💫 #سلســـلة_فيكتـــوريا_الفانتـــازية_الأسطــورية 💫
✨القـــــصــــة1✨
تعريف هذه السلسلة👇🏻
من بعد حبي الكبير للفانتازيا و الخيال و الكتابة فيه قررت نكتب هاد السلسلة لي غتكون عبارة على قصص قصار كل قصة قصيرة غندوي فيها على مخ...
💫سلسلة فيكتوريا الفانتازية الأسطورية💫 ✨القـــــصــــة1✨ 🐺المستذئبة و مصاص الدماء🧛♂ للكاتبة✒️: Victoria kaelin 💜📖الجزء 15💜📖 سيرافينو بإبتسامة شريرة حرك راسو للحراس لي عرفو رغبتو انطلاقا من التخاطر لي هو ميزة من ميزات مصاصي الدماء و بسرعة جراو حتى ختافاو هوما و زيلدا قدام عينين درايك لي زيير يديه بغضب! درايك:فين داوووها!! سيرافينو:ل الزنزانة غدا هو يوم اعدامها درايك:مغنخليش هادشي يوقع!!! سيرافينو:غنشوف واش غتقدر تمنع هادشي و تنتمنى متفكرش فشي حاجة متهورة و دابا حييد من قدامي ممساليش ليك سيرافينو عطاه بالضهر اما درايك اول مرة يفقد فيها اعصابو هاكا خرج دغيا من تما و مشا بسرعة قصوى هابط فأعماق القصر ديال باه حتى هبط للطابق السفلي لي كان عامر بالحراس واقفين شافوه نزلو ريوسهوم اما هو بنضرات غاضبة بقا غادي حتى وقف قدام الزنزانة لي كانت فيها زيلدا مكمشة فواحد القنت حتى شمات ريحتو و هي تنوض بالزربة وقفات عليه و الدموع فعينيها... زيلدا:دراااايك باباك غيقتلني بابااك..(تتبكي) درايك دخل صباعو بين القضبان حطهوم على خدها:متخافيش انا اكيد غنوضع حد لهادشي ميمكنش ليا نخليه يقتلك زيلدا:انا تايقة فيك ا درايك انا مبغيت والو انا بغيت غير نولي معاك و صافي درايك:سمحي ليا حيت غادي دوزي الليلة ديال اليوم فمكان بحال هدا ولكن تنواعدك غدا غادي ترجعي معايا و مكاين لي غيقيصك زيلدا زرعات هضرتو امل فيها:واخا انا غنتسناك شدات زيلدا صباعو بيديها قرباتهوم من فمها:متعطلش عفاك درايك حرك راسو:تيقي بيا زيلدا طلقات منو و ضار عطاها بضهرو بقات متبعاه حتى غبر وسط الممرات و هي ترجع فين كانت مكمشة جامعة ركابيها عندها معرفاتش شنو غيدير ولكن لي متأكدة منو هو انه درايك مغيتخلاش عليها... بعدما خرج درايك من الطابق السفلي تاجه نيشان لواحد المكان لي اخر مصاص دماء يفكر يعتبو و اكيد غتكونو عارفين فين...
من الجهة الأخرى كان كونيل فأواخر مراحل غضبو و مجموعة من القادة ديال الجيوش ديالو واقفين باستقامة قدامو و هو غادي جاي قدامهوم... كونيل:كيفما كلكوم عارفين بنتي مختفية و احتمال كبير يكون سيرافينو السافل هو مورا هادشي بغيتكوم بصيفتكوم القادة ديال الجيوش ديالي انه حتى شي منطقة متخليوهااش بلا تقلااب ولكن بالطبع هادشي كاملو من غير ميحسو البشر بشي حاجة! القادة:حاضر سيدي! كونيل:الى هاد التقلاب مخرجش بشي نتيجة الوجهة القادمة غتكون قصر سيرافينو سوا كانت عندو سوا لا هاد الخبيث خصني نمحيه من الوجود!! القادة:امرك سيدي! كونيل:تحركوووو!! القادة نصارفو بالصف داكشي بالترتيب حتى خرجو فجأة تسمع الصداع و الغوات فالتحت د القصر خلا كونيل يتكوانسا لثواني يعرف اش واقع شوية حاسة شمو القوية لتاقطات دخيل و ماشي اي دخيل هادي رائحة مصاص دماء ماشي غير فمنطقتو بل تجرأ و تسلل حتال داخل قصرو! شكون هدا لي باغي موتو؟كونيل يالاه بغا يخرج و هو يتحل لباب بالجهد و تسمعو خطوات ثقيلة داخلة و الريحة غادة و تتقوا حتى وقف قدامو درايك...
الزنزانة
Oops! This image does not follow our content guidelines. To continue publishing, please remove it or upload a different image.
زيلدا و درايك
Oops! This image does not follow our content guidelines. To continue publishing, please remove it or upload a different image.
