بنات سهر

ح ١

#فراقد حسن علي

# الحلقة الأولى.........

#بنات سهر..................
__________________

انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه
=========================

الأم كلمة صغيرة وحروفها قليلة
لكنّها تحتوي على أكبر معاني الحبّ والعطاء
والحنان والتّضحية،
وهي أنهار لا تنضب ولا تجفّ ولا تتعب،
متدفّقة دائماً بالكثير من العطف الذي لا ينتهي،
وهي الصّدر الحنون الذي تُلقي عليه رأسك وتشكو إليه همومك ومتاعبك.
هي التي تعطي ولا تنتظر أن تأخذ مقابل العطاء،
وهي التي مهما حاولتَ أن تفعل وتقدّم لها فلن تستطيع أن تردّ جميلها عليك ولو بقدر ذرة صغيرة؛
فهي سبب وجودك على هذه الحياة، وسبب نجاحك، تُعطيك من دمها وصحّتها لتكبر وتنشأ صحيحاً سليماً، هي عونك في الدّنيا،
وهي التي تُدخلك الجنّة........................

الجو باررد يكص العظم من البرودة
ومغيم وكئيب
الواحد يحس بالخنكة من هيج جو
السماء مخنوكة بالغيم ومبينة مطارة
ومن الصبح الحجية فاطمة(أم منتصر )
هاي المرأة العجوز الخيرة
دوم متواجدة بالمطبخ وهو مكانها المفضل
مدفية المكان وعالكة بي هيتر كهربائي
وصوبة نفطية
وسماور الجاي جاهز وبخارة يتصاعد للسكف
ومحضرة الريوك لابنها الكبير منتصر(ابو حسين)

منتصر سالفتة طويلة وعريضة
وحاليا ساكن او مستقر من قبل شهرين بيت أهلة

والحجية فاطمة رغم تعبها وجع مفاصلها
بس شايلتة هو واطفالة بعيونها

وماتريد تحشم بنتة العنودية تبارك حتى تقوم بواجب
وخدمة أبوها لأن تنتر بالواحد وماعدها شي أسمة احترام
رغم هي مو صغيرة البنات البحلها بثالث متوسط
بس هي مدللة وكسولة ما فالحة بالدراسة
رسبت مرتين بالسادس الابتدائي
وبطلها أبوها من الدوام

وهم ماتريد الحجية فاطمة تحشم ولا تريد تضغظ
على بتها لمى تشوف طلبات اخوها
لأن البيها مكفيها ،،،،،

فهي بيها مابيها بالحيل الباقي عدها
إداري نفسها وأولادها

دخل للمطبخ منتصر أبو حسين
وبيدة الخاولي ينشف بوجه
صبح على أمة الحجية فاطمة
_صباح العافية يوم

ردت علية بكلمات تشرح الصدر
-صباحك خير وعافية يبعد طولي طولك
شلونك اليوم ماشوية أحسن؟؟
انمردت روحي عليك بليل واني اسمعك تشحط وبلعومك تجرح من الكحة

جاوبها وهو يسحب الكرسي ويكعد بصفها
على ميز الطعام،،
_سالمة روحج يوم
صدري متنك وكلش متاذي وضايك نفسي
العصر أروح اجيك وضعي