💫 #سلســـلة_فيكتـــوريا_الفانتـــازية_الأسطــورية 💫
✨القـــــصــــة1✨
تعريف هذه السلسلة👇🏻
من بعد حبي الكبير للفانتازيا و الخيال و الكتابة فيه قررت نكتب هاد السلسلة لي غتكون عبارة على قصص قصار كل قصة قصيرة غندوي فيها على مخ...
💫سلسلة فيكتوريا الفانتازية الأسطورية💫 ✨القـــــصــــة1✨ 🐺المستذئبة و مصاص الدماء🧛♂ للكاتبة✒️: Victoria kaelin 💜📖 تتمة الجزء 13💜📖 داز الليل على طولو و جا الصباح بشميستو لي بدات تطل و تنور فأرجاء قصر درايك و فغرفتو بدات زيلدا تتحرك و عينيها بداو تيتكمشو حتى فاقت من النعاس ناضت تتكسل لقاتو مكاينش حداها قفزات من الناموسية للأرض و حوايجها كلهوم مخربقين و شعرها حتى هو و يديها على فمها تتفوه و تتحك فجسمها خرجات من الغرفة و بقات غادة فالممرات المضيئة و الشراجم الكبار مدخلين اكبر كمية من ضوء الشمس حتى رجعات لغرفتها و دخلات للحمام تما غسلات وجهها و جمعات شعرها بقات شحال تتشوف فالمراية و هي تدخل للغرفة لقات حوايجها فوق الناموسية ستغربات حيت فاش جات معاه لهنا مجابت والا حاجة معاها يعني غيكون جابهوم من الدار حييدات هادوك و مشات دوشات جاها فالأول غريب حيت مولفة بالبحيرة ولكن قدرات تسلك راسها و لبسات حوايجها هبطات للتحت لقات اكلها واجد محطوط ولكن مكاين حتاشي اثر ل درايك حتى ريحتو مكايناش فالقصر هادشي تيعني انه وجودو مكاينش كلات غير بالنفخة كانت متحمسة تفيق و هو حداها و متحمسة انها تفطر و هو قدامها ولكن فيناهوا؟زعمة يكون خلاها محبوسة هنا و مشا؟و من كترة الملل قررات انها تستكشف القصر يالاه غتقدر ضرب نصو بينما بان اثر درايك...
من الجهة الأخرى و بعد ركض طويل و طريق مجبدة و اخيرا روبي قدرات توصل لمقر و قصر زعيم عشيرتها كونيل شافوها الحراس و خلاوها تدوز مشات تتجري و كلها عرقانة و موسخة بالتراب حتى وقفات عليه فلبيرو ديالو... كونيل وقف بدهشة:اش واقع!!!! روبي:س س سيديي س سيديي كونيل:شنوووو؟؟؟؟؟ روبي:ز ز زيييلدااا(بغات تبكي) زيلداااا كونيل تبدلو عينيه بداو تيوليو حمرين:مااااال بنتي؟؟؟؟؟ روبي:تخطفاااااات كونيل بصدمة:كيفاش!!!!!!(بلغوات)امتى هادشي و نتي شنووو مهمتك من غير تقابلي بنتي!!!!!! روبي:كنت فالخدمة ا سيديييي نتا عارف بلييي تنخدم باش ميكونش شي شك انك تتمدنا بالأموال و يكتاشفو مصاصي الدماء مكاننا نتا عارف بلي الجواسيس فكل مكان كونيل غوووت:و فين بنتي دابااااا؟؟؟؟؟؟ روبي تترعد:معررفتش معررر معررفتش(تلاحت عند رجليه) عفاااك ا سيديي عفاااك متعااقبنيييش انا درتها بحااال بنتيييي كونيل دفعها برجليه حتى تهزات و تردخات مع الحيط:أمنتك على بنتييي نتي الوحيدة لي خديتييي الثقة ديالي وسط من الخدم كاااملييين نتييي بوحدددك(هز صبعو عليها)و خنتي ديك الثقة كيفااااااشش مقدرتيييش تحميهااااا؟؟؟؟كيفاش مقدرتيييش تحمييي الأمااااااانة؟؟؟؟؟؟ روبي كلها تتقفقف:عفاااك ا سيديييي عفاااااك انا ربيت زيلدا طول هاد 10سنين و اول مرة تختااافي عفااااك متعاقبنييييش كونيل غوت:حراااااااااااس دخلو 4 من الحراس وقفو مستفين قدامو هازين صدورهوم و ملامح الرحمة متضورش قبالتهوم... كونيل:هزو عليا هادي للحبس روبي:لااا ا سيديييي لاااا الحراس تقدمو حتى شدوها جوج و جوج لخرين وقفو موراها تحسبا بأي حركة تهور... كونيل:عرفتي و تطيح بنتي فيد سيرافينو ولا توقع ليها شي حاجة حسبي راسك مييتة من دابا حرك راسو للحراس لي تحركو غريزيا و داو روبي لي كانت تتركل و تبكي و تطلب النجدة اما كونيل خرج من مكتبو بسرعة و قرر يجمع الجيش ديالو يمشيو يقلبو على بنتو... كونيل تلونو عينيه بالأحمر القاتم و بغضب قال:هادو فعايلك الموسخين ا سيرافينو تنقسم بحياتي الى قصتي شعرة وحدة من بنتي غيكون الثمن حياتك....
فمكان مظلم و الحس مقطوع كانو تيتسمعو فقط خطوات ثقيلة تتمشا فالممر و داخلة لواحد القاعة واسعة حتى حبس صوت المشي...كان صاحب الخطوات هو درايك واقف قدام باه لي كان تيطل من النافذة فاش حس بولدو ضار ببطئ و ملامح البرود مرسومة على وجهو:و اخيرا بان اثرك تقدم بشوية جيهتو و وقف و يديه مورا ضهرو:جبتي ليا راس بنت كونيل؟ درايك واقف متزعزعش:لا سيرافينو طلع حاجبو للفوق و باقي محتافظ بملامح البرود:و علاش؟ درايك:القتل ماشي هو الحل سيرافينو:واش دابا تتجاحد معايا؟ درايك:لا ا بابا ولكن القتل مغيدير والو و نتا عارف هادشي سيرافينو:ماشي ولدي لي ربيت هدا نتا ماشي ولدي لي تنتسناه ياخد عرشي و عرش المستذئبين نتا ماشي هو! درايك:الى بقينا هكا عمر هاد دوامة سفك الدماء مغتسالي و اجيال المستذبين و مصاصي الدماء غيبقاو ديما فالحرب الغير منتهية و عمرهوم غيعيشو بسلام..الوفاق هو الحل ا بابا حنا خصنا نديرو يد فيد سيرافينو بداو تيبانو عروق جبهتو و الغضب بدا تيشدو:الوفاق؟ واش عارف اش تتقول؟؟!!! انااااا سيرافينو بلاااايد بمقاااامي و جلاااالتي ندير يد فيد مع دوك الوحوش؟؟؟ درايك:هدا هو الحل ا بابا ميمكنش ليا نقتلها ميمكنش ليا نوسخ يدي بالدماء سيرافينو:الى مقادرش تدير هادشي كاين لي غيديرو درايك عقد حجبانو:حتى واحد مغيقرب ليها!! سيرافينو:درايك؟ اش واقع ليك؟ اش زرعات بنت كونيل فدماغك؟ واش نتا عارف شنو تتقول؟راني قبل منكون باك انا زعيم عشيرتك!!! درايك:عارف هادشي ولكن خصك تفهم انه البنت بريئة و معندها حتاشي دخل سيرافينو:و انا من امتى تيهمني امرها؟؟ انا باغي فتيل لي يشعل الحرب بيني و بين كونيل و لقيتو هادي فرصة متتعوضش و تتقول ليا منقتلهاش!!!شنو وقع ليك شنوووو!!! درايك:حيت تنبغيها!!! سيرافينو داك الغضب تحول لصدمة و عينيه خرجو فولدو كيفاش!!!تيبغيها؟!!....
الحمام
Oops! This image does not follow our content guidelines. To continue publishing, please remove it or upload a different image.
