الملعونة

الجزء العاشر

يا رب ماذا سيصيب القلب
اذا التقت العيون ؟؟

............... ................ ................

الحمد لله مرت فترة و الشغل مريح و بديت اتعود على الوضع و اتكيف ويا ..

الاسعار كلهن حفظتهن و الناس الي تجي للمحل هم عرفتهم الي يتداين و الي ما يتداين و الي ايدة طويلة ..

و علي كل فترة يجي للمحل و يخوفني بتصرفاتة ..

كعدت اليوم بطاقة و حيوية تريكت بساااع لان ام محمد كالتلي لا تتاخرين لان البارحة اتأخرت يلا رحت للمحل ..

فما اريد اضوجهة مني مثل البارحة .. المهم لبست جبتي و لفيت الشال و تعطلت و توكلت على الله ..

فتحت المحل اليوم الجو حلو .. اجو ناس اشتروا ريوكات و ناس اجت تتسوك ..

و هدوء شوية اليوم ماكو شغل متعب .. ظليت كاعدة و اشخمط بالدفتر مال الديون ..

و سرحانة افكر بالدنيا الي بدت شوية تتعدل وياي .. ما احس الا ام محمد طبت : " ها صباح الخير شلونج لارا .. القوة القوة اليوم من وكت جاية "

: " افا عليج خالة .. اني اعجبج من 7 الا ربع فتحت المحل .. و ها اجت مرية عليج جابت ذني الفلوس و حلفتني اطيجياهن بيدج "

: " منو يا مرية "
: " والله خالة ما اعرفهة اول مرة تجي للمحل .. بس هي كالتلي اكلج ام وسام تسلم عليج و ذني الفلوس واصلات منهة "
: " ها ام وسام .. اي اطينياهن "

: " السلام عليكم !! "
: " و عليكم السلام "

: " ها علي شلونك .. "
: " شلونج ام محمد .. من زمان ما شايفج "

و يحجي وية ام محمد و عيونة تتفحص بية و يغامز و يتبسم : " ام محمد .. اريد باكيت جكاير "ّ

: " لارا انطي باكيت من يمج "
: " صار خالة "

: " مع السلامة ام محمد .. "
: " الله وياك خالة "