الملعونة

الجزء الثالث عشر

اللهم هبنا السعادة التي لا تغادر تفاصيل حياتنا

... اللهم خبايا جميلة و اخبار مفرحة ...

.............. .............. ............

العصرية كعدت كبال مريم و اريد افهمهة هذا مو خوش ولد و يجذب عليهة .. شو هي انتفضت و كامت تمسلت بالحجي ..

و اني ما عندي وكت اسمع حجي طايشة لزكتهة براشدي فر رأسها فر و رفعت اصبعي بوجهة و كتلهة : " اسمعيني ولج .. اذا سمعت حاجية وية احمد لو شفتج كاعدة يم العگربة الصفرة .. لو هيج حسيت بيج عندج سالفة عوجة منا لو منا لو مسوي شيء من دون أذني او علمي لو من وراي قسم بلله احطج اشبعج كتل والله يا مريم ما اخلي بيج شي آكالج بسنوني و ما يرفلي جفن .. تفهمين لو لا "

: " اي .. صار والله ما اعيدهة والله "
: " يلا كدامي .. كومي هسة اريد البيت يلمع لمع .. و من تخلصين تبطخين عشاء و تاكلين و تنامين .. مفهوم ؟؟ عيني عليج "

بصوت ناصي ردت : " اي مفهوم "

خذيت العجين و طلعت حتى اخبز و افكر بلي سويت وية مريم صح او غلط .. اني متأكدة هو هذا التصرف الصحيح لازم يموت قلبهة ..

حتى ما تتأثر بأي حجي حتى متصير سهلة .. هي بمرور الوقت راح تشكرني كل يوم على هذا الشيء الي سويتة الهة ..

عدة اليوم على خير بس بقت شغلة وحدة لسة ما سويتهة .. تعرفون شنو هي ؟؟ هسة تعرفون ..

بليل ظليت سهرانة شوية حتى أراقب مريم حتى اذا كلامي انكسر .. تنكسر ايديهة و رجليهة .. و الحمد لله ما صار شيء ..

الصبح غسلت و لبست ملابس المحل .. و رحت للمطبخ حتى اتريك و تأخرت يلا طلعت للمحل حتى انتظر مرت ابوي تكعد و اقسملهة بالحجي ..

سويت الريوك و حطيت الصينية و كعدت كبالهة .. اخوط بالاستكان و اباوعلهة و اخزر بيهة و مبتسمة الهة بأستفزاز ..

: " هاا لارا شبيج تخوزرين بية خو ماكو شيء ؟؟ "
تقربت عليهة و فتحت عيوني ( ردت اخوفهة شوية ) : " عرفت بسوالفچ التعبانة .. عرفت بمريم و اخوچ ياااا حبابة !! عرفت شنو جاي تخططين "