💫سلسلة فيكتوريا الفانتازية الأسطورية💫
✨القـــــصــــة1✨
🐺المستذئبة و مصاص الدماء🧛♂
للكاتبة✒️: Victoria kaelin
💜📖الجزء 3💜📖
زيلدا بدهشة:واش بصاح؟؟؟واش تضحك عليا؟؟؟
درايك:باينة فيا ديال الضحك؟
زيلدا حركات راسها بلا:لا بلعمى
درايك:هادشي تيعني بلي...
زيلدا لمعو عينيها:بلي انا وياك صحاب ياك؟؟؟
درايك: كيفاش؟؟
زيلدا جلسات حداه:قريت بزاف ديال الروايات انه مصاصي الدماء و المستذئبين خوت و هوما مخلوقات اسطورية متشابهة تقريبا انا وياك على هاد الأساس صحاب هههه عمرني تصورت غنتلاقا بشي مصاص دماء فحياتي يااااه شحال الصدف زوينين
درايك تيتمعن فهاد المخلوقة لي معارفة اش تتقول اصلا اشمن خوت ولا صحاب و مصاصي الدماء و المستذئبين شكون لي معارفش العداوة القديمة لي بيناتهوم؟؟؟ولكن للحظة طاحت فكرة خطيرة عليه لي غتخليه يستغل هاد الأوضاع لصالحو مادام باه قاليه مترجع الا و راسها معاه فلابد يعرف كيفاش يدير واخا هو ضد فكرة القتل كيفما شفنا فالأول فقرر يصبر هو الأول يعرف هاد الضحية واش تستاهل القتل ولا لا بحكم انها اول مرة غادي يقتل فيها...
زيلدا متحمسة:قول ليااا شنو تتاكل؟؟عفاك متقولش ليا الدم و لحم د بنادم كيف قريت؟؟
درايك:تماما
زيلدا:بففف يعني مغنضايفكش خسارة ولكن اش بان ليك تاكل لي تناكلو؟ تجرب الديسير؟
درايك:واش نتي حمقة؟من امتى تياكل المستذئب الديسير؟
زيلدا:وراه هادشي انا لي باغاه باش مناكلش اللحوم البشرية انا مستذئبة مسالمة
درايك:عمرني سمعت بهادشي
زيلدا:ايوا هانتا سمعتي بيه(لاحت ليه تفاحة) دوق دوق و رد عليا
درايك:مافياش الجوع
زيلدا:لهلا اراها لهنا
درايك لاحها ليها و هي تشدها تتاكل فيها:هي قلتي نتا مصاص دماء فين ساكن؟
درايك:بعيد على هنا
زيلدا:قلت ليك فين ساكن ماشي المسافة لي بيناتنا
درايك:داكشي سر
زيلدا:اوف منك علاش فينما نحل شي باب تسدو فوجهي
درايك:نتي لي معرفتش هضرتك كيدايرة
زيلدا:انا تنحاول نكوون معاك صداقة حيت معنديش اصدقاء
درايك:و شنو فائدة هاد الصداقة؟
زيلدا:ام ام الأصدقاء تيفوجو على بعض و تينسيو هموم بعضياتهوم
درايك:معندي حتى شي هموم لي تنسيني فيها
زيلدا تقابلات معاه:و تقدر تنسيني فالهموم ديالي؟
درايك بقا للحظات تيشوف فعينيها و الصدق قراه فأفكارها لي باغيين بشدة انه تكون الصديقة ديالو فهاد اللحظة حس بإحساس غريب من جيهتها احساس كأنه قابل هبالها ولكن معرفش كيفاش يفسرو لنفسو...
زيلدا:واش مبغيتيش؟؟؟
درايك:حتى انا معنديش اصدقاء
زيلدا بحماس:اذن حنا صافي غنعووضو هاد الفقدان لبعضياتنا
درايك:الى كنتي مصرة لهاد الدرجة
زيلدا نقزات عليه بتعنيقة:ياااااي اول حاجة تيديروها الأصدقاء هي تيعنقو بعض ااي شحااال بارد جسدك توقعت شي حضن دافئ بحال روبي(بعدات منو)
درايك:نتي لي سخونة
زيلدا:نتا لي بارد و معايقش براسك ناري شوية منتگلاصا مرة خرى قبل منعنقك خصني نتكبط هو الأول
درايك:و شنو فائدة هاد العناق اصلا؟
زيلدا:العناق تنوصلو بيه المشاعر ديالنا و نبضات قلبنا تتنساجم مع نبضات قلب الطرف الآخر مشكلين راحة نفسية لكلى الطرفين
درايك:اول مرة نسمع هادشي
زيلدا:اصلا نتا محسيتش بالنبض ديال قلبك واش معندكش؟
درايك:مصاصي الدماء متينبضش قلبهوم
زيلدا:ااااه قول ليا داكشي علاش بارد صافي سمح ليا صدقت غالطة فيك العيب فجسدك ماشي فيك اجي ياكما نجيب ليك شي كاشة؟
درايك غتسطيه:واش بنت ليك فيا لبرد؟
زيلدا:غير قلت..اجي اجي نوريك بيتي بعدا..الأصدقاء تيوريو بيتهوم لبعض شي نهار خصك توريني ديالك اجي(جراتو)
تمات جاراه حتى دخلو لواحد الغرفة صغيرة كلها خشب السرير كاين فلفوق و باش طلع ليه محطوط سلوم عليه و كاين كرسي من الخيوط بيضين فداخلو جوج وسادات صغار...
زيلدا مبتسمة:كيجاتك؟
درايك:صغيرة
زيلدا:ولكن زوينة اجي نجلسو فوق الناموسية ديالي اجي
طلعات مع السلوم و جلسات مبتسمة حطات يديها فوق السرير تتربت عليه زعمة اجي لهنا و بخطوات بطيئة طلع حتى جلس حداها مسايرها فهبالها حتى يعرف شنو يدير بيها...
زيلدا:و دابا جينا لأهم نقطة و هي انه الأصدقاء تيتشاركو اسرار بعضياتهوم
درايك:معنديش اسرار
زيلدا:حتى انا معنديش هههه
درايك:ايوا مالك؟
زيلدا تتلعب برجليها:والو عاود ليا على راسك
غرفة زيلدا
Oops! This image does not follow our content guidelines. To continue publishing, please remove it or upload a different image.
YOU ARE READING
🐺المستذئبة و مصاص الدماء🧛♂️| مكتملة✨️
Fantasy💫 #سلســـلة_فيكتـــوريا_الفانتـــازية_الأسطــورية 💫 ✨القـــــصــــة1✨ تعريف هذه السلسلة👇🏻 من بعد حبي الكبير للفانتازيا و الخيال و الكتابة فيه قررت نكتب هاد السلسلة لي غتكون عبارة على قصص قصار كل قصة قصيرة غندوي فيها على مخ...
