♥عيناگ قدري♥{باللهجة الجزائرية}

° 20 °

*بسم الله *

.
.
.
.
.
.
.
.
.
.
.

«منال»

جواد.. جوزت حياتي كامل على حب طفولة

ملي كنا صغار كان سند والامان.. هو شخص الوحيد لقريب ليا وانا تاني

خبيت حبي ليه في قلبي سنين وسنين ومحبيتش نخسر صداقتنا

جا وقت وين هو وحدو جبد روحو كوم كبرنا ومجياش نريحو كيما قبل

حتى انا كبرت وكبر حبي ليه.. درت حيجاب نورمال.. مي منبعد قلت نديرو شرعي

موت بابا اثر فيا بزاف باسكو كان راجل دار.. ومعدناش خونا لكبير لي يقوم بينا
م

ي جواد وقف معانا.. مخلاناش نطيحو

جا نهار قررت فيه ندير واش حابة ونحقق حلم ديالي ونولي مصممة

صح خليت يما وختي وحدهم ومطاوعنيش قلبي نخليهم مي وقت ونولي ونعيشهم ما خير

نهار وصل عرس نصرو كنت فرحانة باسكو راح نتلاقى مع كامل العايلة واهمهم جواد

بصح ديكوفريت تبدلو بزاف حوايج.. كنت نخزر ملبعيد وفهمت كلش

ميار كانت اضافة جديدة لجواد كل منخزر فيه نلقاه يخزر فيها وخطرات يتبسم

حب طفولتي راني نشوف فيه يضيع من يديا.. انا لي كنت نسنا خزرة منو مشي تع اخت لالا

نهار هذاک لي معولين يروحو فيه للعاصيمة تعمدت نقوللهم يدوني في طريقهم

وكوم خالتي رحمة تعزني علبالي تسقسيني وين راني قاعدة وحاجة باينة دخلني لدارها

على قد فرحتي راح نعيش مع جواد على قدما نخمم في ميار لي خرجتلي منعرف منين مي منتسماش منال ايذا مخرجتهاش ملثم

هذاک نهار كنت نوجد مع خالتو حوايج باش نهبطو للعاصيمة اصلا بلعاني نتقرب منها.. المهم لقيت دوا كيما تشربو يما وهو لي يهبط لاطونسيو كي سقسيتها قاتلي تع عمي منير خلاه عندها نهار لعشا وقعد فصاشي

المهم مدرتلهاش قيمة كامل.. كي ولينا للعاصيمة هذيک صبيحة

سقسيت زعما على ميار وخرجنا تفكرت تيليفوني مشي مشارجي قتلهم ضوک نولي روحت حطيتو فجارجور وهبطت

فدخلة سمعت خالتي رحمة قالت لميار جيبلها دوا.. طلعت نجري خلطهم كيما جات وعاودت هبطت آوروزمو لقيتها خارجة ملكوزينة