#فراقد حسن علي.....
#ألحلقة الثالثة.........(( بارت مفاجئ ))
#بنات سهر..................
÷÷÷÷÷÷÷÷÷÷÷÷÷÷÷÷÷÷
راح اعرض عيوني اليوم للبيع
وابيع بنص سعر لليشتريها
بعد فرگاك ما أحتاج العيون
عين الما تشوفك شلّي بيها!!!
===================
مسرة / ااااخ كلمات خاله أم عمر كانت أرماح النه
تملخت أرواحنا وكلوبنا على ماما ،،
على صوت عياطنا وبجينا ألتموا الجيران علينا
وأم عمر دزت أبنها فؤاد على الجامع
راح جاب نعش وأجى
وهي وأولادها ورجلها لفوا ماما بالبطانية
وخلوها بالنعش وأخذوها للمستشفى
كالت /يطلعون الها شهادة وفاة
أني تذكرت كلام ماما
اتصلت الصبح على خالتها فاطمة ماترد عليه ،،
بقوا الجيران يجون علينا
دخت وفترت الكاع بيه
اني شايفة فاتحة بابا ومحمد قبل
وفاتحة زوجي
بس ابد ما شايفتهم من هم ميتين
يعني ما شفتهم من ماتوا
ولا مريت بلحظات موتهم
للظهر يلا رجعوا بيت جارتنا ام عمر
سولفت هي جارتنا كدام النسوان
كم وحدة بقن
وكالت /اخذناها المرحومة للمستشفى
وكملنا إجراءات شهادة الوفاة
والطبيب كال/ سبب الوفاة سكته قلبيه ؟!
واخذناها مناك للمغتسل
واني وكنتي أية زوجة احمد
محلله وموهوبة ومبرية الذمة
غسلناها وكفناها
وأمانة الله
هي ألمرحومة البارحة من تخربطت بليل
ذممت علينا ندفنها يم رجلها وأبنها ...
أني هنا رجعت دكيت على ارقام خالتها
محد يجاوب علية ،
بس واحد من الأرقام
جاوبني رجال وكان نايم ساعة يلا أفتهم عليه
وكالي /هسة اخلي الحجية تتصل عليج
عاد صدك رجعت خالتي فاطمه اتصلت عليه
ومن سمعت جارتنا ام عمر الكلام
كالت / بين ماتجي خالتها هاي وصيتها للمرحومة
خالتها وأولادها يدفنوها،،
وأنتن حرام عليجن
لمستن أمجن وهي متوفيه
ادخلن أغسلن غسل لمس الميت
ترى تنجسن الناس
واقرن على نعشها قران
بين مااني هم اروح اغسل وارد عليجن
تكون خالتها وصلت
أحنا هم وحدة وره الثانية دخلنا غسلنا
والله حتى مانعرف شنو غسل لمس الميت
غسلنا نفس ترتيب غسل الحيض بس بنيه
الغسل من لمس الميت
الجيران اصلا للعصر محد بقى يمنا
وأم عمر كالت / قفلن الباب عليجن لا تتفرهدن
وانتن وحدتجن فاهية ودايخات بمصابجن
ومن أخلص ادك عليجن تلفون افتحن اليه الباب
وصدك على كلامها غسلنا
وكعدنا نقرة قران يم نعش ماما
والباب تكسرت ما فتحناها عبالنا الجيران
بس من دك رقم خالتي فاطمة جاوبتها
حاجاني رجال واني تخربطت من المستحى
حتى بعد مااعرف شكول وشرد عليه !!
YOU ARE READING
بنات سهر
ChickLitألبنات نعمةٌ من نعم الجنَّة ،، ورداءُ رحمة للحياة ،، ونسمة رقيقة تلامس الرُّوح ،، فَـ هنيئًا لمن رُزق بالبنات ،،
