🐺المستذئبة و مصاص الدماء🧛‍♂️| مكتملة✨️

تتمة البارت 12

💫سلسلة فيكتوريا الفانتازية الأسطورية💫
             ✨القـــــصــــة1✨
🐺المستذئبة و مصاص الدماء🧛‍♂
للكاتبة✒️: Victoria kaelin
💜📖 تتمة الجزء 12💜📖
زيلدا بفرحة زييرات عليه و بصوت خافت غير مسموع:تنبغيك...
درايك لتاقطو ودنيه الكلمة لي زعزعات الأحاسيس ديالو الجديدة و حركات المشاعر ديالو الجامدة مخلية شعور فشكل جيهة صدرو..هبط عينيه شافها سادة عينيها و تنفسها تبدل شوية عرفها بدات تدخل فمرحلة النوم تحنى حتى باسها فراسها و هي تدوي...
زيلدا:دابا انا أوميگا ياك؟
درايك:لا
زيلدا:اذن شنو؟
درايك:نتي بيتا ماشي أوميگا
زيلدا:ولكن انا عشت بعيدة على العشيرة ديالي و هدا بحال اسلوب الأوميگا
درايك:كيف قلتي أسلوب ماشي نتي منهوم نتي بيتا و هادشي باين غير من عينيك القهويين لي تيتبدلو ل الصفر كما انه عدم قتلك لشي مستذئب من قبل تيخليك بيتا ذات سيطرة و قوة
💡بيتا Beta:و هوما المستذئبين الثانويين فشي مجموعة و تينقاسمو لنوعين:
📍صحاب العينين الصفرين الذهبيين لي تيكونو صحاب السيطرة حيت عمرهوم قتلو بني جنسهم بحال زيلدا متلا.
📍صحاب العينين الزرقين و لي قتلو من قبل و تيقدرو من بعد يكتاسبو السيطرة.
و المستذئبين البيتا تيمتازو بعيونهوم الصفراء الذهبية فولادتهوم و من بعد يا ايما يبقاو فنفس اللون بحال زيلدا ولا تيوليو من بعد زرقين ولا حمرين.
زيلدا:واش تضن بلي شي نهار غنكون ألفا؟؟
💡ألفا Alpha: هو أقوى مستذئب و تيكون هو رئيس المجموعة ولا العشيرة يعني تنقصدو هنا الأب ديال زيلدا و تيمتاز الألفا بعينيه الحمرين الفاتحين لي تيبانو من بعد التحول كما انه كل ما كانت الحمورية ديالهوم غامقة كلما تتبين مدى قوة الألفا..و الألفا نوعان:
📍الألفا العادي: و هو تيكون مجرد مستذئب عادي(بيتا) لي قتل مستذئب الألفا(يعني الزعيم) و سرق منو القوة ديالو و تتكون نسبة النجاة من العضة ديالو 50٪ بحيث يا يكون تحول يا الموت.
📍الألفا الحقيقي True Alpha:حتى هو بحالو بحال العادي مجرد مستذئب بيتا لي تحول من بعد لألفا لشي حاجة عظيمة دارها بلا ميحتاج ل سرقة القوة ولا القتل.
(هاد المعلومات مأخودة من الأنترنيت)
درايك:ممكن على حسب شنو غتديري حيت احتمال انه تقتلي باك باش تاخدي قوتو اكيد مستبعد
زيلدا:مقدرتش نقتل انسان بقا غير بابا(بتاسمات) الى غنكون الفا غنكونها لشي حاجة عظيمة غنديرها
درايك:بحالاش؟؟؟
زيلدا شافت فيه:انني نبيين ليهوم مدى حبنا
درايك:حب؟
زيلدا:و شنو هادشي لي بيناتنا متلا؟
درايك سكت شحال و هي تتسناه يجاوب طلعات راسها لقاتو ساهي...
زيلدا:جاوبني!
درايك:واش تضني غتعيشي معايا الحب؟
زيلدا:اكيد ااه واش عارف اش تتقول انا راه مبغيتش نتفارقو(شدات فيديه)منقدرش نتخييل هادشي بغيت نبقاو بزوج و نديرو وليدات واخا معرفت كيف غيطلعو معاك خفت غير يتزادو بلا قلب
درايك شداتو الضحكة من كلامها هو فين و هي فين:هه غدا و نكملو فهاد الموضوع خصك تنعسي
زيلدا:واخا غنشوفو
تلاحت زيلدا فوق الوسادة و عطاتو بالضهر مكمشة فالغطا وليني الإستعمار دارت ليه فبيتو و ناموسييتو ولكن متسوقش لهادشي بقا فبلاصتو متحركش و عينيه متزعزعوش ساهي تيفكرر و يخمم كيفاش غيسالي هاد المشكل؟واش بصاح كاين امل انه غيتحقق لي بغاتو؟ ولا غيجي باه بكلمة منو يدمر كلشي؟؟