💫سلسلة فيكتوريا الفانتازية الأسطورية💫
✨القـــــصــــة1✨
🐺المستذئبة و مصاص الدماء🧛♂
للكاتبة✒️: Victoria kaelin
💜📖الجزء 4💜📖
درايك:سميتي درايك
زيلدا:راني عارفة هادشي بغيت شي حاجة خرى بغيت نتعرف عليك اكتر
درايك:مكاين لاش
زيلدا:وا حشومة عليك من الصباح و تتقمع فيا و ساكتة ليك قول ليا شي حاجة تتعجبك
درايك:تيعجبني نخرج بالصباح
زيلدا:يعني معلومة انه مصاصي الدماء متعلقين بالليل و متيحملوش الشمس خاطئة؟
درايك:اه مصاصي الدماء منقاسمين لجوج لي عزيز عليهوم النشاطات الليلية فتيحبسو ريوسهوم فالظلام و متيبغيوش الشمس و لي بحالي راه عادي
زيلدا تترمش فيه عويناتها:ياااه دويتي كتر من جملة هاد المرة
درايك:واش سمعتيني شنو قلت بعدا؟
زيلدا:ااه ااه سمعت سمعت عمرك دقتي الحلويات؟
درايك:راني قلت ليك اش تناكل
زيلدا:خصك دوقهوم حلوين بزااف شي نهار نهبطو لمدينة و تدوقهوم و ها متخافش راه على حسابي غنكون عارضاك(غمزاتو)
درايك فكل جملة تتقولها الا و هو تيقرا افكارها و تيتأكد من صدق كلامها عاد تيجاوبها ولكن لي مبرزطو شوية هو انه هاد السييدة داوية من نييتها هادشي لي خلاه فحيرة حيت عمرو شاف مخلوقة بحالها...
زيلدا حطات يديها على كتفو:شفتك ساكت واش مبغيتيش تمشي معايا؟
درايك فاق من سهو:متنمشيش للمدينة
زيلدا:متخافش واخا بعيدة شوية بالسرعة ديالنا بجوج غنوصلو فلمح البصر هكاك تتمشي روبي
درايك:شكون روبي؟
زيلدا:زميلتي فالسكن علاه معاودتش ليك عليها؟هاديك راه الأم الثانية ديالي هي لي رباتني
درايك:و فين الأم ديالك؟
زيلدا بحزن بغات تبكي ليه:معرفتش(بدات تبكي)
درايك حط يديه على كتافها و هي طلع فيه عينيها المدمعين...
درايك بقا تيشوف فعينيها شحال و حتى هي حتى قالت...
زيلدا ببراءة:واش غتبوسني؟
درايك حييد يديه على كتافها:لا
زيلدا:اجي نسولك بعدا عندك شي حبيبة؟ امم
درايك تيشوف فهاد الأعجوبة لي عاد كانت تتبكي و دابا دغيا مسحات دموعها و قلبات الموضوع:لا
زيلدا:وا قول باينة عندك
درايك:معنديش
زيلدا:حتى انا معنديش اصلا كيفاش غيكون عندي و متنعرف حتى شي مستذئب
درايك:انا متنعرفش شي حاجة اسمها الحب
زيلدا بتاسمات:انا بغيت نعيشو
درايك لاحظ ابتسامتها هاد المرة مبدلة ابتسامة مخلطة بين الحلم و الأمل:و علاش؟
زيلدا:تيقولو زوين قريت بزاف د روايات الحب و بغيت نعيشهوم حتى انا
درايك بقا ساكت...
زيلدا:بغيت حتى انا يكونو عندي الأطفال حيت معنديش خوتي
درايك و اخيرا غيسولها على راسها:شحال فعمرك
زيلدا:16عام
درايك:راك صغيرة لا؟
زيلدا:راني بالغة و قادرة نحمل و نولد
درايك:حتى تلقاي الأب بعدا
زيلدا:متتعرفش شي مستذئب صاحبك؟ تشوف ليه مع هاد اليتيمة لي حداك؟
درايك:واش نتي حمقة؟
زيلدا:مالي اش قلت تاني؟؟
درايك:راني قلت ليك معنديش اصدقاء
زيلدا ضربات جبهتها:اااه نسيييت نسييت سمح ليا
درايك بقا ساكت تيشوف قدامو و هي تكحز حتال حداه جلسات على ركابيها و بدات تلعب بشعرو:يااااه شعرك كتيييير و كحلللل
درايك ضار شاف فيها عاقد حجبانو اما هي باقي يديها خدامين و تتبتاسم:ندير ليك بيه گرينات؟؟
درايك قرب يتسطا:واش تنبان ليك بنت؟؟؟
زيلدا:و صافي صافي متندمناااش بحالا مصنوع من الذهب(ياااه شحال شعرو زويين)
درايك:مالك متناقضة مع راسك؟
زيلدا:شنو؟
درايك:لا والو
زيلدا:دابا نتا صديقي خصك تدير ليا خاطري
شدات ليه يدو و حطاتها فوق راسها:هاك دير ليا حتى انا گرينات و نديرهوم ليك راه الأصدقاء هكا دايرين
درايك زيير على شعرها بشوية...
زيلدا:اااااي
درايك:شفتي متنعرفش
زيلدا:حييد حييد مافيك نفع
درايك هبط مع السلوم:غنمشي دابا
زيلدا حسات بالخوف فاش قالها مشات دغيا هبطات طارت عليه عنقاتو بيديها و برجليها:لا متمشيش عافاك لا نتا اول صديق ليا الى مشيتي غنبقا وحيدة
YOU ARE READING
🐺المستذئبة و مصاص الدماء🧛♂️| مكتملة✨️
Fantasy💫 #سلســـلة_فيكتـــوريا_الفانتـــازية_الأسطــورية 💫 ✨القـــــصــــة1✨ تعريف هذه السلسلة👇🏻 من بعد حبي الكبير للفانتازيا و الخيال و الكتابة فيه قررت نكتب هاد السلسلة لي غتكون عبارة على قصص قصار كل قصة قصيرة غندوي فيها على مخ...
