*بسم الله*
.
.
.
.
.
.
.
.
.
.
**جواد**
وصلنا للمركز حطينا لاكارت ناسيونال..ودخلنا لقيت ريان لتما مريح وحاط يديه على راسو
روحت ريح قدامو وحطيت يدي على راسو كي حس بيا ناض
مزادش دقيقة عنقني زيرتو عندي وتنهدت وقتلو
جواد: كوراج ريان انا راني معاک
ريان: راني حشمان من ناس وزيد داو يما لي متستاهلش هاذ لكلمة
جواد: يماک ؟ تاني
ريان: وي ضهر كلش وهي متشاركة معاه
خرج جاسر لينا ومن عينيه باين عيان شرلي براسو تاع ارواح نضت من جنبه قعد اكرم وانا كملت مع جاسر
............
وصلو للمركز هبطوه وهو مهبط راسو كانت كاين حراسة مشددة عليه
سبقهم جاسر للداخل .. مراد ولجماعة كانو مع سي رشيد
دخلوه لزنزانة ونحاولو ليمينوت غلقو عليهم وخلاوه يعيط
جازت ساعة من واش صرا هبطوه لغرفة تحقيقات وكان لمفروض يستوجبوه يا جاسر يا صهيب مي مع لخر استوجبو صهيب
دخل ليه وقعد مقابلو .. ضحک رشيد وقال
رشيد: كيفاه حتى بدلولک وجهک
خزر فيه بغموض وناض ليه
صهيب: كان جيت انسان تحس راک تعرف كيفاه دمرتنا مي نقلک راک غالط جامي دمرت وكنت حاطک بين عينيا ونفس هذا ميروحش مني حتى وين ناخذ ثار عيلتي
رشيد: تستاهلو كل .. كون خليت روحک بعييد كون مصرالكش هكا
صهيب: نفضل نموت ولا نسكت على ظلم ونخون بلادي
رشيد: وهااک خسرت عايلتک ونتا قط بسبع رواح متموتش
صهيب: نحب نعرف كلش ملول
رشيد: يا سبحاان الله كيما هذا لوقت نفس لجو وزيد شتا اولالا
صهيب: اهدررر
رشيد: صراحة مرتک زينة..
مكملش لهدرة حتى جاتو بونية من عند صهيب بزق دم من فمو وضحک باستفزاز
رشيد: سعاد هي دارت شغلها معاها
صهيب: راهي جاية تساميک
BINABASA MO ANG
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
