتي مبحبح

مرام: واش .. تسحق .. مني

هو: نصفو حساب باباک يا زينة

كانت هدراتو بلعربية مكسرة باين مشي منا

هو: كنت حاب نتمتع معاک شويا مي عندک زهر

مرام: واش تحوس عندي

هو: مشي انا مي راني مبعوت ومشي نتي لي يحوسو عليک باباک هو لمطلوب ونتي فريستنا

طفا لبريكي وناض رجعلي سكوتش على فمي .. خرج

يايما يخلع .. قاعدة ندعي برک كلش يخرج على خير

خدايم بابا هاا وين وصلنا .. وكيفاه نسلک روحي هنا
عاودت تفتحت لباب ودخلت مراة وسنيوة في يدها حطتها قدامي ونحاتلي سكوتش ..ورباط لي فيدي

خرجت وخلاتني ومهدرت حتى كلمة معايا
شفت فالماكلة قلبي دار لقيت قرعة ما شربت وحطيتها
ورجعت راسي للور متكية ودموعي يطيحو نخمم كيفاه نسلک روحي من هاذ لموصيبة

10 دقايق عاودت ولات رجعت غلقتلي فمي وربطتلي يديا
رفدت سنيوة وخرجت

•~•~•~•~•~•~•~•~•~•~•~•~•~•~•~•~•

جاسر::