الحب يحدث عمدا خارج إرادتنا
إنه يحدث من دون إذن منا حتى" تأليفي "
................ ................ ...............مرن يومين و اني بس افكر بحياتي و شنو الي راح يصير الي بالمستقبل .. هذا علي معقولة يريدني لان شافني دافعت عن شرفي و ما انطيتة مجال مثل باقي البنات الي كال متأثرات بي ..
لو هو بس يريد يتزوجني و يكسرني لان هددتة يا رب كمل فرحتي .. ما اكدر ما افكر صح اني فرحانة لان الولد الي انعجبت بي صار من قسمتي بس بنفس الوقت احس بشعور مو مريح ..
احساسي يكول اكو شيء مو زين راح يصير .. يا رب يطلع مجرد خوف و ماكو شيء يا ررب .. والله تعبانة و ما بية كل حيل لأي شيء والله قلبي ميت و ما بية طاقة لأي شيء والله قلبي ما عايز وجع ..
ظليت افكر و افكر و افكر من جهة علي و بنت خالتة من جهة اخواتي و مرت ابوي الي تحفر من جواهن في سبيل توكعهن بمشاكل و تتسبب بعذابهن ..
يا ررربي منين ما اجيبهة عوجة يا ربي سهل أمري .. نمت و اني افكر و كعدت الصبح مخروعة من حلم مو حلو شفتة ..
ما كدرت ارجع أكمل نومتي ظليت كاعدة و اتقلب بالفراش سمعت صوت الأذان كمت توضيت و توجهت للقبلة صليت و قريت شوية قرآن دعيت الله هواي ..
يا رب اليوم راح اروح اعقد بالمحكمة و اني ما اعرف هذا الزواج بي صالح الي او لا .. يا رب اذا هذا الزواج مو زين يا رب خلي بي عائق و لا تخلي يكمل ..
............. ................ ................
لا شيء يجلب لك المرض اكثر من التفكير و القلق الزائد
.............. ................ ...............لميت سجادتي و رجعت للفراش ظليت نايمة لحد ما صار الصبح كعدت على صوت ابوي : " لاررررا لارررا يلا بسرعة بدلي راح يجي علي حتى نروح نعقد "
كمت غسلت وجهي بدلت ملابسي و لفيت شالي شوية مرطب و شوية مورد خدود و طلعت للصالة
: " خلصتي علي منتظرنة بالاستقبال يلا "
: " ما عندي شيء يلا "
أنت تقرأ
الملعونة
Romanceقصة حقيقية باللهجة العراقية تتكلم عن فتاة لم تحظى بطفولة دافئة في احضان والدتها و بدل ذلك عاشت ايام مليئة بالرعب و المعاناة بسبب تصرفات والدتها الغريبة .. و هل سترى السعادة مع حبيبها إم سيعذبها مثل الباقين ... لا تقرأ النبذة التعريفية و تحكم على الر...