🐺المستذئبة و مصاص الدماء🧛‍♂️| مكتملة✨️

البارت 2

💫سلسلة فيكتوريا الفانتازية الأسطورية💫
✨القـــــصــــة1✨
🐺المستذئبة و مصاص الدماء🧛‍♂
للكاتبة✒️: Victoria kaelin
💜📖الجزء 2💜📖
فمكان اخور و فقصر اخور كان واقف رجل عاطي بضهرو و قدامو امرأة...
المرأة:كونيل عفااك انا بغيت نشووف بنتيي براكة
كونيل:ميمكنش لينا ا ميلانيا..روبي مكلفة بكلشي و اخبارهوم ديما واصلينا
ميلانيا:ولكن بغيت بنتي بجنبي بغيت بنتنا وسطناا 10سنين هادي مشفتها و مشافتني الحرب سالات من شحاال هادي صافي رجعهااا
كونيل:واش متتفهميش واش معارفاش داك الماكر ديال سيرافينو؟؟معارفاهش بلي غيستغل هادشي؟؟ واش باغا بنتنا تأذا؟؟؟
ميلانيا:اكيد لا اكيد مبغيتش
كونيل:ايوا صبري ضروري غيجي الوقت المناسب لي غنتجمعو فيه تاني...

الليل طاح و الدنيا ظلامت عند زيلدا و روبي لي تعشاو و كل وحدة تخشات ففراشها محاسينش بأعين حمراء تتلمع وسط من ظلام أشجار الغابة مراقبة كوخهوم بتمعن...
🌞فالصباح التالي🌞
فاقت زيلدا تتكسل جمعات فراشها و مشات غسلات وجهها و توجهات للكوزينة جبدات تفاحة فوق السلة و كلاتها مقابلة مع الشرجم تتسمع ل زقزقة العصافير على برا ساهية اما روبي فمكايناش بحكم انها تتخدم فالمدينة فواحد سوبر مارشي و اكيد حتى واحد معارفها واش مستذئبة...بقات زيلدا ساهية حتال واحد اللحظة حسات بإحساس غريب و رائحة غريبة لتاقطها نيفها خرجات من الكوخ و هبطات مع الدريجات ديالو و ملامح الإستغراب على وجهها حتى تحطو رجليها لحفيانين فوق العشب بقات تتشوف يمين و يسار مكاين حتى واحد ولكن شي حاجة فداخلها ممهنهياش بقات هكاك حتى بدات شي حاجة تتخرشش فوسط من أعشاب الغابة قفزاتها من بلاصتها مخلياها مستعدة تدافع على روحها فأي لحظة حتى تم خارج درايك...
زيلدا رجعات خطوة للوراء بتسائل:شكون نتا؟
درايك قرب شوية و وقف منطق بحتى كلمة...
زيلدا حسات بخوف رهيب من جيهتو و فنفسها تتقول شكون هدا...
زيلدا:راني سولتك شكون نتا و كيفاش كتاشفتي هنا؟
درايك بقا ل لحظات مقابل معاها و هو راه تيقرا فأفكارها هادي ميزة من ميزات مصاصي الدماء و هي قراءة الأفكار.
درايك:(معرفاتنيش شكون؟رغم انها مستذئبة؟ياك خص تكون عندها ميزة انها تعرف و تفرق مصاصي الدماء و البشر؟؟)
زيلدا:واش تلفتي؟
درايك:(من تحركاتها و افكارها هاد المستذئبة معارفانيش و معارفاش جنسي و يتصحاب ليها انا بشري)
زيلدا قربات منو:واش متتسمعش؟
درايك:فراسك على الحرب لي وقعات بين مصاصي الدماء و المستذئبين؟
زيلدا رجعات خطوة لور بدهشة:(كيفاش عرف بهادشي؟واش غيكون عارف؟ واش عندو معلومات على هادشي؟زعمة يكون مستذئب حتاهو؟)
زيلدا:واش نتا مستذئب؟؟
درايك قرا ديجا افكارها:لا علاه كاينين فالواقع؟
زيلدا وقعات فموقف محرج خلاها ضحك بتوتر:ههه ام اااه سمح ليا ا خويااا راه غير تنضحك هادي غير نكتة
درايك مراقب بعينيه كل تحركاتها و بعقلو كل افكارها و ستنتج انه هاد المستذئبة معارفة والو على الحرب لي واقعة حتى من واش هو مصاص دماء مقدراتش تعرف بحكم انها تخدات طفلة صغيرة مزال معارفة والو...
درايك:هداك عنوان الكتاب ديالي طاح مني و بقيت تنقلب عليه حتى خرجت هنا
زيلدا:ااه بغيتي نعاونك فالتقلاب؟
درايك:لا
زيلدا:ا اه على خاطرك مهم انا زيلدا(مدات يديها) و نتا؟
درايك تيشوف فيديها:انا درايك
زيلدا جمعات يديها مبتسمة:(واو سميتو زوينة)متشرفين ا درايك
درايك:(سميتي زوينة؟)
زيلدا:عرفتي شنو تبغي نضايفك؟شريكتي فالسكن متتجي ليوم حتال العشية و القنطة شاداني عمرني تعاشرت مع شي بشري
درايك:بشري؟
زيلدا بتوتر:احممم قصدت دري دري ههه ماديش عليااا ههه
درايك:(شريكتها بالسكن؟غتكون الخدامة لي هرباتها خصني نبقا هنا خصني نتسناها حتى تجي حتى هي)
زيلدا:درايك؟
درايك:شنو؟
زيلدا:اجي نطلعو و نشربو شي حاجة نهار كبير هدا عندي معامن ندوز الوقت
درايك:(واش هادي حمقة؟وعاد عرفاتني و بغات تدخلني لدارها؟واش هادي معارفاش واش ناوي نقتلها؟؟؟)
زيلدا:واقيلة ممرتاحش حيت شفتك ساكت بزاف
درايك:نتي لي تدوي بزاف
زيلدا:ياكا و انا لي باغية نعرضك عندي
درايك:بلاش
زيلدا طلع ليها الدم:اععععععع تيعصبني برودك
درايك:شغنقول متلا؟
زيلدا:اتقول "شكرا على دعوتك و استضافتك ليا و حسن نييتك من جيهتي" و حاجات مأدبة بحال هكا
درايك:هادي ماشي هضرتي
زيلدا:ايوا تعلم
درايك:(علاش اصلا مصدع راسي معاها؟؟نقتلها و نهني راسي)
درايك قرب من زيلدا بغا يشدها من عنقها و هي تشوف فيه بتعجب...
زيلدا:اش ناوي تدير واش تسطيتي؟ياكما يتصحاب ليك انا رخيصة حيت قلت ليك يالاه لدار؟اويلي ناوي تغتاصبني وسط الغابة؟لا لا واش من نييتك؟مادير خير ميطرا باس تفو على گنس
دفعاتو و مشات تتهز و تحط طالعة مع الدريجات غادة طالعة حتى لقاتو جالس فالكوخ حلات فمها على قدو و تلفتات شافت فين كان واقف و رجعات شافت فيه:نتا كي درتي ليها؟؟؟؟؟
درايك:نتي لي منتابهتيش بلي سبقتك
زيلدا:واش نتا ماشي بشري قول؟
درايك:انا مصاص دماء