💫 #سلســـلة_فيكتـــوريا_الفانتـــازية_الأسطــورية 💫
✨القـــــصــــة1✨
تعريف هذه السلسلة👇🏻
من بعد حبي الكبير للفانتازيا و الخيال و الكتابة فيه قررت نكتب هاد السلسلة لي غتكون عبارة على قصص قصار كل قصة قصيرة غندوي فيها على مخ...
💫سلسلة فيكتوريا الفانتازية الأسطورية💫 ✨القـــــصــــة1✨ 🐺المستذئبة و مصاص الدماء🧛♂ للكاتبة✒️: Victoria kaelin 💜📖الجزء 7💜📖 درايك رجع شاف فيها لقا السييدة غارقة فحشمتها و افكارها تيتقراو فدماغو مكاين غير القلوبا و الإعجاب السييدة دغيا جبداتها كيف بغاتها... زيلدا:فراسك حتى نتا زوين درايك:زعمة؟ زيلدا على نييتها:وايه داير بحال شي امير هههه درايك بابتسامة خفيفة:شكرا زيلدا بصدمة:واش شكرا لي سمعت ولا شي حاجة خرى؟؟ درايك جمع ضحكتو دغيا:نساي زيلدا:كيفاش نسا واش نتا حمق راك قلتي شكرا خصني نسجلها فمذكرتي درايك:شحال فيك د الهضرة زيلدا:ايوا حطني فالأرض ولا عجبك التلماس ااا درايك:علاش افكارك كلها منحرفة؟راه ماشي كلشي بحالك زيلدا مرضاتش:ممم ماشي هكاك نتا لي شادني من هاديك شنو سميتها؟ درايك:الترمة ا عقل الترمة زيلدا:اعععع واخا عليك متقولش هكاك درايك شداتو الضحكة فلداخل ديالو ولكن مبيينش ليها:تنحس براسي مع طفلة زيلدا:و انا تنحس براسي مع شارف درايك:ها حنا قربنا حط درايك زيلدا فوق الأرض:ايوا شوف دابا حالتي كيف رجعات بسبابك و زعمة عاد مدوشة درايك:نتي لي كنتي تتجري بسرعة كبيرة تيبان ليا مزال متحكمتي فسرعتك عمرك باين حتى فتحركاتك كمستذئبة زيلدا:و باش عرفتي نتا هادشي؟؟ درايك:الخبرة المهم نخليك دابا زيلدا يالاه بغات تشدو و هي تراجع:واخا درايك كان متوقع شي تصرف من تصرفاتها المتهورة بحال تنقز عليه ولا تجرو ولا تعنقو ولكن مدارت والو حس فشكل:غنجي نشوفك غدا زيلدا بتاسمات:واخا اختفى درايك اما زيلدا مشات جابت حوايج خرين نقيين و رجعات تاني تغسل فالبحيرة و فوسط المياه عقلها سرح مع درايك لي ابتسامتو باقة محفورة فذاكرتها خلاتها ضحك و ملامحو حتى هي و هنا بدات هاد المستذئبة الصغيرة تتحس بمشاعر جديدة لي كانت محيطة بقلبها و دابا بدات تتستولي عليه... 🌙فالليل🌙 و فالوقت لي ناعسين فيه روبي و زيلدا كائنات خرى متتعرفش شناهوا النعاس و شكون من غيرهوم مصاصي الدماء... كان درايك فالقصر ديالو الخاص حيت كاين القصر الكبير ديال باه و هدا قصرو المتوسط خاوي فيه غير هو بحكم انه منعازل و متيحملش الصداع كان جالس فكرسي و كاس زجاجي مخلط بين النبيذ الأحمر و الدم البشري فيديه مقابل مع الشرجم و ضوء القمر ضارب فعينيه لي باينة عليهوم النشوة ديال هاد المشروب غارق فتفكيرو و صورتها شاغلة بالو باباه مخلوق معندوش شي حاجة سميتها الصبر الطلب خصو يتنفد يتنفد و فنفس الوقت مباغيش ينفد الطلب ولكن واش غير طيبة زيلدا لي منعاتو ولا كاينة شي حاجة خرى محسش بيها؟؟ بعدما سالا من المشروب ديالو حط رجل على رجل تيفكر شنو غيدير معاها تاني غدا؟غدا غادي تكمل 3ايام على المهمة ديالو و هدا بحد ذاتو تأخير بالنسبة لباباه شغيقول ليه؟؟ تحط فموقف لي هو يا ايما حياة زيلدا ولا سخط باه...... 🌞فالصباح🌞 كانت جالسة زيلدا فوق الشجرة لابسة تريكو خفيف فلون غوز بيبي مع شورط دجين شعرها مطلوق و جامعاه بفيليلات فالغوز مرة تشوف فيمينها مرة فيسارها حتى وقف عليها درايك فوق جدع الشجرة لي مقابلة معاها... زيلدا:اووف منك خلعتيني بقا تجي بحال الناس درايك لاحظ اللووك ديالها:شنو داكشي لي فشعرك؟ زيلدا:هادو سميتهوم فيليلات ياكما بغيتي شي واحد تجمع بيه شعرك؟ درايك معندوش لوقت لتفاهتها:المهم هاد المرة نتي لي غادي تجي معايا زيلدا ناضت مطلعة حاجبها:و لفين؟؟ درايك:حتى لتما و شوفي بعينيك قبل متكمل هضرتها نقض عليها بسرعة شادها من خصرها و غبرو...
Oops! This image does not follow our content guidelines. To continue publishing, please remove it or upload a different image.
المشروب🍷
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
