Perfect Distraction

21. Apat na Lamesa

Author's Note:

Kahapon lang ako nag-update ulit.
Pero gusto ko ulit mag-update ngayon. Habang gumagana ang krung-krung mind ko. hahahhaah

Thank you sa mga loyal readers ko nito. Natouch naman ako na super inaantay n'yo talaga ang pagbabalik ni Kid at Mia. 😍😘

At ayoko na kayong biguin hahah.

Para sa inyo 'to: IamMiah06 and MichelleBihag

Lovelots,

Rusz-Avhin

------------------------------------

Mia:

Habang papalapit ang pagsapit ng linggo, hindi ko alam kung bakit ganito ang nararamdaman ko.

Nagdadalawang isip akong pumunta.

"Mi, wala nga pala ulit ako sa Sunday ah." Paalam ni Kid.

"Family Day?" bahagya kong tanong.
Tinatantiya kung babanggitin niya ang birthday ni Laine sa parehong araw.

Nasa couch kami dito sa condo niya. Nakahiga at nanonood ng tv.

"Yeah. The usual." Kaswal niyang sabi.
Tumango-tango ako. Minsan gustung-gusto kong itanong kung bakit hindi niya ako isinasama. Not because I'm his girlfriend or what.

Just simply because..it's just weird. Kahit kaibigan mo nga lang ipinapakilala mo usually sa parents mo di ba? Parang may parte sa mundo ni Kid na..hindi ko magets.

"Kid, ilan naging girlfriend mo? Iyong serious relationship ah. Bukod kay Laine?" Imbes na mag-usisa sa panilya niya ay iyon na lang ang itinanong ko.

Ilang saglit akong naghintay pero wala na siyang isinagot. I looked up and see him eyes closed. Marami na akong nakitang babae ni Rage bago nagseryoso kay Sunny. Sina Brandon at Logan ay ganoon din. Iba-iba. Bukod pa iyon sa mga kaibigan nilang mayayamang babae na lagi rin nilang kadikit.

Kay Kid ako walang nakikitang walang kalampungan noon pa man. Kay Sunny nga lang yata siya ulit nagkagusto. Tapos..ehem..sa akin?!

Si Laine lang ang bukod tanging nagrerepresent ng past at gumugulo sa present.

Laine is very pretty. The typical spoiled brat type. Kung iisipin kong mabuti, pwede akong magselos. Parang may hawak pa rin siya kay Kid.

I sighed. Maybe I really should go to that damn party. Baka malaman ko ang mga bagay na hindi ko magets.

Nandito ako sa dorm dahil kagabi pa bumyahe si Kid pauwi sa kanila.

At ang birthday ni Laine ay sa Fuentebella Island and Hotel sa Palawan gaganapin. Maybe still Kid's clan property huh?

Sakay kami sa pribadong eroplano madaling araw ng Linggo. Lahat kaming nasa eroplano ay pawang mga crew at maintenance sa gaganaping selebrasyon.

Gandang ganda talaga ako sa mga ulap at sa ibaba kung saan unti-unting lalaki ang mga puno at halaman sa ibaba habang naglalanding ang eroplano. Gaya noong kasal ni Sunny sa isang lugar dito sa Palawan, parang ayoko ng umuwi. Parang ang sarap na lang manirahan sa tabing dagat at mangisda. Natawa ako sa naisip.

"Wow. Nandito na tayo. Pangarap kong magtrabaho dito eh. Kaya lang ayaw akong sa malayo magtrabaho ng parents ko." tinig ng isa sa kasamahan namin.

"Iyong pinsan ko dito nagtatrabaho, ang dami raw gwapo dyan. Tsaka maganda. Dun sa mismong mga lahi ng Fuentebella." sabad ng isa pa.

"Di ba may sikat na Task Force Agency din sila? Na kadalasan sila mismo ang gumagawa ng mga misyon? Ang astig nila di ba?"