الملعونة

الجزء الخامس عشر

وحدك يا الله تعلم ما في القلب من غصات ،
تعلم كيف يؤكل قلبي و من أين ؟
تعلم كم يصعب علية أن اشكي حالي لأحدهم
اللهم اجعلني في ودائعك ❤

................. .................. ................

طبعا مرت ابوي ما صدكت راح تخلص مني و بهلسرعة .. لان اني واكفتلهة عظم خاصرة ...

: " هلللللللللوووووويش تعالن بنات باجر اختجن تعرس و نخلص منهة و هللللللللللووووويش يوم الاخلص منجن كلجن "

و تكمز و تركص و تهلهل : " لارررررا لارررررا تعالي بسررررررعة "
: " شتريدين ؟؟ "
: " تعالي يا روحي تعالي احفلج و انظفلج وجهج و نروح نشتريلج ثوب مرتب باجر يجون اهل العريس و هللللللللللويش "

: " ما اريد خليشوفني بهذا شكلي حتى يبطلون "
: " تعالي كعدي لا اخلي ابوج يجنزج هسة "

كعدت حفتلي و سوتلي قناع و هاي السوالف و سوتلي اظافيري و شعري و صرت شي ثاني تغيرت كلش هواي صح هي ذيج المرة حفتلي بس ما نظفت حواجبي و شمرتهن ..

ضليت اباوع لروحي بالمراية ما مصدكة اني طلعت حلوة و ما ادري ..

: " هاا عروستنة ما شايفة روحج بالمراية .. يلا فظينة خلنروح للسوك نشتريلج شكم شغلة .. خمس دقايق يلا بسرعة تبدلين حتى ابوج يوصلنة بالسيارة "

: " بس البس جبتي و شالي "
: " لا تتأخرين "

كظيت حياتي مثل الثولة ايد تجيبني و ايد توديني و اني لا احل و لا اربط ... بس كافي تعبت من كل شي وين ما تصير خلتصير ..

رحنة للسوك ما فترينة هواي بس اشتريت فستان لونة تركوازي و شال بيجي ..

رجعنة للبيت لكيت اخواتي كاعدات ينظفن بالبيت خاف يجون اهل علي العصر ..

كمت انظف وياهن و اباوع لمرت ابوي كعدت تحف و تلمع بروحهة ما خلت قناع ما سوتة لوجهة و سوت شعرهة و كلسا اجت بنات شتكولن البس هذا اذا اجو لو البس هيج ...

و ساعة تصبغ اظافرهة و مادري شتسوي .. بلله هاي كل و عقلهة عبالك هي الي معرسة مو اني راح تجي الوادم تشوفني بعد ساعة و كفشتي شكبرهة ..